30 January, 2009

နိုင်ငံကူးလက်မှတ်အတု ပြုလုပ်သူ မြန်မာတစ်ဦး ထိန်းသိမ်းခံရ


နိုင်ငံပေါင်းစုံမှ နိုင်ငံကူးလက်မှတ် အတု၊ အလုပ်သမား ကဒ်ပြား အတု၊ ကုလသမဂ္ဂ ဒုက္ခသည် ကဒ်ပြား အတု၊ မလေးရှား ပြည်ဝင်ခွင့် တံဆိပ်အတုများကို ပြုလုပ်သည့် အဖွဲ့မှ ခေါင်းဆောင်သူဟု ယူဆရသူ မြန်မာလူမျိုးတစ်ဦးကို မလေးရှားနိုင်ငံတွင် အင်္ဂါနေ့က ဖမ်းဆီးရမိခဲ့သည်။ မလေးရှား လူဝင်မှု ကြီးကြပ်ရေး အရာရှိ အကြီးအကဲ Abdul Rahman ၏ အဆိုအရ လွန်ခဲ့သော အင်္ဂါနေ့  ည၉နာရီ အချိန်တွင် မင်္သကာဖွယ်ရာ တရားခံ၏ Bukit Tengah ရှိနေအိမ်သို့  ရဲတပ်ဖွဲ့ ဝင် ၁၀ဦး အဖွဲ့မှ ၀င်ရောက် စီးနင်းရှာဖွေရာ၌ အဆိုပါ သက် ၂၇ နှစ်အရွယ် တရားခံနှင့် ၎င်း၏ အသက် ၃၀ အရွယ်ရှိ ရည်းစားတို့ကို ဖမ်းမိသည်ဟု သိရသည်။ ရဲတပ်ဖွဲ့ဝင်များသည် တရားခံ၏ လှုပ်ရှားမှုများကို ၀င်ရောက် စီးနင်း ရှာဖွေခြင်း မပြုမီ ရက်သတ္တပတ် ၃ ပတ် ကြိုတင်၍ စောင့်ကြည့် အကဲခတ်ခဲ့ကြသည်။တရားခံသည် ထွက်ပြေးရန် ကြိုးစားခဲ့သော်လည်း ရဲတပ်ဖွဲ့ဝင်များမှ အချိန်မီ ဖမ်းဆီးနိုင်ခဲ့သည်။ ထို့အပြင် တရားခံ၏ နေအိမ်မှ တရားမ၀င် စာရွက်စာတမ်းအတုများ ပြုလုပ်ရာတွင် အသုံးပြုသော သက်သေခံ ပစ္စည်းများ သိမ်းဆည်းရမိသည်။ အဆိုပါအဖွဲ့သည် ထိုသို့ စာရွက်စာတမ်းအတု အမျိုးမျိုးပြုလုပ်ခြင်းမှနေ၍ တစ်လျှင် ရင်းဂစ်ငွေ ၁ သိန်းခန့် အကျိုးအမြတ်ရခဲ့သည်ဟု Rahman က ပြောဆိုခဲ့သည်။ ထိုအဖွဲ့အစည်းသည် လွန်ခဲ့သည့် ၃ လခန့်မှ စ၍ လှုပ်ရှားခဲ့ခြင်း ဖြစ်သည်ဟု ကနဦး စုံစမ်းစစ်ဆေးချက်များအရ သိရှိရသည်။ ယခုအခါ မလေးရှား အာဏာပိုင်များက ထိုအဖွဲ့မှ အဖွဲ့ဝင် ၃ ဦးအား လိုက်လံရှာဖွေလျက် ရှိသည်။

28 January, 2009

နိုင်ငံခြား အလုပ်သမားများကို မလေးရှားက တံခါးပိတ်ပြီ


Thursday, 22 January 2009 17:16 ဇာနည်ဝင်း
မလေးရှားနိုင်ငံသည် ၎င်း၏နိုင်ငံသားများ အလုပ်အကိုင် ရှားပါးလာမည်ကို ကာကွယ်သည့် အနေဖြင့် စက်ရုံ၊ စတိုးဆိုင်၊ စားသောက် ဆိုင်များအတွက် ပြည်ပမှ အလုပ်သမားများ ခေါ်ယူခြင်းကို တားမြစ် လိုက်ကြောင်း အစိုးရ အရာရှိတဦးကို ကိုးကားပြီး အေပီ သတင်းတပုဒ်တွင် ရေးသားထားသည်။

ကမ္ဘာ့စီးပွားရေး ကျဆင်းမှုနှင့်အတူ မလေးရှားရောက် နိုင်ငံခြားသားတို့၏ ရှေ့ရေးကလည်း မရေမရာ ဖြစ်လာသည် (ဓာတ်ပုံ - အေပီ)နိုင်ငံခြားသား အလုပ်သမားများ လျှော့ချရန် ကုမ္ပဏီများကို ညွှန်ကြားထားကြောင်း အဆိုပါ အမည် မဖော်လိုသူ အရာရှိက ပြောပြသည်ဟု ဆိုသည်။မလေးရှားနိုင်ငံ The Star သတင်းစာ အင်တာနက် စာမျက်နှာတွင်မူ ပြည်ပမှ အလုပ် သမားများ ခေါ်ယူမှု လျှော့ချခြင်းကို တဆင့်ပြီး တဆင့် လုပ်ကိုင်သွားမည် ဟူသော ဒုဝန်ကြီးချုပ် Datuk Seri Najib Tun Razak ၏ ပြောကြားချက်ကို ဖော်ပြထားသည်။ပို့ကုန် အားထားသည့် မလေးရှား နိုင်ငံ၏ စီးပွားရေး ကျဆင်းမှုကြောင့် ပြီးခဲ့သည့် သုံးလအတွင်း နိုင်ငံသား တသောင်းကျော်၊ နိုင်ငံခြားသား အလုပ်သမား သုံးထောင်ကျော် အလုပ်ပြုတ်ခဲ့သည်ဟု အေပီသတင်းတွင် ဖော်ပြထားသည်။ ယခုနှစ်ကုန်ပိုင်းတွင် နိုင်ငံသား လေးသောင်းခွဲခန့် အလုပ်ပြုတ်ဦးမည်ဟု အစိုးရက ခန့်မှန်းထားသည်။မလေးရှားတွင် မြန်မာနိုင်ငံသား အများအပြားလည်း အလုပ် လုပ်ကိုင်လျက်ရှိသည်။ ဤသို့သော အခြေအနေတွင် မြန်မာ အလုပ်သမားတချို့သည် အလုပ် ဖြုတ်ခံရမည်ကို စိုးရိမ်သဖြင့် အချိန်ပို အခမဲ့ လုပ်အားပေးနေရသည်ဟု မလေးရှားအခြေစိုက် မြန်မာ အလုပ်သမား အဖွဲ့ တခုက ဆိုသည်။“အိုဗာတိုင်ကြေးတွေ မပေးတော့တာတို့၊ လစာတွေ လျှော့လိုက်တာတို့ အဲဒါတွေ ရှိတယ်။ အဲဒါကို မကျေနပ်ရင်တော့ ပြန်ရမယ်ပေါ့” ဟု မြန်မာနိုင်ငံသား အလုပ်သမား အခွင့်အရေး ကာကွယ်ရေး အဖွဲ့ (BWRPC) မှ ကိုရဲမင်းထွန်းက ဧရာဝတီသို့ ပြောပြသည်။“အသက် ၂၃ နဲ့ ၂၈ ကြားထဲရှိတဲ့ မိန်းကလေးတွေ။ ဗမာပြည်ကနေ စက်ချုပ်မယ် ဆိုပြီး ဒီလာ။ ဒီလာပြီးတော့ ယုံတောင် မယုံနိုင်စရာပဲ၊ တခါ အလုပ်လုပ်ရင် နာရီ ၂၀၊၂၆ နာရီ အဲဒီလို လုပ်ရတာ။ ပလာတာ တချပ်ကျွေးတယ်။ ပြီးတော့ အဲဒီလို လုပ်ရတာ” ဟု ကိုရဲမင်းထွန်းက ရှင်းပြသည်။စက်ရုံ အလုပ်သမားများသည် လစာငွေ မလေးရှား ရင်းဂစ် ၅၀၀ကျော် (ဒေါ်လာ ၂၀၀ ခန့်) ရရှိကြောင်း၊ မလေးရှား နိုင်ငံသားများ မက်မောသည့် ၀င်ငွေ မဟုတ်ကြောင်း ကိုရဲမင်းထွန်းက ဆိုသည်။မလေးရှားသည် အာရှတိုက်တွင် ပြည်ပ အလုပ်သမား အများဆုံး ခေါ်ယူ တင်သွင်းသည့် နိုင်ငံတခုဖြစ်သည်။ လူဦးရေ ၂၇ သန်းရှိသော မလေးရှားနိုင်ငံတွင် ပြည်ပမှ အလုပ်သမားပေါင်း ၂ သန်းကျော် အလုပ် လုပ်ကိုင်လျက် ရှိသည်။ ထိုအထဲတွင် မြန်မာ၊ အင်ဒိုနီးရှား၊ ဖိလစ်ပိုင် နိုင်ငံသားများ ပါဝင်ပြီး ဆောက်လုပ်ရေး၊ စိုက်ပျိုးရေး လုပ်ငန်းခွင် နှင့် စက်ရုံများတွင် လုပ်ကိုင်ကြသည်။

