အရက်နှင့် မြန်မာ့လူမှုဝန်းကျင်

တလောက မလေးရှား ရုပ်သံလိုင်းတစ်ခုဖြစ်တဲ့ TV3 မှာ သတင်းတစ်ပုဒ်ကို အမှတ်မထင်တွေ့ လိုက်ရတယ်။ မြန်မာနဲ့ ပတ်သက်တဲ့သတင်းဆိုတော့ ပိုပြီး အာရုံစိုက်လိုက်မိပါတယ်။ ဒါပေမယ့် သတင်း ပုံရိပ်တွေက အရက်ပုလင်းနဲ့ သောက်လက်စခွက်များနဲ့ မြန်မာလိုရေးထားတဲ့ ဆိုင်နာမည် စတာတွေကိုနောက်ဆက်တွဲတွေ့လိုက်ရတယ်။ ဒီသတင်းကို ကျနော့်ရဲ့ လုပ်ဖော်ကိုင်ဖက် ဒီနိုင်ငံသားများ မကြည့်ဖြစ်ပါစေနဲ့ ကြိတ်ဆုတောင်းနေမိခဲ့တယ်။
ပီနန်းဘက်မှာ လုပ်ဖော်ကိုင်ဖက် မုံရွာသားတစ်ယောက်ရှိတယ်။ အလုပ်ကိုလေးစားတယ်။ OT အမြဲဆင်းတယ်။ တစ်နေ့တော့ OT မဆင်းပဲ အလုပ်က စောစောစီးစီးပြန်လာတယ်။ နေမကောင်းလို့လား ဒါမှမဟုတ် ညက အိပ်ရေးမ၀လို့ စောပြန်တာလားသတင်းမေးမိတယ်။
" ဒီကနေ့ည ကျနော်တို့ရွာမှာ ဘုရားပွဲရှိတယ်။ ဒီလိုညမျိုး သူငယ်ချင်းတွေနဲ့ အတူတူအရက် သောက်ခဲ့ကြတာကို ပြန်ပြီးသတိရလို့ ဒီနေ့စောစောပြန်လာခဲ့တာ" တဲ့…။
ပြီးတော့ ကုန်စုံဆိုင်လေးဘက်ထွက်သွားပြီး ပြန်လာတဲ့အခါ လက်ထဲမှာက ကြွပ်ကြွပ်အိတ် အနက်ရောင်နဲ့ ထုပ်ထားတဲ့ အရက်ပုလင်းပြားလေး တစ်လုံးနဲ့ အမြည်းအတွက် တိုလီမိုလီတွေ ပါလာတော့တယ်။
အမှတ်တမဲ့နှုတ်ဆက်သလို သတင်းမေးသလို ပြောနေကျစကားလေးရဲ့နောက်ကွယ်မှာ တွေးစရာတွေ ပါလာခဲ့တယ်။ အရမ်းကိုလည်း အံ့အားသင့်သွားတယ်။ ဘုရားပွဲရှိ၍ အရက်သောက်ဖြစ်သည်-တဲ့။
*****************************************************************
အဲဒီညမှာ အိပ်မပျော်တာနဲ့ ဟိုဟိုဒီဒီ လျှောက်တွေးနေမိတယ်။ ကျနော်တို့ဝန်းကျင်ဟာ အရက်ကို ဖြေးဖြေးချင်းလက်ခံလာခဲ့သော ၀န်းကျင်တစ်ခုဖြစ်နေပြီလားဆိုတဲ့အတွေးပါ။ ဟိုးတုန်းက မြန်မာတွေဟာ အရက်ရဲ့ ဆိုးပြစ်တွေကိုညွှန်းချင်လို့ အရက်သေစာဆိုတဲ့ စကားလုံးသုံးခဲ့ဟန်တူပါတယ်။ ဒီနိုင်ငံက မွတ်စလင်ဘာသာ ကိုးကွယ်ကြလို့ လူမြင်ကွင်းမှာ သောက်လို့မရတာတို့ ထင်ထင်ပေါ်ပေါ် ရောင်းခွင့်မရှိတာတို့ကို ဒီနိုင်ငံရောက် မြန်မာတိုင်းသိကြ သတိထားမိကြတယ်။ ဒါနဲ့ပဲ ကျနော်တို့ ဗုဒ္ဓဘာသာမှာ အရက်နဲ့ပတ်သက်ပြီး "ကိစ္စ မရှိဘူး။ သောက်ပါစေ"လို့များ အထူးအခွင့်အရေးပေးမထားပါဘူး။ သူများဘာသာထက် တစ်ပြားသားမှမလျော့ပါ။ အကြီးအကျယ် တားမြစ်ထားတယ်။ ဒီလို တားမြစ်ထားတာခြင်းအတူတူု ကိုယ့်ဘာသာတရားဟာ အလေးစားခံရမှုနည်းတယ်လို့ ကျနော်ထင်တယ်။ တစ်စတစ်စနဲ့ မြန်မာ့လူအဖွဲ့အစည်းမှာ လူမှုရေးအရ-ဆိုတဲ့ခေါင်းစဉ်အောက်မှာ ခပ်ယဉ်ယဉ်လေး နေရာယူလာမှန်းမသိ လက်ခံလာခဲ့ကြတာအမှန်ပါပဲ။