ပြည်ပ အလုပ်အကိုင် ရှာဖွေရေး လုပ်ငန်းများ ဖျက်သိမ်းကြဖွယ်ရှိ

Tuesday, 27 January 2009 18:45 အောင်သက်ဝိုင်း

မြန်မာ အလုပ်သမားများကို နိုင်ငံရပ်ခြားသို့ တရားဝင် ပို့ဆောင်ပေးနေသည့် ပြည်ပ အလုပ်အကိုင် ရှာဖွေရေး အေဂျင်စီများ အနေနှင့် ယခုနှစ်တွင် လုပ်ငန်းလိုင်စင် သက်တမ်း ဆက်မတိုးတော့ဘဲ ဖျက်သိမ်းကြဖွယ် ရှိကြောင်း ရန်ကုန်အခြေစိုက် ပြည်ပ အလုပ်အကိုင် ရှာဖွေရေး အေဂျင်စီ လုပ်ငန်းရှင်များက ပြောသည်။ယခုအခါ နိုင်ငံရပ်ခြားသို့ မြန်မာ အလုပ်သမားများ ပို့ဆောင်နိုင်ခြင်း မရှိတော့ဘဲ လုပ်ငန်းများ ရပ်ဆိုင်းနေရသည့် ပြည်ပ အလုပ်အကိုင် အေဂျင်စီ ၁၃၂ ခုအနက် ထက်ဝက်ခန့်မှာ လုပ်ငန်းလိုင်စင် ဖျက်သိမ်းကြရန် စီစဉ်နေကြောင်း ရန်ကုန်၊ ကျောက်တံတား မြို့နယ်မှ ပြည်ပ အလုပ်အကိုင် အေဂျင်စီပိုင်ရှင် တဦးက ပြောသည်။ ထိုလုပ်ငန်းများ အားလုံး အလုပ်သမား ၀န်ကြီးဌာနတွင် တနှစ်တကြိမ် လုပ်ငန်းလိုင်စင် သက်တမ်း တိုးရကြောင်း ၎င်းကဆက် ပြောသည်။“မနှစ် နိုဝင်ဘာလောက် ကတည်းက ပြည်ပအလုပ် ခေါ်တာတွေ အရမ်းနည်းလာတယ်။ ဒီဇင်ဘာလ မှာလည်း ပိုပြီး နည်းလာတယ်။ ခုတော့ လုံးဝကို အလုပ်ခေါ်စာ မရှိတောဘူး” ဟု ကမာရွတ် မြို့နယ်ရှိ ပြည်ပ အလုပ်အကိုင် ရှာဖွေရေး အေဂျင်စီ တခုမှ ၀န်ထမ်းတဦးက ရှင်းလင်း ပြောပြသည်။ယခင်က အေဂျင်စီ တခုအနေနှင့် မလေးရှားသို့ တလလျှင် လုပ်သား ၃၀ နှင့် ၄၀ အကြား စေလွှတ်နိုင်ခဲ့ သော်လည်း ယခုအခါ ၃ ဦးမှ ၁၀ ဦးခန့် အထိသာ စေလွှတ်နိုင်ပြီး တချို့သော လများတွင် အလုပ်ခေါ်စာ မရှိသည့် အတွက် လုပ်သားများ လုံးဝ စေလွှတ်နိုင်ခြင်း မရှိကြောင်း ပြည်ပ အလုပ်အကိုင် ရှာဖွေရေး ဈေးကွက်မှ သိရှိရသည်။ရန်ကုန် အခြေစိုက် ပြည်ပ အလုပ်အကိုင် အေဂျင်စီ ၁၃၂ ခုတွင် မလေးရှား နိုင်ငံသို့ အဓိကထားကာ လုပ်သား ပို့ဆောင်နေသည့် အေဂျင်စီ အရေအတွက်မှာ ၇၀ ကျော်ရှိ်ပြီး စင်ကာပူ၊ ယူအေအီး၊ ကာတာ၊ ဒူဘိုင်းနှင့် တခြားသော နိုင်ငံများသို့ ပို့ဆောင်သည့် အေဂျင်စီ အရေအတွက်မှာ ၄၀ နီးပါးရှိသည်။ ယခု အနေအထားတွင် မလေးရှားနိုင်ငံမှ အလုပ်ခေါ်ဆိုမှု အလွန့််အလွန် ကျဆင်းနေသည့် အတွက် စီးပွားရေး အဆင်မပြေ တော့ကြောင်း ပြည်ပ အလုပ်အကိုင် ရှာဖွေရေးအေဂျင်စီ အသိုင်းအ၀န်းမှ သိရသည်။မြန်မာလုပ်သားအများအပြား တရားဝင်သွားရောက် အလုပ်လုပ်ကိုင်ကြသည့် မလေးရှား နိုင်ငံမှ အလုပ်သမား ခေါ်ယူမှုမရှိသကဲ့သို့ စင်ကာပူနိုင်ငံသည်လည်း လုပ်သားခေါ်ယူမှု အလွန်အမင်း လျော့ကျနေသည့်အတွက် အလုပ်အကိုင်အေဂျင်စီများတွင် မြန်မာလုပ်သား အများစု ရာထောင်ချီ သောင်တင်စုပြုံနေကြောင်း ရန်ကုန်မြို့၊ ပန်းဆိုးတန်းလမ်းမကြီးအနီးရှိ ပြည်ပအလုပ်အကိုင် အေဂျင်စီတခု၏ ပိုင်ရှင်ကပြောဆိုသည်။“မလေးရှားသွားချင်တဲ့ သူကများတယ်။ အားလုံးကနယ်ကချည်းပဲ။ သွားချင်တဲ့လူက များပြီး အလုပ်ခေါ်စာက နည်းတော့ လူတွေစုပြုံ တိုးနေကြတာ။ လယ်သမားတွေ၊ ရာဘာခြံ လုပ်သားတွေ အများကြီးပဲ။ စင်ကာပူ သွားချင်တဲ့ လူတွေလည်း ပုံနေပေမယ့် မလေးရှား သွားချင်တဲ့ လူလောက်တော့ မများဘူး” ဟု ၎င်းကပြောပြသည်။ကာတာ၊ ယူအေအီးနှင့် ဒူဘိုင်း နိုင်ငံများသို့ လုပ်သားစေလွှတ်နိုင်သော အေဂျင်စီ အနည်းငယ်မှာမူ အလုပ်ဖြစ်နေသေးသော်လည်း တခြား အေဂျင်စီအများစုမှာ အလုပ်မဖြစ် တော့ဘဲ စီးပွားရေး အဆင်မပြေကြောင်း သိရှိရသည်။ပြည်ပအလုပ်အကိုင် အေဂျင်စီများသည် ယခုအခြေအနေတွင် စီးပွားရေးကြပ်တည်းသည့်ပြဿနာများ ရင်ဆိုင်နေရသကဲ့သို့ တနှစ်လျှင် လုပ်သား ၃၀၀ ပြည်ပသို့ စေလွှတ်နိုင်မှသာ အေဂျင်စီ လိုင်စင်သက်တမ်းတိုးပေးမည် ဆိုသော အလုပ်သမားဝန်ကြီးဌာန၏ ကန့်သတ်ချက် ကြောင့် အခက်တွေ့နေရကြောင်း ကြားသိရသည်။“ပြည်ပအလုပ်တွေ ရှားသွားတော့ အေဂျင်စီတော်တော်များများ မနှစ်ကတည်းက လုပ်သား ၃၀၀ ပြည့်အောင် မပို့နိုင်တော့ဘူး။ စီးပွားရေးမကောင်းတဲ့ အချိန်မှာ အလုပ်သမား ၀န်ကြီး ဌာနရဲ့ သတ်မှတ်ချက် ကြောင့် လုပ်ငန်းလိုင်စင် ဖျက်သိမ်းကြဖို့ များတယ်” ဟု ကမာရွတ် မြို့နယ်မှ ပြည်ပအလုပ်ကိုင် အေဂျင်စီ လုပ်ငန်းရှင်ကဆိုသည်။အလုပ်သမားဝန်ကြီးဌာန၏ ကန့်သတ်ချက်ကို လျှော့ချပေးသည့်တိုင် စီးပွားရေးပြန်လည် ကောင်းမွန်မည့် အခြေအနေ မရှိသည့်အတွက် အေဂျင်စီများသည် ၂၀၀၉ ခုနှစ်အတွက် လုပ်ငန်းလိုင်စင် သက်တမ်းတိုးကြဖွယ် မရှိကြောင်း မင်္ဂလာတောင်ညွန့်မြို့နယ်မှ အေဂျင်စီပိုင်ရှင်တဦးက သုံးသပ်သည်။လက်ရှိအနေအထားအရ မလေးရှားနိုင်ငံရှိ စက်ရုံ၊ အလုပ်ရုံများမှ လုပ်သားခေါ်ဆိုမှု လုံးဝမရှိတော့ဘဲ စားသောက်ဆိုင်နှင့် တခြားဝန်ဆောင်မှုလုပ်ငန်း အနည်းငယ်မှ လုပ်သားခေါ်ယူမှု အနည်းငယ်သာရှိနေကြောင်း ပြည်ပ အလုပ်အကိုင်အေဂျင်စီ ဈေးကွက်မှ သိရှိရသည်။“အလုပ်ရုံ စက်ရုံတွေက လုပ်သားခေါ်စာ လုံးဝမရတော့ဘူး။ စားသောက်ဆိုင်နဲ့ ကားရေဆေးတို့လို ၀န်ဆောင်မှု လုပ်ငန်းတွေကတော့ လုပ်သားနည်းနည်း ခေါ်တယ်” ဟု ကျောက်တံတားမြို့နယ် အေဂျင်စီတခု၏ မန်နေဂျာ တဦးက ပြောပြသည်။ပြည်ပနိုင်ငံမှ အလုပ်အကိုင်ခေါ်ဆိုမှု နည်းပါးနေသော်လည်း အလုပ်အကိုင် ပြန်လည် ကောင်းမွန်ချိန်တွင် လုပ်သားခေါ်ယူမှုများ ပြန်လည်စတင်ပါက အဆင်သင့် ဖြစ်ရန် မလေးရှားနိုင်ငံအတွက် လုပ်သား ၁၅၀၊ စင်ကာပူနိုင်ငံအတွက် လုပ်သား ၆၀၀ ကျော် စုဆောင်းနေကြောင်း ရန်ကုန်မြို့မှ နာမည်ကျော် သုခစုစံပြည်ပအလုပ်ကိုင်ရှာဖွေရေး အေဂျင်စီ ၀န်ထမ်းတဦးက ရှင်းပြသည်။သုခစုစံ ပြည်ပအလုပ်အကိုင် ရှာဖွေရေးအေဂျင်စီတွင် မလေးရှားနှင့် စင်ကာပူ အလုပ်အကိုင် အတွက် စာရင်းပေးသွင်းသည့် လုပ်သားများ အလုပ်ရရှိရန် ၃လ၊ ၅လ သို့မဟုတ် ပြည်ပအလုပ်များမှ လုပ်သား လိုအပ်ကြောင်း အလုပ်ခေါ်စာ ပေးပို့သည့်အချိန်ထိ စောင့်ဆိုင်းကြရကြောင်း ၎င်းက ပြောပြသည်။မြန်မာအလုပ်သမားအများစု သွားရောက်အလုပ်လုပ်နေသော မလေးရှားနိုင်ငံတွင် တရုတ် နှစ်သစ်ကူးအပြီး အလုပ်သမား ၄၅၀၀၀ ကို လျှော့ချမည်ဖြစ်ရာ ကုန်ထုတ်လုပ်မှုနှင့် ၀န်ဆောင်မှု လုပ်ငန်းများအတွက် နိုင်ငံခြားသား လုပ်သားများ ခေါ်ယူမှုရပ်ဆိုင်းတော့မည် ဖြစ်ကြောင်း မလေးရှား လူ့အရင်းအမြစ် ၀န်ကြီး အက်စ်ဆူဗရာမာနီယန်က ပြောကြားခဲ့ပြီး ယခုအချိန်သည် နိုင်ငံခြားသား အလုပ်သမားများကို ငှားရမ်းရမည့် အချိန်မဟုတ်ဘဲ ပထမဆုံး လျှော့ချရမည့် အလုပ်သမားများသည် နိုင်ငံခြားသားများသာ ဖြစ်သင့်ကြောင်း မလေးရှားပြည်ထဲရေးဝန်ကြီးက ပြောကြားသည်ဟု ဇန်န၀ါရီ ၂၂ ရက်နေ့ နယူး စထရိတ်တိုင်းမ်(စ်) သတင်းစာတွင် ဖော်ပြထားသည်။ထိုသတင်းဖော်ပြချက်များကြောင့် လုပ်ငန်းလိုင်စင်သက်တမ်းတိုးခြင်းမပြုဘဲ ဖျက်သိမ်းရန် စီစဉ်နေသည့် ရန်ကုန် ပြည်ပ အလုပ်အကိုင်အေဂျင်စီများ အတွက် ယခုနှစ် လုပ်ငန်းများခေတ္တရပ်နားရန် ပိုမိုသေချာလာစေသည်ဟု ကမာရွတ်မြို့နယ်မှ လုပ်ငန်းရှင်က သုံးသပ်သည်။“မလေးရှားအလုပ်အတွက် စောင့်နေတာ သုံးလလောက်ရှိပြီ။ ခုထက်ထိ မရသေးဘူး” ဟု တာမွေမြို့နယ် အတွင်းရှိ ပြည်ပ အလုပ်အကိုင်ရှာဖွေရေး အေဂျင်စီတခုနှင့် ဆက်သွယ်ပြီး မလေးရှားနိုင်ငံတွင် သွားရောက်အလုပ်လုပ်ရန် စီစဉ်နေသူ အသက် ၂၇ နှစ်အရွယ် ရန်ကုန်သား တဦးက ဆိုသည်။ယခုနှစ် စပါးဈေးနှုန်းနှင့် ပဲဈေးနှုန်းများ ကျဆင်းခဲ့ရာ တောင်သူ လယ်သမားများ အရှုံးပေါ်လျက်ရှိသောကြောင့် ဧရာဝတီတိုင်းမှ တချို့သော လယ်သမားများမှာ လယ်ယာလုပ်ငန်း ပြန်လည် လုပ်ကိုင်ရန် စိတ်မ၀င်စားတော့ဘဲ မလေးရှားနိုင်ငံတွင် သွားရောက်အလုပ်လုပ်ကိုင်ရန် ကြိုးပမ်းမှုများ ရှိနေကြောင်း ဧရာဝတီတိုင်း၊ ကျောင်းကုန်း မြို့နယ်မှ လယ်သမားများက ပြောကြသည်။

"လေနှင်ရာသို့ လွှင့်ခဲ့ပြီ" ( မလေးရှား star18.1.09သတင်းစာမှ)

ထိုင်းရေတပ်အနေနဲ့ မြန်မာနိုင်ငံ နှင့် ဘင်္ဂလားဒေရှ် နိုင်ငံတို့မှ တရားမ၀င် ၀င်ရောက်လာသူများအပေါ် လက်လွတ်စပယ်ပြုကျင့်ခဲ့မှုများ မရှိခဲ့ဘူး ဆိုတာကို မနေ့က ငြင်းဆိုလိုက်ပါတယ် ရေတပ်က တရားမ၀င် ၀င်လာသူများကို ဖမ်းဆီးပြီး ပင်လယ်ထဲ သို့ မျောလိုက်သည်ဆိုတဲ့ သတင်းကို ငြင်းဆိုလိုက်ခြင်း ဖြစ်တယ်
ထိုင်းရေတပ် ပြောခွင့်ရ ဗိုလ်ကြီး ပရာချာချတ် က BBC က ဖေါ်ပြခဲ့သော ဓါတ်ပုံနှင့်ပက်သက်ပြီး စစ်ဆေးမှုများ ပြုလုပ်ခဲ့ပြီးပြီလို့ ပြောကြား လိုက်ပါတယ် BBC ကဖေါ်ပြခဲ့သော ဓါတ်ပုံထဲတွင် ဖမ်းဆီးခံရသူများကို လက်နှစ်ဖက်ကို ဦးခေါင်းပေါ်တင်လျှက် ကမ်းခြေတခုပေါ်တွင် လူအများ မှောက်လျှက်လဲနေသောဓါတ်ပုံဖြစ်သည်
ပရာချာချတ်ကဆက်လက်ပြောကြားရာတွင် အာဏာပိုင်များအနေနှင့် ပုံမှန်လုပ်ငန်းစဉ် များကိုသာလုပ်ကိုင်
ခဲ့ခြင်း ဖြစ်သည်ဟု မှတ်ချက်ချပြောကြားလိုက်ပါသည်
ထိုသူများမှာ ထိုင်းနိုင်ငံ တွင် အလုပ်လုပ်ရန် ထိုင်းလူမှောင်ခိုကူးသူများထံသို့ အခကြေးငွေ များပေးဆောင်ခဲ့ပြီး ထိုင်းရေပိုင်နက်သို့ ရောက်ရှိသော အခါတွင် ဖမ်းဆီးပြီး ခိုစိုင်ဒန် ကျွန်းပေါ်သို့ခေါ်ဆောင်ကာ မိမိတို့အပြစ်လွတ်ရန် အစားအစာနှင့် ရေ အနည်းအငယ် ပေးကာ စက်မပါသော လှေဖြင့် ရေစီးကြောင်းအတိုင်း ပင်လယ်ထဲသို့ မျောလိုက်ကြောင်းကို အသက်ရှင်ကျန်ရစ်သူများက BBCနှင့် မေးမြန်းခန်းတခုတွင် ပြောကြားခဲ့ပါတယ်
သို့သော် ပရာချာချတ်က ထိုဓါတ်ပုံများမှာ မှားယွင်းယုံကြည်မှုဖြစ်စေရန်ပြုလုပ်ထားခြင်းဖြစ်သည်ဟု ငြင်းပယ်ပြောကြားလိုက်သည် ထိုငြင်းဆိုမှုနောက်ပိုင်း ထိုင်းနိုင်ငံခြားရေးဋ္ဌာနမှလည်း အိမ်နီးချင်းနိုင်ငံများမှ တရားမ၀င် ၀င်ရောက်လာသူများနဲ့ ပက်သက်ပြီး သုံးသပ်မှုများပြုလုပ်ရမယ်ဆိုတဲ့ ကြေငြာချက် တစောင်ထုတ်ပြန်လိုက်ပါတယ်
ယခုခါ ရာနဲ့ချီတဲ့ ထိုသူများကို အိန္ဒိယကမ်းခြေစောင့်များ အင်ဒိုနီးရှားနိုင်ငံတို့က ကယ်တင်ထားပြီး အက်ဒမန်ကျွန်းနှင့် အင်ဒိုနီးရှားရှိ အာချေးပြည်နယ်တို့တွင် ရေဓါတ်ဆုံးရှုံးမှုဝေဒနာအတွက် ဆေးကုသမှုခံယူနေကြသည် နောက်ထပ် တရာကျော်လောက်လည်း ပျောက်ဆုံးနေတယ်လို့ ဖေါ်ပြထားပါတယ်
ဝါရှင်တန်အခြေစိုက် ဒုက္ခသည်များဆိုင်ရာ အဖွဲ့ဖြစ်တဲ့ RI ကတော့ ထိုင်းရေတပ်ဟာ ခိုလှုံဖိုရောက်ရှိလာတဲ့ သူများကို ယခုလိုပြုမူလိုက်ခြင်းဟာ အပြည်ပြည်ဆိုင်ရာ စံနှုန်းများနဲ့ ဥပဒေများကို ချိုးဖောက်လိုက်ခြင်းပဲလို့ ပြစ်တင်ဝေဖန်လိုက်ပါတယ်
ထိုင်းနိုင်ငံမှာအခြေစိုက်တဲ့ ဧရာဝတီမဂ္ဂဇင်းနဲ့ပြုလုပ်တဲ့ မေးမြန်းမှုတခုမှာ လူ့အခွင့်အရေး တက်ကြွသူ တစ်ဦးဖြစ်တဲ့ ခရစ်လီဝါ ဆိုသူက"ဒါဟာ သည်းမခံလောင်တဲ့အခြေအနေဘဲလို "ပြစ်တင်ဖန်လိုက်ပါတယ်။
ကုလသမ္မဂ္ဂဆိုင်ရာ ဒုက္ခသည် agency ကတော့ ထိုင်းအစိုးရကို စုံစမ်းမှုများပြုလုပ်ပေးရန် တောင်းဆိုလိုက်ပြီး စိုးရိမ်မှုများရှိတယ်လို့ ထုတ်ဖေါ်ပြေားကြားပါတယ်
မူဆလင်ရိုဟင်ဂျာများမှာ ဗုဒ္ဓဘာသာအများစုနေထိုင်တဲံ့ မြန်မာနိုင်ငံမှဖြစ်ပြီး ဖိနှိပ်မှုများနှင့် စီးပွားရေးအခက်အခဲများမှလွတ်မြောက်စေရန်နှစ်လေးဆယ်ကျော်စစ်အစိုးရမှအုပ်ချုပ်နေသော မြန်မာနိုင်ငံမှ
ထွက်ခွါလာခြင်းဖြစ်သည် ဟု လူ့အခွင့်အရေးအဖွဲ့များမှ ပြောကြားသည်

19 January, 2009

သက်တန့်ရောင် သူရဲကောင်းလူငယ်များမှ စုပေါင်း ဓမ္မပူဇာသဘင် ဖိတ်ကြား

မလေးရှားနိုင်ငံ၊ ပီနန်းမြို့၊
ဓမ္မိကာရာမ မြန်မာ ဘုန်းတော်ကြီးကျောင်း

မိသားစု စုပေါင်းဓမ္မ ပူဇာသဘင်
ဖိတ်ကြားလွှာ

၂၀၀၉ ခုနှစ် ၊ ဇန်န၀ါရီလ ( ၂၆ ) ရက်နေ့တွင် ပီနန်းမြို့ ၊ ဓမ္မိကာရာမ မြန်မာဘုန်းတော်ကြီး ကျောင်း၌ သက်တန့် ရောင်သူရဲကောင်းများ ပရဟိတ နှင့် လူမှုကူညီဆောင် ရွက်ရေး အသင်းကြီး မှ ဦးဆောင်၍ စေတနာရှင် ဓမ္မမိတ်ဆွေ ရွှေမြန်မာညီအစ်ကိုမောင်နှများ မှ ပီနန်း ဆရာတော်ကြီး ဦးပညာဝံသ အား အမှူးထား၍ သံဃာ တော် အရှင်သူမြတ်များအား အရုဏ်ဆွမ်း ၊ နေ့ဆွမ်း ဆက်ကပ်လှူဒါန်းခြင်း နှင့် ဓမ္မပူဇာသဘင် ကို ဆင်ယင်ကျင်းပ မည်ဖြစ်ပါ၍ ကျွန်ုပ်တို့နှင့်အတူ ဓမ္မပူဇာသဘင်ပွဲကြီး အား ပါဝင်ဆင်နွဲကြပြီး တရားတော်နာ ကြွရောက်ကြပါရန်
လေးစားစွာ ဖိတ်ကြားအပ်ပါသည် ။

အချိန်------နံနက် (၆) နာရီ မှ ညနေ (၄) ရီအထိ

နေ့ရက်----၂၀၀၉ ခုနှစ် ၊ ဇန်န၀ါရီလ ( ၂၆ ) ရက်

နေရာ------ဓမ္မိကာရာမ မြန်မာဘုန်းတော်ကြီးကျောင်း ၊ ပီနန်းမြို့



မလေးရှားရောက် ရွှေမြန်မာ ညီအစ်ကို မောင်နှမအပေါင်း တို့

သက်တန့်ရောင် သူရဲကောင်းများ ပရဟိတ နှင့် လူမှုကူညီဆောင်ရွက်ရေးအသင်းကြီး မှ ဦးစီးလျှက်
ပီနန်းမြို့ ၊ ဓမ္မိကာရာမ မြန်မာဘုန်းတော်ကြီးကျောင်း၌ ၂၀၀၉ ခုနှစ် ၊ ဇန်န၀ါရီလ ( ၂၆ ) ရက်နေ့တွင် မိသားစု - စုပေါင်း ဓမ္မပူဇာသဘင် ကို စည်ကားသိုက်မြိုက်စွာ ကျင်းပမည်ဖြစ်ပါသည် ။ သို့ပါ၍ အလှူအားလုံးထက် အမွန်မြတ်ဆုံးဖြစ်သော ဓမ္မအလှူ ပွဲတော်ကြီးတွင် ကျွန်ုပ်တို့နှင့်အတူ ထက်သန်သော စိတ် ၊ ရင့်သန်သော စေတနာ ၊ ဖြူစင်သော သဒ္ဓါတရား တို့ဖြင့် လက်တွဲပါဝင်ကာ လှူဒါန်း ကုသိုလ်ပြုနိုင်ပါကြောင်း နိဗ္ဗာန် အကျိုးမျှော်၍ နှိုးးဆော်အပ်ပါသည် ။

ဆက်သွယ် လှူဒါန်းရန်

  • ကိုသန်းထွန်း -----၀၁၆၄၅၇၈၇၃၅
  • ကိုကျော်ထူးမောင် ၀၁၆၄၈၄၇၈၂၁ နီပွန်တပယ်
  • ကိုဇေယျာ -------၀၁၆၄၇၃၈၇၂၇
  • ကိုစိုးနိုင်----------၀၁၆၆၀၃၅၃၁၇ မသံပေါက်
  • ကိုအောင်ကိုမြင့်--၀၁၆၄၅၉၀၀၈၉
  • ကိုအောင်ဆန်း---၀၁၆၄၀၉၅၅၄၈ နာဂါစာရီ
  • ကိုကျော်ဖြိုးဝေ---၀၁၆၄၃၇၃၁၂၄
  • ကိုဝင်းမြတ်ထွန်း--၀၁၆၄၈၈၄၇၅၃ ပလန်စရိုက်
  • ကိုမျိုးဝင်း--------၀၁၆၄၉၀၁၃၂၅
  • ကိုအေးလွင်မိုး----၀၁၆၄၈၃၇၁၉၁ တာမန်မဆလာ
  • ကိုဝင်းကိုဦး------၀၁၆၄၈၅၉၈၄၇
  • ကိုသန်းနိုင်-------၀၁၆၄၉၆၀၄၆၁ မက် မာဒင်
  • ကိုကျော်ဝင်းဆန်း-၀၁၄၃၄၅၃၈၉၆
  • ကိုဇော်ဌေး-------၀၁၇၄၂၇၇၈၅ လူးနပ်(စ)
  • ကိုကျော်နိုင်------၀၁၇၄၅၇၀၂၇၄
  • ကိုဇေယျာ-------၀၁၇၄၄၃၀၃၅၈ လူးနပ်(စ)
  • ကိုအောင်သူရ---၀၁၄၃၄၂၉၉၄၁ မစန္ဒာမိုး ………………. တာမန် ပလန်ဂီး
  • ကိုမြင့်စိုး--------၀၁၆၄၂၆၅၃၁၆ မစမ်းစမ်းမူ ................. ရာဂျာဟူဒါ


This blog information for all of Myanmar in Malaysia.

13 January, 2009

မလေးရှားနိုင်ငံ အကြောင်း တစေ့တစောင်း

မလေးရှားနိုင်ငံ၏နယ်နိမိတ် ဧရိယာအကျယ်အ၀န်းသည် စတုရန်း ၃၂၉၈၄၂ ကီလိုမီတာရှိပြီး မြန်မာနိုင်ငံထက် ထက်ဝက်သေးငယ်သည်။ လူဦးရေအားဖြင့် ၂၅ သန်းကျော် ရှိပြီး မလေး၊ တရုတ်နှင့် အိန္ဒိယလူမျိုးတို့သည် နိုင်ငံသားများ ဖြစ်ကြတယ်။၊ အချို့သော မလေးများမှာ အာရပ်နွယ်ဖွားများဖြစ်ကြသည်။ ထို့အပြင် မြန်မာ၊ အင်ဒိုနီးရှား၊ နီပေါ၊ ဗီယက်နမ်စတဲ့ အခြားနိုင်ငံခြားသား ၂သန်းကျော်လည်း လာရောက်အလုပ်လုပ်ကိုင်လျက်ရှိပါတယ်။


မြို့တော်မှာ ကွာလာလမ်ပူ ဖြစ်ပြီး ပူထရာဂျာရာသည် အစိုးရရုံးများ စိုက်ရာမြို့ ဖြစ်ပြီး ကွာလာလမ်ပူ မြို့နှင့် အနည်းငယ်သာ ဝေးကွာသည်။ မလေးရှားနိုင်ငံကို တောင်တရုတ်ပင်လယ်မှ အရှေ့နှင့် အနောက်ဟူ၍ ခြားထားလျှက်ရှိပြီ်း အနောက်ဘက်ခြမ်းသည် စီးပွားရေး ထွန်းကားမှု ပိုမို၍ကောင်းမွန်သည်။ အရှေ့ဘက်ခြမ်းတွင် ပြည်နယ် ၂ခုနှင့် အနောက်ဘက်တွင် ပြည်နယ် ၁၁ခု တို့အပြင် ဗဟိုအစိုးရထိန်းချုပ်ရာ နယ်မြေ ၃ခု တို့ဖြင့် ဖက်ဒရယ်ပြည်ထောင်စုကို ဖွဲ့စည်းထားရှိသည်။ ပြည်နယ်တိုင်းတွင် သက်ဆိုင်ရာ ပြည်နယ်အစိုးရ များရှိပြီး နိုင်ငံအဆင့်ကို ဗဟိုအစိုးရမှအုပ်ချုပ်လျက်ရှိသည်။









ဘုရင်မှာ နိုင်ငံအကြီးအကဲဖြစ်ပြီး ပြည်နယ် ၉ခုရှိ စူလတန်များမှာ ၅နှစ်တစ်ကြိမ်အလှည့်ကျတင်မြောက်လေ့ရှိသည်။ အစိုးရရွေးကောက်ပွဲများကို ၄နှစ်တစ်ကြိမ်ကျင်းပလေ့ရှိပြီး လက်ရှိအစိုးရကို ၀န်ကြီးချုပ်ဘာဒါဝီက ဦးဆောင်လျှက်ရှိပါတယ်။






၁၉၅၃ တွင် နိုင်ငံလွတ်လပ်ရေးရပြီး ၁၉၆၃ တွင် စင်္ကာပူသည် ပြည်နယ်အဆင့်မှ နိုင်ငံတစ်ခုအဖြစ် မလေးရှားမှခွဲထွက်ခဲ့သည်။ ၁၉၉၀ နှောင်းပိုင်းတွင် ကမ္ဘာ့နိုင်ငံရေး အခင်းအကျင်းပြောင်းလဲလာပြီးနောက် နိုင်ငံတိုင်းသည်စီးပွားရေးကို အလေးထားခဲ့ရာ ယခုအခါ မလေးရှားနိုင်ငံသားများ၏ တဦချင်းဝင်ငွေမှာ $6956 ထိရှိလာပြီဖြစ်သည်။ မြန်မာနိုင်ငံ၏ တစ်ဦးချင်းဝင်ငွေမှာမူ $233 သာရှိသည်။

မလေးရှားနိုင်ငံတွင် တယ်လီဖုန်းကုမ္ပဏီကြီး ၃ခု ရှိပြီး ကမ္ဘာ့အဆင့်မီ ၀န်ဆောင် မှုများကို ထောက်ပံ့ပေးလျှက်ရှိသည်။ လူအများ သုံးစွဲနိုင်လောက်အောင် ပြည်တွင်းပြည်ပ ဆက်သွယ်ရေးနှုန်းများလည်း ချိုသာသည်။ ဖုန်းလိုင်း ကတ်တခုဝယ်ယူလျှင် သင့်အနေနှင့် Rm-5.00 ဖိုး အခမဲ့ စကားပြောခွင့် ရပါ လိမ့်မည်။ ထိုကတ်၏တန်ဖိုးမှာ Rm 8.5 မျှသာဖြစ်ပါသည်။ မြန်မာနိုင်ငံတွင်မူ အစိုးရသတ်မှတ်ဈေး၁၅သိန်းခွဲ ရှိပြီး အလွယ်တကူမရနိုင်ပါ။ မလေးရှားတွင်မူ authorized centre တွင်ဝယ်ယူနိုင်ပြီး ထိုဆိုင်များမှာလည်း ပေါများလှ ပါသည်။
မြို့တော်ကွာလာလမ်ပူတွင် KLIA လေဆိပ်ရှိပြီး မြို့တော်တစ်ခွင် မြေအောက်ရထား၊ ကောင်းကင်ရထား ၊Rapid KL Bus Route တို့နှင့် သင်သွားလိုရာကို သက်သက်သာသာ သွားရောက်နိုင်ပါသည်။ ပြည်နယ်နှင့် တိုင်းများတွင် အဝေးပြေး ဘစ်ကားဂိတ်များရှိပြီး တစ်နိုင်ငံလုံးသို့ လွယ်လင့် တကူ သွားနိုင်သည်။ ကားပေါ်မှဆင်းပြီး Check Point များတွင် စစ်ဆေးသော ဓလေ့မရှိပါ။ ထိုနည်းတူစွာ သန်းခေါင်စာရင်း စစ်ခြင်းလည်း မတွေ့ရသကဲ့သို့ ဧည့်စာရင်းလည်းတိုင်စရာ မလိုအပ်ပါ။
Banking System မှာလည်း လွန်စွာမှ အားကိုးလောက်ပါသည်။ ATM centre များတွင်စက်ထဲမှ ပိုက်ဆံထုတ်ခြင်း ၊ပိုက်ဆံထည့်ခြင်း စသည်တို့ကို ၂၄ နာရီ နီးပါး စိတ်တိုင်းကျအသုံးပြုနိုင်သည်။ ထိုသို့ဝန်ဆောင်မှုများချောမွေ့မှုကြောင့် ၂၀၀၈ခုနှစ်တွင် မလေးရှားနိုင်ငံသို့ ကမ္ဘာလှည့်ခရီးသွား ၁၉.၉ သန်းကျော် လာရောက်လည်ပတ်၍ မြန်မာနိုင်ငံသို့ ၂သိန်း၃သောင်းသာလာရောက်ကြောင်းတွေ့ရှိရသည်။

ပေးပို့သူ အဓိပတိ
This blog information for all of Myanmar in Malaysia.

12 January, 2009

နာခံမှုကိုစစ်ဆေးခြင်း (အနှစ်ချုပ်)


ရေးသူ-မိုးသီးဇွန်
(အနှစ်ချုပ်)
လောကနီတိကို နှစ်ပေါင်းတစ်ထောင်နီးပါး ဘယ်သူမှ ဝေဖန်ခဲ့တာမတွေဖူးဘူး။ အခု ကျနော်ဝေဖန်တာ ပထမဆုံးပါ။ ကျနော်ဝေဖန်ရတဲ့ အကြောင်းကတော့ လောကနီတိထဲမှာ ရှေးဟောင်း ဟင်ဒီနိုင်ငံရေးနဲ့ လူမှုရေး အယူအဆတွေက အကြီးအကျယ်လွှမ်းမိုးနေလို့ပါ။
မိုးသီးဇွန်