ပျော်ပွဲရွှင်ပွဲလို့ စဉ်းစားမိရင် မြန်မာပြည်မှာက ၁၂-ရာသီလုံးလိုလို ပွဲလမ်းသဘင်ရှိပါတယ်။ ဒီကနေ့ ခေတ်မှာ အရက်မပါရင် ပျော်လို့မရကြတော့သလို ပီပီပြင်ပြင်ကြီးကို ဖြစ်လာပါတယ်။ ဧည့်သည်ကို ဧည့်ဝတ်ပြုတဲ့နေရာမှာလည်း အရက်ဝိုင်းဖွဲ့လိုက်တာပဲ။ အိမ်ရှင်က ဒီလိုလုပ်တော့ ဧည့်သည်ကရော ငြင်းလေမလား။ ငြင်းတဲ့သူက ရှိတော့ရှိမယ် ရှားပါတယ်။ သောက်ရင်းစားရင်း စကားစမြည်ပြောကြရင်း နှစ်ပက် သုံးပက်လောက် ၀င်လာတော့ အခုမှမြင်ဖူးတွေ့ဖူးကြတဲ့သူတွေက ငယ်ပေါင်းကြီးဖော်တွေလိုပဲ ချက်ခြင်းကြီးကို တရင်းတနှီးဖြစ်သွားကြ။ တကယ်တော့ ဒါဟာ ခဏလေး ရူးသွားတာဖြစ်နိုင်ပါတယ်။ မကောင်းတာကို လုပ်ရမှာ ရှက်တတ်တဲ့ စိတ်ဟာ ထင်ရာကို တမင်ထလုပ်ရင်း သတ္တိတွေကောင်းလာသလိုလို အခန့်မသင့်ရင် ရန်ဖြစ်စကားများတတ်ကြပါရော။ အမူးပြေတဲ့ နောက်တစ်နေ့မနက်ဟာ ညကမူးနေတုန်းဖြစ်သမျှ ပြဿနာတွေ ပြီးမသွားတဲ့အပြင် တကယ်နဖူးတွေ့ ဒူးတွေ့ ဖြေရှင်းရပြီဆိုပြန်တော့ သူတို့ကိုယ်တိုင်သိမ်ငယ်စိုးရိမ်မှုတွေနဲ့ အတော့်ကိုသနားစရာကောင်းတဲ့သူများ ပြန်ဖြစ်သွားရပြန်ပါတယ်။
ကျနော်တို့ ခင်ဗျားတို့သိထားပြီးသားတစ်ခုလဲ ရှိသေးတယ်။ နိုင်ငံတော်ဆိုတာကြီးနဲ့ပတ်သက်ရင် သူများနိုင်ငံတွေထက် အကဲပိုတဲ့ အလံကို အင်္ကျင်္ီလုပ်ဝတ်လို့ နေနေသာသာ ခေါင်းမှာစည်းလို့မရတဲ့ တိုင်းပြည်။ ကုလသမဂ္ဂမှာ BURMA ကို MYANAMR လို့ခေါ်ဖို့ အမည် ပြောင်းခဲ့တ တိုင်းပြည်။ နိုင်ငံတကာအစည်းအဝေးတွေမှာ MYANMAR လို့ မခေါ်လို့ နိုင်ငံခြားရေးဝန်ကြီး ဦးဥာဏ်ဝင်းက အမောက်ထောင်ပြခဲ့ဖူးရသည့် နာမည်။ တန်ဖိုးထားကြတယ်ဆိုပဲ။
ဒါပေမယ့် ကျနော့် မျက်လုံးထဲ Myanmar ဆိုတဲ့ဘေးမှာ Beer ဆိုတဲ့စာလုံးပေါင်း၊ Myanmar Wisky- Myanmar Rum ဆိုတဲ့ စာလုံးပေါင်းတွေပဲ ပြေးပြေးမြင်ယောင်မိတယ်။ နိုင်ငံတစ်ခုရဲ့ အမည်နာမဟာ အရက်ပုလင်းက တရားဝင်ကပ်ခွင့်ရတဲ့ တံဆိပ်တစ်ခု ဖြစ်နေတာဟာ မြန်မာတို့ရဲ့ ဂုဏ်ယူစရာလား။ မြန်မာဆိုတာ အရက်ချက်ရောင်းတဲ့ နိုင်ငံတစ်ခုလား။
ဘုန်းကြီးတွေက တရားဟောပြီး အစိုးရက ကြော်ငြာကောင်းကောင်းနဲ့ အရက်ချက်ရောင်းနေမှတော့ သူရာမေရယဟာ လူငယ်ဘ၀တွေအတွက်တော့ ပူပန်စရာဖြစ်လာမှန်း ထုတ်လုပ်သူအစိုးရကရော မသိဘဲနေပါ့မလား အတွေးတွေ ခပ်ဆိုင်းဆိုင်းဖြစ်ခဲ့ရပြီ။ ။