ဒီစာအုပ်မှာ အဓိကဆွေးနွေးထားတာက ဒီနေ့ မြန်မာ့လူ့အဖွဲ့အစည်းဟာ အကြောက်တရားတွေ လွှမ်းမိုးနေတယ်။ ရလဒ်ကတော့ စစ်အာဏာရှင်စနစ်သက်ဆိုးရှည်လာတယ်။ စစ်အုပ်ချုပ်မှုကြောင့် မြန်မာ့လူ့ အဖွဲ့အစည်း ကျဆုံးသွားတယ်။ ဒီလိုဖြစ်လာရတဲ့အကြောင်းကတော့ မြန်မာတွေရဲ့ လူမှုအဘိဓမ္မာဖြစ်တဲ့ လောကနီတိထဲမှာ အကြောက်တရားတွေ၊ လက်စားချေမှုတွေ၊ အမျိုးသမီးတွေကိုခွဲခြားဆက်ဆံတာတွေကို သွပ်သွင်းပေးထားလို့ဖြစ်တယ်။ လူ့အဖွဲ့အစည်းတစ်ခု တိုးတက်ကြီးပွားဖို့အတွက် မေတ္တာတရား၊ ဆင်ခြင်တုံ တရား၊ အပြန်အလှန်လေးစားမှုနဲ့ အသိအမှတ်ပြုမှုတွေကို လူမှုဆက်ဆံရေးမှာ ကျင့်သုံးဖို့လိုတယ်ဆိုတာ တင်ပြထားတယ်။
လောကနီတိကိုနှစ်ပေါင်း တစ်ထောင်နီးပါး ဘယ်သူမှဝေဖန်ခဲ့တာ မတွေ့ရဘူး။ အခုကျနော် ဝေဖန် လိုက်တာ ပထမဆုံးပါ။ ကျနော်ဝေဖန်ရတဲ့အကြောင်းကတော့ လောကနီတိထဲမှာ ရှေးဟောင်း ဟင်ဒီနိုင်ငံရေးနဲ့ လူမှုရေးအယူအဆတွေက အကြီးအကျယ်လွှမ်းမိုးနေလို့ပါ။
ဒီအယူအဆတွေက အာဏာရှင်စနစ်ကို အားပေးတဲ့ အယူအဆတွေ၊ အကြောက်တရား၊ လက်စား ချေမှုနဲ့ ရန်လိုမှုတွေကို သွပ်သွင်းထားတဲ့ အယူအဆတွေဖြစ်လို့ပါပဲ။ အချို့အယူအဆတွေမှာ မိဘကိုတောင် ရန်သူလို့ သတ်မှတ်ခိုင်းတာမျိုးတွေပါဝင်နေတာတွေ့ရတော့ စိုးရိမ်စရာကောင်းလှပါတယ်။
ကျနော်ဝေဖန်တဲ့ ရည်ရွယ်ချက်ကတော့ လူလူချင်းဆက်ဆံရေးမှာ မေတ္တာတရား၊ အပြန်အလှန်လေးစား မှုနဲ့ ဆင်ခြင်တုံတရားတွေ မြန်မာ့လူ့အဖွဲ့အစည်းမှာ ရှင်သန်စေချင်လို့ပါ။
ဒီထက်ရှင်းရှင်းပြောရရင် ဒီမိုကရေစီနဲ့ လူ့အခွင့်အရေး၊ တိုင်းရင်းသား အခွင့်အရေး၊ စစ်မှန်တဲ့ ငြိမ်းချမ်း ရေး၊ ကြီးပွားတို့တက်ရေးတွေကို မြန်မာ့လူ့အဖွဲ့အစည်းမှာထွန်းကားစေချင်လို့ပါပဲ။
ဗုဒ္ဓမြတ်စွာဘုရား ဟောကြားခဲ့တဲ့ သစ္စာတရားလေးပါး၊ မဂ္ဂင်ရှစ်ပါး၊ မေတ္တာတရား၊ ငြိမ်းချမ်ရေးတရား တွေက ဒီနေ့ကမ္ဘာမှာ ခေတ်စားလာတဲ့ ဒီမိုကရေစီစနစ်ရဲ့ တန်ဖိုးတွေနဲ့ ထပ်တူရှိနေပါလျက်နဲ့ မြန်မာနိုင်ငံလို ဗုဒ္ဓဘာသာထွန်းကားတဲ့ သဘာဝအရင်းအမြစ်တွေ ပေါများတဲ့နိုင်ငံက ဘာဖြစ်လို့ အကြမ်းဖက်မှုတွေ၊ လိမ်ညာ ချစားမှုတွေ၊ ဆင်းရဲမွဲတေမှုတွေ တည်ရှိနေရတာလဲဆိုတာပဲ။
ဗုဒ္ဓတရားတွေက လူတစ်ယောက်ဘ၀မှာရော၊ နိုင်ငံတစ်ခုဘ၀မှာပါ အခြေခံအုတ်မြစ်ကောင်းတွေအဖြစ် တည်ဆောက်လို့ရနိုင်ရဲ့သားနဲ့ ဘာ့ကြောင့်မတည်ဆောက်နိုင်ဘဲ ဖြစ်နေရတာလဲ။ ကျနော်လေ့လာ တွေ့ရှိတာ ကတော့ ဗုဒ္ဓတရားတွေဟာ လူတွေရွတ်ရုံလောက်သာဖြစ်နေရပြီး လောကနီတိထဲက စဏကျနီတ တရားတွေကတော့ မြန်မာတွေရဲ့ လူမှုရေး၊ နိုင်ငံရေး အတွေးအခေါ်တွေအဖြစ် ကျယ်ကျယ်ပြန့်ပြန့် ကျင့်သုံးနေကြတယ်ဆိုတာကို ရှာဖွေတွေ့ရှိခဲ့ပါတယ်။
စဏကျဒဿနအယူအဆတွေကို ဗုဒ္ဓဟောတဲ့ တရားအနည်းငယ်နဲ့ ရောမွှေပြီး လောကနီတိလို့ အမည်ပေးခဲ့ပါတယ်။
လောကနီတိက မြန်မာလူမျိုးတွေရဲ့ လူမှုရေးကျမ်းတစ်ခုအဖြစ် ထည်ဝါစွာ တည်ရှိခဲ့တယ်။ ကော့နဲလ်တက္ကသိုလ်စာကြည့်တိုက်က မြန်မာ့လူမှုအဘိဓမ္မာ(Burmese Pholosoph)လို့ ခေါ်တဲ့ စာအုပ် အမျိုးအစားမှာ ထည့်သွင်းသတ်မှတ်ထားတယ်။
လောကနီတိကိုပြုစုတဲ့ ဆရာတွေ၊ ဘုန်းတော်ကြီးတွေက မြန်မာ့လူ့အဖွဲ့အစည်း ကောင်းကျိုးကို လိုလားတဲ့ ဆန္ဒနဲ့ပြုစုခဲ့တယ်ဆိုတာကိုတော့ ငြင်းစရာမရှိဘူး။ တစ်ချိန်က မြန်မာ့လူ့အဖွဲ့အစည်းအတွက် ကောင်းကျိုးချမ်းသာ ပေးကောင်းပေးပါလိမ့်မယ်။ ဒီနေ့မှာတော့ လောကနီတိရဲ့ သင်ကြားချက်တွေက ခေတ်နဲ့မလျှော်ညီတာကိုတွေ့ရမယ်။ လောကနီတိမှာပါတဲ့ စဏကျရဲ့ အယူအဆတွေက မြန်မာ့ လူ့အဖွဲ့အစည်းကို လွှမ်းမိုးနေပါတယ်။
စဏကျရဲ့အယူအဆတွေမှာ လူမျိုးကြီးဝါဒတွေ၊ အကြောက်တရားတွေ၊ လူလူချင်းခွဲခြားဆက်ဆံမှုတွေ၊ လာဘ်ပေးလာဘ်ယူမှုတွေ၊ ပရိရာယ်မာယာတွေ၊ ပဋိပက္ခတွေမှာ အပြတ်ရှင်းရေးဆိုတဲ့ အယူအဆတွေနဲ့ ပြည့်နှက်နေတယ်။ နှစ်ပေါင်းတစ်ထောင်ကျော် လောကနီတိကိုနည်းမျိုးစုံ ပို့ချခံထားရတဲ့ မြန်မာတွေရဲ့ မသိစိတ်ကို ဒီအတွေးအခေါ်တွေက လွှမ်းမိုးထားတယ်။ ရလာဒ်ကတော့ အာဏာရှင်စနစ်နဲ့ အကြောက်တရားကို အမွေရလိုက်တယ်။
ဒီနေ့ မြန်မာနိုင်ငံဟာ အဆင်းရဲဆုံးနိုင်ငံ၊ လူ့အခွင့်အရေး အချိုးဖောက်ခံရဆုံးနိုင်ငံ၊ လူ့အဖွဲ့ အစည်းအတွင်း ချစားမှုများ အကျင့်စာရိတ္ထ ပျက်ယွင်းမှုများနဲ့ မတည်ငြိမ်မှုများ ဘေးကပ်ဒုက္ခများနဲ့ ဒုက္ခပင်လယ်ဝေတဲ့ နိုင်ငံတစ်ခုအဖြစ် နိုင်ငံတကာအသိုင်းအ၀ိုင်းက သတ်မှတ်ခြင်းကိုခံရတယ်။ ရလာဒ်ကတော့ မြန်မာ့လူ့အဖွဲ့အစည်းဟာ အဖက်ဖက်ကဆင်းရဲဒုက္ခတွေကို ရင်ဆိုင်ကြုံတွေ့နေရတာဖြစ်ပါတယ်။ တစ်ခုတော့ ပြောစရာရှိပါတယ်။
မြန်မာနိုင်ငံလို လောကနီတိကို မကျင့်သုံးတဲ့ အာဖရိကတစ်ချို့နိုင်ငံတွေနဲ့ ခရစ်ယာန်ဘာသာကို ကျင့်သုံးတဲ့ အရှေ့ဥရောပလိုနိုင်ငံတွေ၊ မူဆလင်နိုင်ငံတစ်ချို့တွေမှာလည်း ဘာဖြစ်လို့ လူမှုဒုက္ခတွေကို ရင်ဆိုင်ရတာလဲလို့ ဆန့်ကျင်ဘက် ဆွေးနွေးနိုင်ပါတယ်။ ကျနော့်ရဲ့လေ့လာ တွေ့ရှိချက်ကတော့ ဆင်းရဲတဲ့နိုင်ငံမှာ ဘာသာအယူအဆတွေ မတူညီကြသော်လည်း အာဏာရှင်စနစ်ကို အခြေတည်တဲ့ အကြောက်တရားကို အခြေခံတာ၊ အမျိုးသမီးနဲ့ ကလေးသူငယ်တွေအပေါ် ခွဲခြားဆက်ဆံတာ တိုင်းရင်းသားလူမျိုးစုတွေအပေါ်မှာ မဟာလူမျိုးကြီးဝါဒကို ကျင့်သုံးဖိနှိပ်တာ အထက်ကလူတွေကို အလွန်အမင်းရိုသေကြောက်ရွံ့ရတာ စတဲ့ လူမှုရေးတန်ဖိုး သတ်မှတ်ချက်တွေ တူညီနေတာကိုတွေ့ရပါတယ်။
ဒီတန်ဖိုးသတ်မှတ်ချက်တွေက လူ့အဖွဲ့အစည်းရဲ့ နိုင်ငံရေး၊ လူမှုရေး၊ စီးပွားရေး၊ ပညာရေး နယ်ပယ်ထဲကို ဘယ်အတိုင်းအတာအထိ ပျံ့နှံ့ဝင် ရောက်နေသလဲ။ နယ်ပယ်တွေအားလုံးထဲကို ၀င်ရောက်လေလေ လူ့အဖွဲ့အစည်းက ပိုပြီးတော့ဆင်းရဲလေ ဖြစ်နေတာကို တွေ့ရပါတယ်။ တစ်ချို့နိုင်ငံတွေမှာ နယ်အားလုံးကို ၀င်နေတယ်။ တစ်ချို့က စီးပွားရေးနယ်တွေမှာ လွတ်လပ်နေတယ်။ ဒါကြောင့်ဒီနိုင်ငံတွေက စီးပွားရေးအရ တိုးတက်မှုကိုခံစားရတယ်။ ဥပမာ စင်္ကာပူလိုနိုင်ငံမျိုး။
ဗုဒ္ဓဘာသာ၊ ခရစ်ယာန်ဘာသာ၊ မွတ်စလင်နဲ့ ဟင်ဒီဘာသာတွေမှာ ကမ္ဘာလုံးဆိုင်ရာတန်ဖိုး(Global Value)တွေ ရှိနေတယ်။ ဒေသဆိုင်ရာ စံနှုန်းတွေအပေါ် (Local) မဟုတ်ကြပါဘူး။ ဒါပေမယ့် ကျင့်သုံးတဲ့ လူ့အဖွဲ့အစည်းတွေက ဒေသဆိုင်ရာ လူမှုတန်ဖိုးတွေကို သွပ်သွင်းတဲ့ အတွက် ဘာသာတရားတွေဟာ တစ်ချို့ နိုင်ငံတွေမှာ ပုံဖျက်ခံရတာဖြစ်ပါတယ်။ ဘာသာတရားရဲ့ အနှစ်သာရတွေလဲ မထွန်းကား၊ တိုင်းပြည်တွေလဲ မကြီးပွား ဖြစ်သွားကြပါတယ်။
စစ်အစိုးရဆန့်ကျင်ရေးမှာ အယူအဆတစ်ခုကတော့ စစ်အစိုးရဟာ ဘုံရန်သူ၊ ပြဿနာအားလုံး ရဲ့တရားခံဟာ စစ်အစိုးရပဲ ဆိုတဲ့အယူအဆ တစ်ခုပါပဲ။ ဒီအယူအဆက မှန်တယ်။ သို့သော်သူတို့မှာ ပြင်ဆင်မှု မရှိတာကိုတွေ့ရတယ်။ ဒါကတော့ ဒီမိုကရေစီစနစ်ကို လေ့ကျင့်ခြင်းမရှိတာပဲ ဖြစ်တယ်။ ဒီမိုကရေစီစံနှုန်းတွေက ဘာတွေလဲ။ လွတ်လပ်စွာပြောဆိုပိုင်ခွင့်၊ ဝေဖန်ပိုင်ခွင့်၊ အပြန်အလှန်လေးစားမှု၊ အပြန်အလှန် အသိအမှတ်ပြုမှု၊ အမျိုးသမီးတွေကို ခွဲခြားဆက်ဆံခြင်း မပြုတာ၊ ကလေးသူငယ်တွေကို မရိုက်နှက်တာ၊ တိရိစ္ဆာန်နဲ့ သဘာဝပတ်ဝန်းကျင်ကို ကာကွယ်စောင့်ရှောက်တာ၊ အခွင့်အလန်းတွေကို တန်းတူညီမျှ ခံစားပိုင်ခွင့်ရှိတာ၊ ပုဂ္ဂလိကလွတ်လပ်မှုကိုတန်ဖိုးထားတာ စသဖြင့်တွေပေါ့။ ဆုံးဖြတ်ချက်တွေမှာ လူနည်းစုနဲ့ အမျိုးသမီးတွေကို ထည့်သွင်းတာ၊ စစ်အစိုးရလိုပဲ အာဏာရှင်စနစ် ယဉ်ကျေးမှုတွေကို လူမှုရေးနဲ့နိုင်ငံရေးမှာ ဆက်လက် ကျင့်သုံးနေတာရှိနေလို့ပါ။ ၁၉၈၈ ခုနှစ်က ပါတီ ၂၀၀ကျော် ပေါ်ပေါက်လာခဲ့ပေမယ့် ပါတီတွေအားလုံးဟာ အလွန်အမင်း ဗဟိုချုပ်ကိုင်မှုစနစ်ကို ကျင့်သုံးနေဆဲ၊ လူမှုရေးစံနှုန်းဟောင်းတွေအပေါ်မှာ သာယာနေဆဲ ဖြစ်တယ်။
ပျဉ်းမနား စစ်အာဏာရှင်စနစ်ကလည်း လောကနီတိလို လူမှုရေးစံနှုန်းတွေကို ကျင့်သုံးနေတယ်။ ကျနော်တို့ ဒီမိုကရေစီ အင်အားစုတွေကလည်း လောကနီတိထဲက လူမှုရေးစံနှုန်းတွေကို ကျင့်သုံးနေတယ်။ ဘာထူးမှာလဲ။ ဘာမှမထူးဘူး။ ဒီတော့ သေချာပေါက်ပြောနိုင်တာကတော့ ဘယ်သူပဲနိုင်နိုင် မြန်မာ့လူ့အဖွဲ့ အစည်းဟာ သေချာပေါက် ကြီးပွားတိုးတက်လာနိုင်မှာမဟုတ်တော့ဘူး။
ဘာဖြစ်လို့လဲဆိုတော့ သူတို့နှစ်ဦးစလုံးဟာ လူမှုရေးစံနှုန်းဟောင်းတစ်ခုတည်းကို ကျင့်သုံးနေလို့ပါ။ ဒါကတော့ လောကနီတိဖြစ်တယ်။ လောကနီတိကို အင်အားစုနှစ်ခုလုံးက ကျင့်သုံးနေကြတယ်။ ရန်သူကို နိုင်ချင်ရင် ရန်သူနဲ့အတွေးအခေါ်တူညီနေလို့ မရဘူး။
၁၉၈၉ခုနှစ်မှာ ရုရှားပြည်သူတွေက အာဏာရှင်စနစ်ကို ဖြုတ်ချလိုက်တယ်။ ဒါပေမယ့် အာဏာရှင် အကြီးကြီးကိုဖြုတ်ချပြီး အာဏာရှင်အသေးစားပြန်ရလိုက်တာပဲ ဖြစ်နေမှာဖြစ်တယ်။ ဘာဖြစ်လို့လဲဆိုတော့ ပူတင်လို ဒီမိုကရေစီခေါင်းဆောင်တွေဟာ အာဏာရှင်စနစ်ယဉ်ကျေးမှုကို ဆက်လက်မြတ်နိုးနေသေးလို့ ဖြစ်ပါတယ်။ တစ်ပါတီ အာဏာရှင်စနစ်ကို ရုရှားလူထူက ဖျက်သိမ်းလိုက်နိုင်ပေမယ့် အခြေခံဥပဒေ အာဏာရှင်စနစ်(Autocracy)အောက်ကို ပြန်လည်ကျရောက်နေဆဲ ဖြစ်ပါတယ်။
အော်တိုကရေစီအောက်မှာ အခြေခံဥပဒေတွေရှိတယ်။ ရွေးကောက်ပွဲရှိတယ်။ ပါတီတွေရှိတယ်။ ဒီတော့လူထုမျက်စိလည်သွားတယ်။ ငါတို့မှာ ဒီမိုကရေစီရှိပြီလို့ထင်သွားတယ်။
ဒါပေမယ့် အာဏာရပါတီက အမြဲတမ်းအနိုင်ရနေတယ်။ သူက လုပ်ပိုင်ခွင့်၊ ခံသစားပိုင်ခွင့်တွေကို တစ်ပါတီထဲကဆက်လက်ချုပ်ကိုင်ထားတယ်။ အတိုက်အခံတွေက ဘာအခွင့်အရေးမှ မရတော့ တဖြေးဖြေးနဲ့ ချည့်နဲ့လာတယ်။ လူထုအတွင်းထဲမှာ အသင်းအပင်းတွေ တည်ထောင်ခွင့်၊ လွတ်လပ်စွာ ပြောဆိုခွင့်၊ အမျိုးသမီးအခွင့်အရေး၊ လူနည်းစုတိုင်းရင်းသားများအရေးဟာ ဆက်လက်ငြင်းပယ်ခံနေရပြီးနိုင်ငံရဲ့အာဏာဟာ လူနည်းစုလက်ထဲမှာပဲ ပြန်လည်ကျရောက်နေပါတယ်။ မလေးရှား၊ စင်္ကာပူနိုင်ငံတွေမှာ ကျင့်သုံးတဲ့စနစ်မျိုးတွေ ဖြစ်ပါတယ်။
ဒီနိုင်ငံတွေက အာဏာကို လူနည်းစုလက်ထဲမှာ ဆုပ်ကိုင်ထားနိုင်ဖို့ ဒီမိုကရေစီစနစ်ကို အမည်ခံသာ ကျင့်သုံးချင်တယ်။ ဒီမိုကရေစီကို ကမ္ဘာလုံးဆိုင်ရာ တန်ဖိုးအဖြစ် ပြည်သူတွေကို မိတ်ဆက်မပေးချင်ကြပါဘူး။ ဒီမိုကရေစီတန်ဖိုးတွေ လူထုထဲမှာ အကျယ်အပြန့် သုံးလာလေလေ သူတို့အာဏာ အ၀န်းအ၀ိုင်းက ကျဉ်းမြောင်းလာလေလေ ဖြစ်မှာကို သူတို့စိုးရိမ်ကြပါတယ်။
ဒီအတွက် သူတို့က ဒေသဆိုင်ရာ ယဉ်ကျေးမှုတွေနဲ့ ခုခံလာတယ်။ အာရှတန်ဖိုးဆိုတာနဲ့ လူထုကိုမှိုင်းတိုက်လာလာပါတယ်။ အာရှတန်ဖိုးဆိုတာကတော့ ၁၉၉၀ နောက်ပိုင်းမှာ ခေတ်စားလာတဲ့အယူအဆပါ။ စစ်အေးတိုက်ပွဲအပြီး ကမ္ဘာကြီးဟာ အတွေးအခေါ်လစ်ဟာသွားတယ်။ အနောက်တိုင်းပညာရှင်တစ်ချို့ အထူးသဖြင့် ဖရန်စစ်ဖူကီယားမားရဲ့ သမိုင်းနိဂုံးချုပ်သွားပြီ (End of The History)မှာ အတွေးအခေါ်ဝါဒကို အခြေပြုတဲ့ပဋ္ဋိပက္ခဆုံးသွားပြီး ပိုမိုပွင့်လင်းတဲ့ လစ်ဘရယ် အတွေးအခေါ် တွေက ကမ္ဘာကြီးမှာ ပိုပြီးလွှမ်းမိုးလာတော့မယ်လို့ ကောက်ချက်ချပါတယ်။ လစ်ဘရယ်ဝါဒကို စိန်ခေါ်နေတဲ့ ၀ါဒနှစ်ခုကတော့ ကွန်မြူနစ်နဲ့ ဖက်ဆစ်ဝါဒဖြစ်ခဲ့ပါတယ်။ သူကဒုတိယကမ္ဘာစစ်မှာ ဖက်ဆစ်ဝါဒကျဆုံးသွားတယ်။ စစ်အေးတိုက်ပွဲမှာ ကွန်မြူနစ်စနစ် ကျဆုံးသွားတယ်လို့ ကောက်ချက်ချပါတယ်။ ဒါပေမယ့် သူက ဘာသာရေးအစွန်းရောက်အယူဝါဒ အခြေခံတွေ အစွန်းရောက်အမျိုးသားရေးဝါဒတွေ၊ လူမျိုးခွဲခြားမှုတွေက လစ်ဘရယ်ဝါဒရဲ့ ချိန်းခြောက်မှုအသစ်ဖြစ်လာနိုင်တယ်လို့ သုံးသပ်ထားတယ်။ ဒီနေရာမှာသူ့သုံးသပ်ချက်က လွန်တယ်လို့ပြောလို့မရဘူး။ နိုင်ငံရေးအတွေးအခေါ်အရ တိုက်ပွဲကပြီးဆုံးသွားတဲ့ အစွန်းရောက်အမျိုးသားရေးနဲ့ ဘာသာရေးတွေက ဒီမုကရေစီလှုပ်ရားမှုတွေကို အဓိကဆန့်ကျင်သူတွေအဖြစ် ရှေ့တန်းကိုရောက်လာကြလို့ပဲ။ အရှေ့အလယ်ပိုင်းမှာ မွတ်စလင်အခြေခံဝါဒီတွေနဲ့ အရှေ့တောင်အာရှက အာဏာရှင်ကလပ်အဖွဲ့ဝင်တွေဟာ အမာခံတွေဖြစ်လာတယ်။ မြန်မာပြည်မှာစစ်အစိုးရလို အစွန်းရောက် အမျိုးသားရေး ၀ါဒသမားတွေ ခေါင်းထောင် ထလာတယ်။
ထူးဆန်းဖို့ ကောင်းတာကတော အာဏာရှင်တွေကို ဆန့်ကျင်နေတဲ့ အတိုက်အခံတွေနဲ့ သူပုန်တွေကြားမှာရော လှုပ်လှုပ်ရှားရှားဖြစ်သွားတယ်။ ဘာဖြစ်လို့လဲဆိုတော့ သူတို့ရဲ့ လူမှုစံနှုန်းတွေဟာ ဒီမိုကရေစီစနစ်မှာ ပျောက်ကွယ်သွားမလားဆိုတာကို ပူပင်ကြမိလို့ပါ။ သူတို့ရနေပြီးသား အဆင့်နေရာ ပျောက်ကွယ်သွားမှာ ပူပင်ကြမိလို့ဖြစ်တယ်။ သူတို့ရနေပြီးသား အဆင့်နေရာ ပျောက်ကွယ်သွားမှာ ပူပင်လာ ကြတယ်။ ဆောင်းတွင်းအိပ်မက် ကယောက်ကယက်တွေဖြစ်လာတယ်။ ဒီမိုကရေစီ ပြုပြင် ပြောင်းလဲရေးကို ကိုယ်ရဲ့ ရပ်တည်ချက် ဘောင်ကျဉ်းကျဉ်းလေးကပဲ လုပ်ဖို့ဆန္ဒရှိကြတယ်။ ဒီတော့ ရလာဒ်က ဒီမိုကရေစီ ပြုပြင်ပြောင်လဲရေးဟာ နှေးကွေးလာတယ်။
ဒီမိုကရေစီအင်အားစုတွေနဲ့လူထုဟာ အဆက်ပြတ်ထွက်သွားတယ်။ ဒီမိုကရေစီအင်အားစုတွေဟာ မဟာသမုဒ္ဒရာရေပြင်ကျယ်ထဲကို မရောက်တော့ပဲ မြစ်ကျိုးအင်းတစ်ခုအဖြစ်နဲ့ ပြတ်ကျန်ရစ်ခဲ့တယ်။ ကြာလာတာနဲ့အမျှတိမ်လာမယ်။ ကောသွားမယ်။ နောက်ဆုံးပျောက်သွားမယ် ဒါကိုကျနော် အစိုးရိမ်ဆုံး။
အာဏာရအစိုးရတွေက အာရှတန်ဖိုးဆိုတာကို တညီတညာတည်း ကြွေးကြော်လာတယ်။ သူတို့ဒီလို ကျောချင်းကပ်လိုက်ကြတော့ အာရှတန်ဖိုးက သူတို့အတွက်အကျိုးအမြတ်တွေကို အကြီးအကျယ် ခံစားနေရလို့ဖြစ်တယ်။ သူတို့ဆိုတာက ရန်ကုန်စစ်အုပ်စု၊ မလေးရှား၊ စင်္ကာပူ၊ အင်ဒိုနီးရှား၊ တရုတ်၊ အရှေ့အလယ်ပိုင်းကနိုင်ငံတွေ၊ အိန္ဒိယနဲ့ ဂျပန်က တစ်ချို့နိုင်ငံရေး အင်အားစုတွေပါဝင်တယ်။
အာရှတန်ဖိုးဆိုတာကြီးကို အကြီးအကျယ်ဝေဖန်သူကတော့ ပညာရှင်တွေထဲမှာ အိန္ဒိယနွယ်ဖွား စီးပွားရေးပညာရှင် အမာတီယာဆန် (Amartya Sen)၊ တိုင်ဝမ်သမ္မတ (Lee Teng-Hui)၊ တောင်ကိုရီယား သမ္မတဟောင်း ကင်ဒေးဂျုံ (Kim Dae Jung) တို့ဖြစ်တယ်။ အမာတီယာဆန်က အာရှတန်ဖိုးဆိုတာက လွတ်လပ်မှုထက် အမိန့်ပေးတာ စည်းကမ်းကလနားတွေကိုသာ ပိုပြီး အလေးထားနေတာဖြစ်တယ်လို့ ထောက်ပြ တယ်။
လူထုလှုပ်ရှားမှုတွေဆင့်ကဲဖြစ်လာမှာကို စိုးရိမ်တော့ အာရှတိုက်က အာဏာရှင်ပေါက်စတွေဟာ ကျောချင်းကပ်လိုက်ကြတယ်။သူတို့ပြောနေတဲ့ အာရှတန်ဖိုးရဲ့ အဓိကကတော့ ကွန်ဖြူးရှပ်တွေးအခေါ်နဲ့ ဟင်ဒီ လူမှုရေးစံနှုန်းတွေကို ဘတ်လပိုင်ရောမွှေထားတာတွေပါ။ အာရှတန်ဖိုးဆိုတာက လူ့အဖွဲ့အစည်းမှာ ဆင်ခြင်တုံတရားထက် အထက်အောက် ရိုသေရတာ၊နာခံရတာ။ ပုဂ္ဂလိကလွတ်လပ်မှုတွေထက်စာရင် တိုင်းပြည်အကျိုးကိုဦးစားပေးရတာဆိုတာတွေဖြစ်တယ်။ ဒီတန်ဖိုးတွေက အာရှတိုက် ကြီးပွားတိုးတက်ရေး အတွက် ပိုပြီးကိုက်ညီတယ်။ ဒီမိုကရေစီဆိုတာ အနောက်တိုင်းကကျင့်သုံးမှုတွေ၊ အနောက်တိုင်ယဉ်ကျေးမှုတွေ ဒါတွေက နိုင်ငံတော် တည်ငြိမ်ရေးနဲ့ တိုးတက်ရေးကိုထိခိုက်တယ် စသဖြင့်ပေါ့။ အာရှတန်ဖိုးကို သူတို့ အသံအကျယ်ဆုံး ကြွေးကြော်ခဲ့ပေမယ့် အနောက်တိုင်းက ခေတ်မီသိပ္ပံနည်းပညာကိုတော့ သူတို့က လက်ခံတယ်။ ခံစားနေကြတယ်။ ဒါကလဲ ခေတ်မီနည်းပညာကို အာဏာရဲ့ ဒေါက်တိုင်အဖြစ်နဲ့ အသုံးချ နိုင်ခဲ့လို့ပါ။ ဒါပေမယ့် အင်တာနက်လို ခေတ်မီ ဆက်သွယ်ရေး သိပ္ပံနည်းပညာကိုကျတော့ လူထုတွေ သုံးစွဲမှာကိုတော့ သူတို့က စိုးရိမ်ကြပြန်တယ်။
ခေတ်မီသိပ္ပံနည်းပညာတွေနဲ့ တိုင်းပြည်ကိုဖွံ့ဖြိုးအောင် လုပ်လို့ရတယ်လို့ သူတို့စိတ်ကူး ယဉ်ကြတယ်။ ခေတ်မီနည်းပညာသုံးစွဲတာ ကောင်းပါတယ်။ တိုင်းပြည်ဖွံ့ဖြိုးတိုးတက်ရေးမှာ အရေးကြီးပါတယ်။
ဒါပေမယ့် လူ့အဖွဲ့အစည်းရဲ့ အသက်သွေးကြောဖြစ်တဲ့ နိုင်ငံရေးစနစ်က ပိုပြီးခေတ်မီဖို့လိုတယ်။ ရုရှားနိုင်ငံဟာ သိပ္ပံပညာမှာ ရှေ့တန်းရောက်ခဲ့တဲ့နိုင်ငံပါ။ ဒီမိုကရေစီနိုင်ငံရေးစနစ်ကို မကျင့်သုံးတဲ့အတွက် ဆိုရှယ်လစ်ရုရှားက ကျဆုံးသွားခဲ့ပြီမဟုတ်ပါလား။ အာရှတန်ဖိုးဟာ အသုံးမ၀င်တော့တဲ့ ဖော်မြူလာဖြစ်တယ် ဆိုတာကိုတော့ ၁၉၉၇ ခုနှစ်မှာဖြစ်တဲ့ အာရှဘဏ္ဍာရေး အကျပ်ရိုက်မှုကြီးက သက်သေပြခဲ့တယ်။
ထူးဆန်းတာက တစ်ချိန်က ယဉ်ကျေးမှုတော်လှန်ရေးနဲ့ ကွန်ဖြူးရှပ်ဝါဒကိုဆန့်ကျင်ခဲ့တဲ့ တရုတ်ပြည်က ကွန်ဖြူးရှပ်ဝတ်ရုံကို ဖုံခါပြီး ပြန်ဝတ် လာတယ်။ ဖော်ထုတ်လာတယ်။ ဂျက်လီပါတဲ့ သူရဲကောင်း (Hero)လို ရုပ်ရှင်ကို တရုတ်ကွန်မြူနစ်ပါတီက နောက်ကနေ လူအင်အားတွေ ကူညီစေပြီး ရိုက်ကူးစေလာတယ်။ ဒီလိုအာရှတန်ဖိုးတွေကို သွပ်သွင်းထားတဲ့ သူရဲကောင်းလို ရုပ်ရှင်ကားတွေကို ပြန်လည်ဖော်ထုတ် လာတာကတော့ ရှင်းပါတယ်။
၁၉၈၉ ခုနှစ် တီအန်ယင်မင် အရေးအခင်းက တရုတ်အစိုးရရဲ့ အာဏာကို လူထုက အတိအလင်း စိန်ခေါ်လာလို့ပါပဲ။
၁၉၈၈ခုနှစ် ရန်ကုန်တက္ကသိုလ် အဓိပတိလမ်းမပေါ်က မြန်မာကျောင်းသားတွေ ကြွေးကြော် လိုက်တဲ့ ကြွေးကြော်သံတွေက အာရှတိုက်ကိုတုန်လှုပ်သွားစေခဲ့တယ်။ ရန်ကုန်တက္ကသိုလ်က ဗဟိုပြု ထွက်သွားတဲ့ ဒီငလျှင်ဟာ တရုတ်ပြည်ကိုရိုက်ခတ်သွားတယ်။ ထိုင်းနိုင်ငံကိုအဖျားခတ်တယ်။ အင်ဒိုနီးရှားက ဆူဟာတိုကို အိပ်မက်ဆိုးတွေမက်စေခဲ့တယ်။ အရှေ့တီမောကို နိုးကြားလာစေခဲ့တယ်။
တရုတ်ပြည်က ထိပ်တန်းကျောင်းသားခေါင်းဆောင်တစ်ဦးဖြစ်တဲ့ ၀မ်တန်းကို ကျနော်တွေ့တော့ ခင်ဗျားတို့ တရုတ်ကျောင်းသားလှုပ်ရှားမှုဟာ ရုရှားက မီခေး ဂေါဘာချော့ဗ် (Mikhail Gorbacheve) အလည်လာတာရဲ့ရိုက်ခတ်မှုလား၊ သူ့ရဲ့ပြုပြင်ပြောင်းလဲမှုတွေက ခင်ဗျားတို့ကိုစွဲဆောင်ခဲ့လို့လားမေးတော့ သူက “မဟုတ်ပါဘူး၊ မြန်မာကျောင်းသားလှုပ်ရှားမှုကြီးကသူတို့ကိုစွဲဆောင်လိုက်တာပါ”လို့ ပြောခဲ့ဖူးတယ်။
အာရှတိုက် ဒီမိုကရေစီ လှုပ်ရှားမှုက အာဏာရသူတွေကိုသာ အကျိုးပြုနေတဲ့ အာရှတန်ဖိုးကို စိန်ခေါ်နေပါပြီ။ အာရှတန်ဖိုးဆိုတာနဲ့ ပိန်မသာ လိမ်မသာရှိတဲ့ လောကနီတ်ိကိုစစ်အုပ်စုက ပြန်လည် ပွဲထုတ်ပါတယ်။ အထူးသဖြင့် ဗိုလ်ချုပ်ခင်ညွန့် လက်ထက်မှာပါ။ သူတို့ သုရားတည်တာတွေ ကျောင်းဆောက်တာတွေကို အကြီးအကျယ်လုပ်ပြခဲ့ကြတယ်။ ဒီလိုနိုင်ငံတော်က ဦးဆောင်ပြီးလုပ်တဲ့ ဘာသာရေး အခမ်းအနားတွေမှာ အင်္ဂလိပ် မြန်မာ နှစ်ဘာသာနဲ့ ရိုက်နှိပ်ထားတဲ့ လောကနီတိစာအုပ်တွေကို လက်သိပ်ထိုး ဖြန့်ဝေလေ့ရှိခဲ့ကြတယ်။
တစ်ဖက်မှာလည်း ဒီမိုကရေစီအင်အားစုတွေကို အကြီးအကျယ်နှိပ်ကွပ်၊ သူတို့ကပဲ မြန်မာ နိုင်ငံတော်နဲ့ မြန်မာယဉ်ကျေးမှုကို ကာကွယ်ပေးတဲ့ သူရဲကောင်းတွေလိုပုံဖော်၊ မြန်မာ့ယဉ်ကျေးမှုနဲ့ မကိုက်ညီဘူးဆိုပြီး လူငယ်ကျောင်းသားတွေရဲ့ ယဉ်ကျေးမှုအနုပညာလုပ်ငန်းတွေ တီထွင်ဆန်းသစ်ချက်တွေကို အပြင်းအထန် ပိတ်ပင်ကြ။ ဒီတော့ ဒီနေ့မြန်မာ စတီရီယို အနုပညာရှင်တွေရဲ့ စွဲမက်စရာတေးသံတွေက မြန်မာ့အသံနဲ့ မြန်မာ့ရုပ်မြင်သံကြား အစီအစဉ်တွေမှာ ထုတ်လွှင့်ခွင့်မရတဲ့ လမ်းဘေးဂီတအဖြစ် အဆင့်နှိမ်ခံရတယ်။ သရုတ်ပျက်ယဉ်ကျေးမှုဆိုတဲ့ ပြင်းထန်တဲ့စွဲချက်တွေနဲ့ ထိုးနှက်တိုက်ခိုက်တာကို ခံနေရတယ်။
ကိုဇာဂနာက ဘီဘီစီနဲ့ ၂၀၀၆ခုနှစ် နှစ်သစ်ကူးအင်တာဗျူးမှာ သရုပ်ပျက်ယဉ်ကျေးမှုလို့ ပိတ်ပင်နေရင် သရုပ်မှန်ကဘာလဲ ပြပါလားလို့ မေးခွန်းထုတ်ဖူးခဲ့ပါတယ်။ တကယ်က စစ်အစိုးရသတ်မှတ်ထားတဲ့ သရုပ်မှန်ယဉ်ကျေးမှုဆိုတာကတော့ လူငယ်တွေက ရေခဲရေနဲ့ လောင်းထားတဲ့ မျက်နှာ အလွန်အမင်း ပျပ်ဝပ်ကျိုးနွံနေရတာသာဖြစ်တယ်။ ယုံကြည်မှု၊ ဆန်းသစ်တီထွင်မှု၊ တက်ကြွမဲ့ ဟုတ်ကဲ့ဘ၀မျှသာ။
ထူးဆန်းတာကတော့ လူငယ်တွေရဲ့ ဆန်းသစ်တဲ့ အတွေးအခေါ်တွေက ဒီမိုကရေစီ အင်အားစုတွေရဲ့ မီဒီယာတွေမှာ ယနေ့လူငယ်ရော့ခ်ဂီတသမားတွေရဲ့ သီချင်းသံစဉ်တွေဟာ မကြားရသေး သလောက်ပါပဲ။ ဒီလူမှုစံနှုန်းတွေတူနေတဲ့ အင်အားစုနှစ်ခု ဖြစ်နေတဲ့ပဋ္ဋိပက္ခမှာ အင်အားကြီးတဲ့သူကလဲ နောက်ဆုံးမှာ အနိုင်ရသွားမှာ ဖြစ်ပါတယ်။ ဒီအင်အားစုကြားမှာ ဖြစ်နေတဲ့ ပဋ္ဋိပက္ခဟာ လူထုနဲ့ ကင်းကွာသွားမှာ ဖြစ်တယ်။ လူထုတွေက လောကနီတိထဲက အကြောက်တရားတွေကို မလိုချင်တော့ပါဘူး။ လူတွေက လွတ်လပ်မှု၊ ပညာရေး၊ ကျန်းမာရေး၊ အလုပ်အကိုင်၊မြေယာနဲ့ အစားအသောက်တွေကိုလိုချင်နေပါတယ်။ အပြောင်းအလဲကို လိုချင်နေပါပြီ။ ဒါ့ကြောင့် ၈၈ အုံကြွမှုကြီး ဖြစ်ခဲ့တယ်။ ၁၉၉၀ ပြည့်နှစ် မေလ ပါတီစုံဒီမိုကရေစီ အထွေထွေရွေးကောက်ပွဲမှာ အမျိုးသား ဒီမိုကရေစီ အဖွဲ့ချုပ်ကို မဲပေးခဲ့တာဖြစ်တယ်။
ကျနော်တို့ ဒီမိုကရေစီ အင်အားစုတွေက ဒီမိုကရေစီစနစ်ကို လိုချင်ရင် ပါတီတွေ တည်ထောင်ခွင့်ရရုံ၊ ရွေးကောက်ပွဲတွေ ကျင်းပနိုင်ရုံနဲ့ ဒီမိုကရေစီဟာ ရှင်သန်မလာဘူး။ တိုင်းပြည်ဟာ ကြီးပွားလာမှာမဟုတ်ဘူး။ ဒီမိုကရေစီတန်ဖိုးတွေကို စနစ်တကျကျင့်မှသာ စစ်မှန်တဲ့ ဒီမိုကရေစီကို ရရှိမှာ ဖြစ်ပါတယ်။ အောင်မြင်သွားတဲ့ ကြီးပွားတိုးတက်လာတဲ့ နိုင်ငံတွေမှာ ပြုပြင်ပြောင်းလဲမှုတွေ လုပ်ကိုလုပ်ရပါတယ်။ ဟောင်းနွမ်းတဲ့ လူမှုရေးစံနှုန်းတွေ နိုင်ငံရေးနဲ့ စီးပွာရေးစနစ်ကို ပြုပြင်ပြောင်းလဲမှုတွေ လုပ်ကိုလုပ်ရတယ်။ ဒီအထဲမှာ အခြေခံကျတဲ့ ခေတ်မမီတော့တဲ့ လူမှုရေးစံနှုန်းတွေကို ပြုပြင်ပြောင်းလဲမှု လုပ်ကိုလုပ်ခဲ့ရတာ ဖြစ်တယ်။ ဥပမာ ၁၉၂၀ ၀န်းကျင်မှာ တူရကီနိုင်ငံမှာ မူဆလင်ဘာသာရေးအတွင်း ပြုပြင်ပြောင်းလဲမှုတွေကို လုပ်ခဲ့ရတယ်။ ၁၈၆၈ခုနှစ် ဂျပန်နိုင် မေဂျီခေတ်(Meiji era) ပြုပြင်ပြောင်းလဲမှုဆိုတဲ့ နိုင်ငံရေးနဲ့ လူမှုရေး ပြုပြင်ပြောင်းလဲမှုတွေ လုပ်ခဲ့ရတယ်။ ဒီလှုပ်ရှားမှုက ဂျပန်စက်မှုတော်လှန်ရေးရဲ့ အဓိက အသက်သွေးကြော ဖြစ်စေခဲ့ရတယ်။
မြန်မာနိုင်ငံ မင်းတုန်းမင်းခေတ်မှာ စက်မှုပြုပြင်ပြောင်းလဲမှုကို ကနောင်မင်သားလုပ်ဖို့ ကြိုးစားခဲ့တယ်။ ကနောင်မင်းသားကြီးရဲ့ စက်မှုတော်လှန်ရေးလှုပ်ရှားမှုဟာ ဂျပန်မေဂျီခေတ်နဲ့ ခေတ်ပြိုင် နီ်းပါးဖြစ်ခဲ့တယ်။ ဒါပေမယ့် သူရဲ့ ခေတ်မီနိုင်ငံတော်တည်ဆောက်ရေး စမ်းသပ်မှုတွေက ဘာသာရေး အစွန်းရောက် ဘုန်းတော်ကြီးတစ်ပါးကြောင့် ရပ်ဆိုင်းလိုက်ရတယ်။
မြန်မာနိုင်ငံကတော့ နယ်ပယ်အားလုံးထဲကို ဒီလို အာဏာရှင်ယဉ်ကျေးမှုက ၀င်ရောက်နေတယ်။ ဒါ့ကြောင့်မြန်မာပြည်ဟာ တစတစ ဆုတ်ယုတ်လာတယ်။ နောက်ဆုံးမှာအမှောင်ခေတ်ကို ကျရောက်သွားတယ်။ ဒါကို ကျနော်တို့လက်ပိုက် အရှုံးပေးစရာမလိုဘူး။ အောင်မြင်တဲ့နိုင်ငံတစ်ခုကို ကျနော်တို့ ပြန်လည်တည်ဆောက်ကြမယ်။ အောင်မြင်တဲ့လူမျိုးတွေဟာ အောင်ပွဲခံသူတွေရဲ့စိတ်ထားထားတတ်ရမယ်။ အောင်စိတ်ဆိုတာ သတ္တိ၊ အကြောက်တရားမဟုတ်။ သတ္တိဆိုတာ မေတ္တာတရား၊ အပြန်အလှန်လေးစားမှု၊ အပြန်အလှန် အသိအမှတ်ပြုမှုနဲ့ ဆင်ခြင်တုံတရားဖြစ်တယ်။ လူတွေကို အကြောက်တရားသွပ်သွင်းတဲ့ လောကနီတိလိုသင်ကြားချက်တွေက အာဏာရှင်ယဉ်ကျေးမှုကို သက်ဆိုးရှည်စေတယ်။ ခေတ်မီတိုးတက်တဲ့ မြန်မာနိုင်ငံတော်သစ်တည်ဆောက်ဖို့အတွက်….
၁။ အာဏာရှင်စနစဆန်တဲ့ နိုင်ငံရေးယဉ်ကျေးမှုတွေကို ဖျက်သိမ်းပစ်ရမယ်။
၂။ ဒီမိုကရေစီ နိုင်ငံရေးစနစ်ကို ကျင့်သုံးရမယ်။
၃။ လွတ်လပ်တဲ့ဈေးကွက်စီးပွားရေးစနစ်ကို ကျင့်သုံးရမယ်။
ဒီထဲမှာ အာဏာရှင်ဆန်တဲ့ယဉ်ကျေးမှုတွေကို ဖျက်သိမ်းပစ်ဖို့က အရေးအကြီးဆုံးဖြစ်တယ်။ ဒီစာအုပ်မှာ အာဏာရှင်ဆန်တဲ့ ယဉ်ကျေးမှုကို သန္ဓေတည်စေခဲ့တဲ့လောကနီတိကိုပဲ အာရုံစိုက် ဆွေးနွေးထားပါတယ်။
(ဆက်လက်ဖော်ပြပါမည်)
(ကိုမိုးသီးဇွန် ၏ နာခံမှုကိုစစ်ဆေးခြင်း စာအုပ်မှ ထပ်ဆင့်ဖော်ပြခြင်းဖြစ်ပါသည်။)
This blog information for all of Myanmar in Malaysia.

မလေးရှားနိုင်ငံတွင် အလုပ်လက်မဲ့ဦးရေ ၆.၅% ထိရှိလာနိုင်


စင်္ကာပူနိုင်ငံ၏ စက်ရုံအချို့ရပ်နားခြင်းနှင့် အလုပ်အကိုင် ပြတ်လပ်မှုများ အကျိုးဆက် အဖြစ် မလေးရှားနိုင်ငံတွင်လည်း အလုပ်သမားဦးရေ ၃-သိန်းခန့် အလုပ်လက်မဲ့ ဖြစ်လာနိုင်ဖွယ်ရှိသည်ဟု မလေးရှားအစိုးရမှ ခန့်မှန်းတွက်ဆထားသည်။ ကမ္ဘာတလွှား ရင်းနှီးမြှပ်နှံမှုဆိုင်ရာအစုအဖွဲ့ တစ်ခုမှလည်း ၂၀၀၉ ခုနှစ် နှစ်လယ်တွင် အလုပ်သမားဦးရေ ၃-သိန်းမှ ၃-သိန်းခွဲသည် လုပ်ငန်းပြတ်လပ်မှုအခြေအနေအား ရင်ဆိုင်ရဖွယ်ရှိလာနိုင်ကြောင်း ခန့်မှန်းတွက်ချက်ထားသည်။
လက်ရှိအနေအထားတွင် မလေးရှားနိုင်ငံတွင်း စက်ရုံများဖြစ်သည့် Sony ကုမ္ပဏီ သူ၏ Bangi ရှိစက်ရုံအား ဒီဇင်္ဘာလ ၂၅ ရက်နေ့မှစတင်၍ ဇန္န၀ါရီလ ၉ ရက်နေ့အထိ ပိတ်ခဲ့ရသည်။ San Disk သည် အလုပ်သမားဦးရေ ၄၅၀ မှ ၅၀၀ ကြား လျှော့ချလိုက်ကြောင်း အသိပေးကြေညာခဲ့သည်။ ထိုကဲ့သို့ပင် Flextronics သည် အလုပ်ဆင်းရက်များကို တစ်ပတ်လျှင် ၄ ရက်စနစ်ဖြင့် နိုဝင်င်္ဘာလနှင့် ဒီဇင်္ဘာလအတွက် သတ်မှတ်ပေးခဲ့သည်။ ပီနန်းမှ AMDကုမ္ပဏီသည် အလုပ်သမားဦးရေ ၅၀၀ အားလျှော့ချလိုက်ရကြောင်း လွန်ခဲ့သောရက်က ထုတ်ဖော် ပြောဆိုခဲ့သည်။ Spansion ကုမ္ပဏီကလည်း အလုပ်သမား များအား ခွင့် ၅ ရက်ယူရန် ညွှန်ကြားခဲ့သည်။ Jabil နှင့် Agilent ကုမ္ပဏီတို့သည် ဒီဇင်္ဘာလ ၂၄-ရက်နေ့မှ ဇန္န၀ါရီလ ၄ရက်နေ့အထိ စက်ရုံအား ရပ်နားခဲ့ရပြီး အဆိုပါ ရက်များထဲမှ ၆ရက်အား ခွင့်ရက်အဖြစ်သတ်မှတ်ခဲ့သည်။ အခြေအနေအရ Agilent သည် ဇန္န၀ါရီလ ၉-ရက်နေ့တွင် နောက်ထပ်တစ်ကြိမ် စက်ရုံရပ်နားရန်ပင် စီစဉ်ခဲ့ရသည်။ ASE သည် နှစ်ပတ်လျှင် တစ်ကြိမ်နှုန်းဖြင့် တနလာင်္နေ့တိုင်း အလုပ်ပိတ်စေခဲ့ပြီး ၎င်းအစီအစဉ်ကို နိုဝင်္ဘာ ၃-ရက်နေ့ကပင် စတင်ခဲ့ကြောင်းသိရသည်။ INTELL သည် ၂၀၀၉ ခုနှစ်တွက် အလုပ်သမားဆိုင်ရာ ကုန်ကျစရိတ်များ၊ ခရီးစရိတ်များ ကို ထူးထူးခြားခြား ဖြတ်တောက်ထားသည်။ သို့သော် လုပ်ငန်းရပ်ဆိုင်းရမည့် အခြေအနေကား မသေချာသေး ဟုဆို၏။
ပီနန်းနှင့် စင်္ကာပူတို့ရှိ Motorola သည် အလုပ်အကိုင် ၈၀၀ ခန့်ရပ်နားလိုက်ရပြီး ၀ယ်လိုအားကိုစောင့်နေဆဲဟုဆို၏။ မလေးရှား၏ 1st wafer fab company ဖြစ်သော Kulim မှ Siltera သည် ၂၀၀၈ခုနှစ်တွင် ရင်းဂစ် ၄ ဘီလျှံမျှဆုံးရှုံးနစ်နာခဲ့ကြောင်း သတင်းရရှိသည်။ ရန်ကုန်မြို့တွင်လည်း ယခုရက်ပိုင်းမလေးရှားမှ ပြန်လာကြသူ များပြားကြောင်း သတင်းများထွက်ပေါ်လျှက်ရှိသည်။
ပီနန်းသည် ယခု စီးပွားရေးဆူနာမီတွင် အခြားဒေသများထက် ပိုမိုအထိနာကြောင်း ၎င်းဒေသတွင် အလုပ်လုပ်နေသူ ကိုအောင်မျိုးဇော် (ဘူကစ်ဂျန်ပူ)မှ အခုလိုပြောဆိုပါတယ်။ “ကျနော်တို့လည်း နောက် ၂ပတ်လောက်ဆိုရင်ပြန်ရပြီ၊ အချို့ ကုမ္ပဏီတွေဆိုရင် အလုပ်သမားပြန်ပို့ပေးဖို့ လေယာဉ်လက်မှတ် ထုတ် မပေးနိုင်ဘူးလို့ ဆိုတဲ့ စက်ရုံတွေလည်းရှိတယ်။ အခုအခြေအနေမျိုးမှာ ဘယ်သူကိုသွားတိုင်လို့ ရမှာလဲ။ ကျနော်တို့ မြန်မာသံရုံးဆိုတာ နဂိုကတည်းကသုံးလို့မရတဲ့ နေရာတစ်ခုပဲ။ ၀င်ငွေခွန်ကောက်ဖို့ သူများနိုင်ငံမှာလာဆောက်ထားတဲ့ အဆင့်ပဲရှိတယ်။ တကယ့်တကယ် မတရားဖိနှိပ်မှုတွေ ပြဿနာတွေကိုတော့မဖြေရှင်းပေးနိုင်ဘူး။ တကယ်ဆိုရင် စာချုပ်မပြည့်မီ ပြန်လွှတ်ရင် အလုပ်ရှင်က လေယာဉ်လက်မှတ်တာဝန်ယူရတယ်'
စီးပွားရေး အကျပ်အတည်းများကြောင့် တရားမ၀င်လုပ်ကိုင်နေရသူများအတွက် ပိုမိုအခက်အခဲရှိနိုင်သည်။

06 January, 2009

ဒေါ်စု လွတ်လပ်ရေး သီချင်းများဖွင့်


အကျယ်ချုပ် ကျခံနေရဆဲ ဖြစ်သည့် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်သည် ယမန်နေ့က ကျရောက်သည့် ၆၁ နှစ်မြောက် လွတ်လပ်ရေး နေ့တွင် ၎င်း၏ နေအိမ်၌ လွတ်လပ်ရေးနှင့်သက်ဆိုင်သည့် သီချင်း များကို ဖွင့်ခဲ့သည်ဟု အမျိုးသား ဒီမိုကရေစီအဖွဲ့ချုပ် (အန်အယ်လ်ဒီ) ပြောခွင့်ရပုဂ္ဂိုလ် ဦးဥာဏ်ဝင်းက ပြောပြသည်။

နေအိမ်အကျယ်ချုပ် ကျခံနေရဆဲ ဒေါ်အောင်ဆန်းစုကြည် (ဓာတ်ပုံ - Pornchai Kittiwongsakul/EPA)

ဒေါ်အောင်ဆန်းစုကြည်က ခြံတခါးဝ နဖူးစည်းတွင် အ၀တ်အနီပေါ်၌ စာလုံးအ၀ါရောင်ဖြင့်“တိုင်းပြည်နဲ့ လူမျိုး အကျိုးကို ရှေးရှုပြီး ပြတ်ပြတ်သားသား ဆောင်ရွက်ကြ။ ဗိုလ်ချုပ် အောင်ဆန်း ”ဟု လွတ်လပ်ရေး ဖခင် ဗိုလ်ချုပ် အောင်ဆန်း၏ ပြောစကား ရေးသားထားသည့် ဆိုင်းဘုတ်တခုကို ချိတ်ဆွဲထားကြောင်းလည်း ဦးဥာဏ်ဝင်း က ပြောသည်။

“ဒေါ်အောင်ဆန်းစုကြည်ကိုယ်တိုင် ဆောင်ရွက်တာလို့ သိရတယ်၊ အဲဒါ ပတ်ဝန်းကျင်က လူတွေက လွတ်လပ် ရေးနဲ့ ဆိုင်တဲ့သီချင်းတွေ ဖွင့်တာကြားရတယ်လို့ အဲဒီလိုလည်း ပြောပါတယ်”ဟု ၎င်းက ဆိုသည်။

ဒေါ်အောင်ဆန်းစုကြည်၏ ကျန်းမာရေးနှင့် ပတ်သက်၍ ပြီးခဲ့သည့် ကြာသပတေးနေ့က မိသားစု ဆရာဝန် တွေ့ရှိ ချက်အရ ကောင်းမွန်သည်ဟုကြားသိရကြောင်း၊ ဒေါ်အောင်ဆန်းစုကြည် အိမ်အနီးဝန်းကျင်တွင် လုံခြုံရေးများ ပုံမှန် ရှိနေဆဲဖြစ်ကြောင်းလည်း သိရသည်။

ယမန်နေ့က ရန်ကုန်မြို့ရှိ အန်အယ်လ်ဒီ ရုံးချုပ်တွင် ၆၁ နှစ်မြောက် လွတ်လပ်ရေးနေ့ အခမ်းအနားကျင်းပ၍ ကြေညာချက်တစောင် ထုတ်ပြန်ခဲ့သည်ဟု ဦးဥာဏ်ဝင်းက ဆက်လက် ပြောဆိုသည်။

ယင်းကြေညာချက်တွင် ပြည်သူ့လွှတ်တော် ခေါ်ယူပေးရန်၊ ဖွဲ့စည်းပုံအခြေခံ ဥပဒေသုံးသပ်ရေးကော်မတီ ဖွဲ့စည်းပေးရန်၊ ယင်းကော်မတီက ၆ လအတွင်း အပြီးအပြတ် ဆောင်ရွက်ရန်စသည့် အချက်များ အဓိကပါဝင် သည်ဟု ၎င်းက ဆိုသည်။

အန်အယ်လ်ဒီနေနှင့်၂၀၁၀ ရွေးကောက်ပွဲနှင့် ပတ်သက်ပြီးမည်ကဲ့သို့ ဆောင်ရွက်မည်ကို ပြောဆိုမထားသော် လည်း ၁၉၉၀ ပြည့်နှစ်ရွေး ကောက်ပွဲ ရလာဒ်ကို ကောင်အထည် မဖော်ဘဲနှင့် နောင်ပြုလုပ်မည့် ရွေးကောက်ပွဲ များနှင့် ပတ်သက်၍ ထည့်သွင်း စဉ်းစားရန်မရှိဟူသော အဓိပ္ပာယ်ရသည့် ဒေါ်အောင်ဆန်းစုကြည်၏ မိန့်ခွန်း ကောက်နုတ်ချက်ကို စာမျက်နှာ ၆ မျက်နှာရှိ အဆိုပါ လွတ်လပ်ရေးနေ့ ကြေညာချက်တွင်ထည့်သွင်း ဖော်ပြထား ကြောင်းလည်း သိရသည်။

ယင်း ၆၁ နှစ်မြောက် လွတ်လပ်ရေးနေ့ကို ဂုဏ်ပြု၍ အမေရိကန်နိုင်ငံခြားရေးဌာနကလည်း စစ်အာဏာရှင် လက်အောက်မှ လွတ်မြောက်ရေးနှင့်ဒီမိုကရေစီ ဖော်ဆောင် ရေးတို့အတွက်ကြိုးပမ်းအားထုတ်နေကြသည့် မြန်မာနိုင်ငံသားများ၏ ငြိမ်းချမ်းစွာလှုပ်ရှား ဆောင်ရွက်မှုများကို အမေရိကန်နိုင်ငံက ဆက်လက်ထောက်ခံ အားပေးသွားမည်ဖြစ်ကြောင်း ဇန်န၀ါရီ ၂ ရက်နေ့က ထုတ်ပြန်ကြေညာခဲ့သည်။

စစ်အစိုးရ ဗိုလ်ချုပ်မှူးကြီးသန်းရွှေကမူ ၎င်း၏ ၆၁ နှစ်မြောက် လွတ်လပ်ရေးနေ့ သ၀ဏ်လွှာတွင် လမ်းပြမြေပုံ (၇) ဆင့်အတိုင်း ဆက်လက်အကောင်အထည်ဖော်ဆောင်သွားမည် ဖြစ်ကြောင်း၊ ၎င်းတို့၏ ဖွဲ့စည်းပုံအခြေခံဥပဒေ ကို လည်း ပြည်သူတရပ်လုံးက တခဲနက်ထောက်ခံထားပြီးဖြစ်ကြောင်း၊ ထို့ကြောင့် ဖွဲ့စည်းပုံသစ်နှင့်အညီ ဒီမို ကရေစီ နိုင်ငံတော်သစ်ကြီး ပေါ်ထွန်းရန်အတွက် ဆောင်ရွက်သွားရန် တိုက်တွန်း ပြောကြားထားကြောင်းကို အစိုးရ သတင်းစာများတွင် ဖော်ပြထားသည်။

တချိန်တည်းတွင်ပင် ၎င်း ဗိုလ်ချုပ်မှူးကြီး၏ စစ်အစိုးရကို စာတစောင်ရေး၍ ဒေါ်အောင်ဆန်းစုကြည် နေအိမ် အကျယ်ချုပ်အယူခံလွှာနှင့် ပတ်သက်ပြီး ဒေါ်အောင်ဆန်းစုကြည်အား တွေ့ခွင့်ပေးရန် ထပ်မံ တောင်းဆို ထားကြောင်း ရှေ့နေကြီး ဦးကြည်ဝင်းက ပြောသည်။

ဒေါ်အောင်ဆန်းစုကြည်၏ အယူခံလွှာကို ကိုင်တွယ် ဆောင်ရွက်မည့် အစိုးရ အဖွဲ့မှ ၀န်ကြီးချုပ် ဗိုလ်ချုပ်ကြီး သိန်းစိန်သို့ လိပ်မူ၍ အယူခံလွှာနှင့်ပတ်သက်ပြီး ဒေါ်အောင်ဆန်းစုကြည်နှင့် တွေ့ဆုံရန်လိုအပ်ကြောင်း ပြီးခဲ့ သည့် ဒီဇင်ဘာ ၃၀ ရက်နေ့က စာရေးသား တောင်းဆိုလိုက်ခြင်းဖြစ်သည်ဟု ဦးကြည်ဝင်းက ပြောပြသည်။

“စာတင်တာ အဓိက က အယူခံလွှာတင်ပြီးပြီဆိုတာကို ဒေါ်စုကို သတင်းပို့ဖို့ နဲ့ အယူခံလွှာရဲ့ နောက်တဆင့် လျှောက်လှဲချက် ပေးတာ၊ အဲဒီအခါမှာ ကျနော်တို့ ရှေ့နေတွေရဲ့သဘောနဲ့ ပြောတာမျိုး မဖြစ်သင့်ဘူး၊ ကာယကံ ရှင်ရဲ့ ညွှန်ကြားချက် ရယူဖို့ ၊ ညွှန်ကြားချက် ရယူပြီးပြောမှ စစ်မှန်တဲ့ လျှောက်လှဲချက်ဖြစ်မှာပေါ့၊ အဲဒီ ၂ ချက် အတွက် ဒေါ်စုနဲ့ တွေ့ဆုံဖို့ လိုပါတယ်၊ တွေ့ဆုံချင်ပါတယ် မဟုတ်ဘူး၊ အဲဒီအတွက် ထပ်တင်တာပါ”ဟု ၎င်းက ဧရာဝတီသို့ ပြောဆိုသည်။

၂၀၀၈ ခု ဒီဇင်ဘာလအစောပိုင်းက ဒေါ်အောင်ဆန်းစုကြည်နှင့် တွေ့ခွင့် တောင်းခဲ့သည်ကို သက်ဆိုင်ရာ အာဏာပိုင်များက အယူခံလွှာကိစ္စနှင့်ပတ်သက်ပြီး အစိုးရအဖွဲ့က ဆောင်ရွက်နေသည့်အတွက် တွေ့ဆုံရန် မလိုကြောင်း ပြောဆို၍ ခွင့်ပြုချက်မပေးခဲ့သောကြောင့် ယခုကဲ့သို့ ထပ်မံ တောင်းဆိုရခြင်းဖြစ်သည်ဟုလည်း ဦးကြည်ဝင်းက ပြောသည်။

အယူခံလွှာတွင် ဒေါ်အောင်ဆန်းစုကြည်က သူ့ကို ပုဒ်မ ၁၀(ခ) အရ အရေးယူထားသည်မှာ ဥပဒေ နှင့် ညီမညီ၊ အရေးယူထားသည့်ကာလမှာ ဥပဒေနှင့် ညီမညီ၊ အတူနေ ဒေါ်ခင်ခင်ဝင်း သားအမိ အနေနှင့် တားဆီးမိန့် အကျုံး ၀င် မ၀င်၊ ကျန်းမာရေးနှင့် ပတ်သက်၍ မိသားစု ဆရာဝန်နှင့် ပုံမှန်ဆေးစစ်ခွင့်၊ ရှေ့နေ ဦးကြည်ဝင်း အတွက် လက်ထောက်ရှေ့နေ ထပ်မံငှားရမ်းခြင်း စသည့် အချက်များ ပါဝင်ကြောင်း သိရသည်။

ဦးကြည်ဝင်းက ဆက်လက်ပြီး ဒေါ်အောင်ဆန်းစုကြည်သည် လာမည့် ၂၀၀၉ မေလ တွင် အကျယ်ချုပ်သက်တမ်း ကုန်ဆုံးမည် ဖြစ်သောကြောင့် ၎င်းအား ယခုလတ်တလော ပြန်လွှတ်ပေးမည်ဆိုပါလျှင် အစိုးရအပါအ၀င်အားလုံး အတွက် ကောင်းမွန်သည့် လုပ်ရပ်တခုဖြစ်ကြောင်း ပြောဆိုသည်။

“ဒေါ်စုကို ပြန်လွှတ်မယ်လိုလိုလည်း ကြားတယ်၊ ဖြစ်နိုင်တာက အခုအရေးယူထားတဲ့ နိုင်ငံတော်အား နှောင့် ယှက် ဖျက်ဆီးလိုသူများ ဘေးအန္တရာယ်မှ ကာကွယ်စောင့်ရှောက်သည့် ဥပဒေနဲ့ပတ်သက် ပြီး ပုဒ်မ ၁၆ မှာ ပြဌာန်းထားတာကတော့ ရက်ပေါင်း ၆၀ မှာ အနည်းဆုံးတကြိမ် ပြန်လည်ပြီးတော့ တားဆီးထားတာတို့ကန့်သတ် ထားတာတို့ကို ပြန်သုံးသပ်တာ၊ သုံးသပ်ပြီးတော့ အချုပ်အချာ အာဏာ၊ နိုင်ငံတော်ရဲ့လုံခြုံ ရေး၊ ဒါတွေပေါ်မှာ ဘာမှအန္တရာယ် မရှိတော့ဘူးဆိုရင်၊ လွှတ်ပေးမယ်၊ သူတို့ အဲဒီ ပုဒ်မကို ကျင့်သုံးပြီးလွှတ်လိုက် ရင် ကျနော်တို့ တောင် လျှောက်လှဲချက်တွေ ဘာတွေ လုပ်စရာ မလိုဘူး”ဟု ၎င်းက ဆိုသည်။

ဒေါ်အောင်ဆန်းစုကြည် သည် ၂၀၀၃ ခုနှစ် မေလ တွင် ဖြစ်ပွားခဲ့သော ဒီပဲယင်းအကြမ်းဖက်တိုက်ခိုက်မှုအပြီးမှ စတင်၍ နေအိမ် အကျယ်ချုပ်ဖြင့် အထိန်းသိမ်းခံနေရသည်မှာ ၅ နှစ်ပြည့်ပြီ ဖြစ်သော်လည်း စစ်အစိုးရက ၂၀၀၈ ခု နှစ် မေလတွင် အကျယ်ချုပ်သက်တမ်း ထပ်မံတိုးခဲ့သည်။ ၁၉၈၉ ခုနှစ်မှစ၍ နေအိမ်အကျယ်ချုပ်ဘ၀ဖြင့်နေရ ချိန် စုစုပေါင်း ၁၃ နှစ် ရှိပြီ ဖြစ်သည်။
(ဧရာဝတီ မှထပ်ဆင့်ဖော်ပြ)

၆၁နှစ်မြောက် လွတ်လပ်ရေးနေ့ အခမ်းအနားပီနန်းတွင် ကျင်းပ


ဇန္န၀ါရီလ ၄ ရက် ၂၀၀၉ နေ့နံနက်၌ ၆၁နှစ်မြောက်လွတ်လပ်ရေးနေ့ အထိမ်းအမှတ်ဟောပြောပွဲ အခမ်းအနားကို မလေးရှားနိုင်ငံ ပီနန်းမြို့ မြန်မာဘုန်းကြီးကျောင်းတွင် NLD(YOUTH-LA) MALAYSIA မှ ဦးဆောင် ကျင်းပခဲ့သည်။
အခမ်းအနား၌ လွတ်လပ်ရေးအနှစ်သာရ နှင့် ခက်ခဲစွာရယူခဲ့ရသည့် လွတ်လပ်ရေးကြိုးပမ်းမှုများအကြောင်းကို ဆွေးနွေးဟောပြောခဲ့ပြီး လက်ရှိ ဒီမိုကရေစီတိုက်ပွဲကိုလည်း အခက်အခဲကြားမှ အောင်မြင်အောင် ဆောင်ရွက် သင့်ကြောင်း ဆွေးနွေးဟောပြောခဲ့ကြသည်။

05 January, 2009

အာရှတန်ဖိုးထဲက သူရဲကောင်းများ


“ကမ္ဘာကြီးဟာ ဥရောပမှာပဲရှိတာပါ”
ဒီစကားကြားတော့ ၁၉၉၇ အာရှစီးပွားရေးပျက်ကပ်ကို ချက်ချင်း သတိရမိလိုက်တယ်။ မှတ်မှတ်ရရ မြန်မာ၊ ကမ္ဘောဒီးယားနဲ့ လာအိုကို အာစီယံဝင်ခွင့်လက်ခံပြီးခါစ ပူပူနွေးနွေးပဲရှိသေးတယ်။
စင်္ကာပူ၊ မလေးရှား၊ တရုတ်တို့လို အတော်အသင့်တိုးတက်လာတဲ့နိုင်ငံတွေနဲ့အတူ အာရှကျားနဲ့ အာရှတန်ဖိုး ဆိုတဲ့ စကားလုံးသစ်တွေ ပေါ်လာခဲ့တယ်။ အာရှတန်ဖိုးကို အကြီးအကျယ် ဝေဖန်တဲ့ အိန္ဒိယနွယ်ဖွား စီးပွားရေး ပညာရှင် အမာတီယာဆန် (Amartya Sen)က အာရှတန်ဖိုးဆိုတာ လွတ်လပ်မှုထက် အမိန့်ပေးတာ စည်းကမ်း ကန့်သတ်ချက် ဘောင်တွေက ပိုပြီးအလေးသာနေတာ ဖြစ်တယ်လို့ ထောက်ပြခဲ့တယ်။ တကယ်တော့ လူထု လှုပ်ရှားမှုတွေ ဆက်တိုက် ဖြစ်လာမှာစိုးလို့ အာရှတိုက်က အာဏာရှင်ပေါက်စတွေ ကျောချင်း ကပ်လိုက်တာပါ။
ဒီမိုကရေစီဆိုတာ အနောက်နိုင်ငံက တင်ပို့တဲ့ကုန်ပစ္စည်းလို တန်ဖိုးချပြစ်တင်ရင်း ဒီစနစ်ကြောင့် နိုင်ငံတော် တည်ငြိမ်ရေးနဲ့ တိုးတက်မှု ကိုပဲ ထိခိုက်တော့မယောင် အသံကျယ်ဆုံး ဟစ်ခဲ့ကြပြီး အာရှတန်ဖိုး ကြွေးကြော် နေကြသူတွေ ကိုယ်တိုင်က ခေတ်မီနည်းပညာတွေ ကိုတော့ လက်ခံပြီး အာဏာရဲ့ဒေါက်တိုင်အဖြစ် အသုံးချ နိုင်ခဲ့ကြတယ်။ ဒါပေမယ့် အင်တာနက်လို လူထုကြားမှာ တွင်ကျယ်လာမယ့် ဆက်သွယ်ရေးကွန်ရက်ကိုတော့ သုံးစွဲမှာကိုတော့ စိုးရိမ်ကြပြန် တယ်။
၁၉၉၇ ခုနှစ်မှာတော့ အာရှတန်ဖိုးဆိုတာ ဘာမှအသုံးမ၀င်တော့ကြောင်း အာရှဘဏ္ဍာရေးစနစ် အကျပ် အတည်းက သက်သေပြ လိုက်တယ်။ အာရှတန်ဖိုးကို ကိုယ်ထင်ပြတဲ့အထဲမှာ တရုတ်ပြည် လဲပါလာခဲ့တယ်။ တရုတ်အစိုးရဟာ ၁၉၈၉ခုနှစ် တိအန်ယင်မင် ရင်ပြင်မှာ ကျောင်းသားတွေက အတိအလင်း စိန်ခေါ်ခံလိုက်ရလို့ပါပဲ။
ရှစ်လေးလုံးအရေးအခင်းကို အစပြုခဲ့တဲ့ ရန်ကုန်တက္ကသိုလ် အဓိပတိလမ်းမပေါ်က မြန်မာ ကျောင်းသားတွေရဲ့ကြွေးကြော်သံဟာ ရန်ကုန်တက္ကသိုလ်ကိုဗဟိုပြုပြီး တရုတ်ပြည်ကို ရိုက်ခတ်ခဲ့တယ်။ ထိုင်းနိုင်ငံကို အဖျားခတ်တယ်။ အင်ဒိုနီးရှားက ဆူဟာတိုကို အိပ်မက် ဆိုးတွေ မက်စေခဲ့တယ်။ အရှေ့တီမောကို နိုးကြားလာစေခဲ့တယ်။ အာရှတိုက်ကို တုန်လှုပ်သွားစေခဲ့တယ်။
တရုတ်ပြည်ရဲ့ ထိပ်တန်းကျောင်းသားခေါင်းဆောင် ၀မ်တန်းကို မြန်မာကျောင်းသား ခေါင်းဆောင် ကိုမိုးသီးဇွန်က “ခင်ဗျားတို့ တရုတ် ကျောင်းသား လှုပ်ရှားမှုဟာ ရုရှားက မီခေး ဂေါဘာချော့ဗ် (Mikhail Gorbachev) လာလည်တာရဲ့ ဂယက်ကြောင့်လား”လို့ မေးတော့ သူက “မဟုတ်ပါဘူး၊ မြန်မာကျောင်းသား လှုပ်ရှားမှုကြီးက သူတို့ကိုစွဲဆောင်လိုက်တာပါ” လို့ ဖြေခဲ့ဖူးတယ်။
၁၉၈၉ တရုတ်ပြည်ဒီမိုကရေစီအရေးတော်ပုံဖြစ်တော့ ( glutter.com )ကိုရေးတဲ့ blogger ယန် ရှမ် ရှက်ကယ်တွန် (Yan Sham-Shackeltom) ဟာ အသက် ၁၅နှစ်အရွယ်ပဲရှိပါသေးတယ်။ သူရေးတဲ့ Glutter ဆိုတဲ့ အဓိပ္ပါယ်ကတော့ “ကျောက်တောင်” ဆိုတဲ့ အဓိပ္ပါယ်ပါပဲ။ သီချင်းသံပြိုင် ဟစ်ကြွေးသံတွေကြားက အော်ဟစ်သံတွေ၊ တင့်ကားနဲ့ နံရံတိုက်ဖြိုသံတွေ ကြားနေရင်း သူ့ခေါင်းပေါ်မှာ ကျောက်တောင်ကြီးတစ်ခု ပေါ်ထွန်းလာသလိုခံစားလိုက်ရတယ်။
အခုအချိန် ပေါ်ထွန်းခြင်း မဟုတ်ခဲ့လျှင်သော်မှ များမကြာမီ နောက်ပိုင်း ကာလတွင် ပေါ်ပေါက်လာခဲ့ခြင်း ဖြစ်ပါလိမ့်မည်။ ကမ္ဘာကြီးနှင့်ပတ်သက်၍ အတွေ့အကြုံမရှိသေးဟု ဆိုနိုင်သည့် မိန်ကလေးသည် သံသယစိုးစဉ်းမျှမရှိဘဲ ဤသို့ ကတိကိုပြုခဲ့လေသည်။

“ငါ သူတို့ကို လုံးဝမမေ့ဘူး
ငါသူတို့ လုပ်ရပ်တွေကို အမြဲတမ်းအမှတ်ရနေမယ်
ငါ့ဘ၀ကို ပိုတိုးတက်ကောင်းမွန်အောင် တည်ဆောက်မယ်
အားလုံးအတွက် ငါဆက်လုပ်ပေးမယ်
ငါက အသက်ရှင်ကျန်ရစ်ပြီး သူတို့အသက်မရှင်နိုင်ကြဘူး
ဒီလိုအဖြစ်မျိုး နောက်ထပ်မဖြစ်စေရဘူး
တီယင်အန်မင် ရင်ပြင်က ကျောင်းသားတွေကိုယ်စား ငါ ကမ္ဘာကိုဆက်ပြီး နှိုးဆော်အသိပေးမယ်”
သူတို့ဟာ ငါရဲ့ အစ်ကို၊ အစ်မ၊ သူရဲကောင်းတွေဖြစ်တယ်

( glutter.com ကိုရေးတဲ့ blogger ယန် ရှမ် ရှက်ကယ်တွန် (Yan Sham-Shackeltom)သည် တရုတ်ပြည်နိုင်ငံရေးနှင့် ဟောင်ကောင် ဒီမိုကရေစီထွန်းကားရေးအတွက် ရဲဝံ့စွာရေးသားနေသူတစ်ဦး ဖြစ်သည်)

01 January, 2009

ဒေါ်အောင်ဆန်းစုကြည်လွတ်ပေးရန် NLD လူငယ်များဆန္ဒပြတောင်းဆို






.....ဒီဇဘာင်္လ ၃၀ရက်နေ့ နေ့လည် ၂ နာရီခန့်က ရန်ကုန်မြေနီကုန်းတွင်NLD အဖွဲ့ဝင် ၉ ဦး ဒေါ်အောင်ဆန်းစုကြည် လွတ်ပေးရေး ပိုစတာများကိုင်ဆောင်လျက် လမ်းလျှောက်ဆန္ဒပြကြကြောင်း၊ လမ်းလျှောက် ဆန္ဒပြခဲ့သည့် အန်အယ်လ်ဒီလူငယ်များမှာ ကိုထွန်းထွန်းဝင်း (စမ်းချောင်းမြို့နယ်) မထက်ထက်ဦးဝေ (ရွှေပြည်သာမြို့နယ်)၊ ရဲနီဦး၊ ပြေပြေ၊ အောင်ဖြိုးဝေ၊ မင်းသိန်း၊ ၀င်မြင့်မောင် (ခ) ပဲပြုတ်၊ ကောင်းထက်နိုင်နှင့် သက်မောင်ထွန်းတို့ဖြစ်သည်ဟု အေအေပီပီက ထုတ်ပြန်ထားသည်။
မျက်မြင်သက်သေအချို့၏ ပြောဆိုချက်အရ အဆိုပါလမ်းလျှောက်ဆန္ဒပြသူများသည် အန်အယ်လ်ဒီရုံးရှေ့မှ စတင်ထွက်ခွာပြီး ဒဂုံစင်တာရှေ့မှ ဖြတ်ကာ စမ်းချောင်း လွှတ်တော်သို့ အသွား အဖမ်းခံရခြင်းဖြစ်သည်။
ဟင်္သာ

Followers

Blog Archive