22 September, 2009

သမီးဆန္ဒအတိုင်း အမျှ မဝေသေးဘူး

(ဧရာဝတီမှကူးယူသည်)

၁၉၈၈ ခုနှစ် ဒီမိုကရေစီရရှိရေး လူထု လှုပ်ရှားမှုကြီးကို မြန်မာ့ တပ်မတော်က အကြမ်းဖက် ပစ်ခတ် ဖြိုခွင်းခဲ့သောကြောင့် ဆန္ဒပြသူများ ထောင်နှင့်ချီ၍ သေဆုံးခဲ့ရသူ ရှိခဲ့သည်။

ထိုစဉ်ကဖြစ်ရပ်တချို့နှင့် ပတ်သက်သည့် ဓာတ်ပုံ မှတ်တမ်းများထဲတွင် အာဏာ သိမ်းပြီး နောက်တနေ့ ဖြစ်သော စက်တင်ဘာ ၁၉ ရက်နေ့ ပစ်ခတ်မှုများကြောင့် သေဆုံးခဲ့သူ ဆန္ဒပြကျောင်းသူ မ၀င်းမော်ဦး၏ ဓာတ်ပုံမှာ အထင်ရှားဆုံး ဓာတ်ပုံများထဲတွင် ပါဝင်သည်။

စစ်အာဏာသိမ်းခဲ့သည့် ၁၉၈၈ ခုနှစ် စက်တင်ဘာလ ၁၈ ရက်နေ့က သေနတ်မှန်ထားသော မဝင်းမော်ဦးကို သယ်ယူပြေးလွှားနေသည့် ဒေါက်တာ စောလွင်နှင့် ဒေါက်တာ မင်းသိန်း မ၀င်းမော်ဦး၏ ဖခင်ဖြစ်သူ ဦးဝင်းကြူအား ဧရာဝတီ သတင်းထောက် ဇာနည်မာန်က ဆက်သွယ်ပြီး သမီးဖြစ်သူ ဆန္ဒပြရာတွင် ပါဝင်ခဲ့ပုံ၊ သူနှင့် သူငယ်ချင်းတချို့ ဒဏ်ရာရ သေဆုံးခဲ့ပုံ၊ မိသားစု၏ ခံယူချက် စသည်တို့ကို မေးမြန်းထားပါသည်။

မေး ။ ။ မ၀င်းမော်ဦးအတွက် နှစ်ပတ်လည် ဆွမ်းကပ်တယ်လို့ သိရပါတယ်။ အေးအေးချမ်းချမ်း လုပ်ခွင့် ရခဲ့ပါသလား။

ဖြေ ။ ။ ကောင်းကောင်းမွန်မွန်တော့ လုပ်ခွင့်ရပါတယ်။ သူတို့ အဖွဲ့အစည်း ဘာညာတော့ ဘေးပတ်ဝန်းကျင်မှာ ရှိတော့ရှိတာပေါ့။ ဒါပေမယ့်လို့ သူတို့ဘာသာ သူတို့ နေကြတာပါ။ နှောင့်ယှက်တာ ဘာညာတော့ မရှိဘူးပေါ့။ နှစ်တိုင်းနှစ်တိုင်း ကျနော်တို့ လုပ်ခဲ့တဲ့အခါမှာလည်း ဘာပြဿနာမှ မရှိခဲ့ပါဘူး။ မရှိဘူး ဆိုတာကလည်း ကိုယ့်ဆီလာတဲ့ မိတ်ဆွေ အပေါင်းအသင်းတွေကလည်း သမီးကို ဂုဏ်ပြုတဲ့ အနေနဲ့ လာလာပြီးတော့ ဒီလိုပဲ ငြိမ်းငြိမ်းချမ်းချမ်း ပြောကြ ဆိုကြတာလေ။

မေး ။ ။ နှစ်တိုင်း ဆွမ်းကပ်ပေမယ့် မ၀င်းမော်ဦး မှာခဲ့တဲ့ စကားတခွန်းကြောင့် ဦးတို့ အခုချိန်ထိ သူ့အတွက် အမျှမဝေဘူး ဆိုတာ သိရပါတယ်ရှင့်။

ဖြေ ။ ။ ဟုတ်ပါတယ်။ အဲဒီတုန်းက သမီးက ဗိုလ်ချုပ်ပုံလေး ကိုင်ပြီးတော့ ဒူးလေး ထောက်နေတော့ သူငယ်ချင်းတွေက ၀ပ်ခိုင်းတာမှာ သမီးက ပြောတယ် တဲ့၊ ငါ မ၀ပ်ဘူး၊ မ၀ပ်ဘူး။ ငါတို့ ဒီမိုကရေစီ မရမချင်း၊ ငါတို့ တခုခု ဖြစ်သွားသည့် တိုင်အောင်တောင်မှ ငါတို့ နာမည်ခေါ်ပြီး အမျှမဝေပါနဲ့ဦး ငါတို့ ဆက်ပြီးတော့ တိုက်ပွဲဝင်နေဦးမယ် တဲ့၊ အဲဒီလို ပြောခဲ့တယ် တဲ့၊ အဲဒီလိုပဲ သူ့သူငယ်ချင်းတွေ ဆီကနေ ကျနော်တို့က ကြားခဲ့ရတယ်။ ကျနော်တို့ မိဘတွေ အနေနဲ့ သူတို့ တောင်းထားတဲ့ဟာ မရမချင်း၊ နောက် သူ့ဆန္ဒအရ ယနေ့အထိ ၂၁ နှစ် အထိတိုင်ကို သူ့နာမည် ခေါ်ပြီးတော့လည်း ကျနော် လုံးဝ သူ့အတွက် အမျှ မဝေဖူးသေးပါဘူး။ သူတို့ တောင့်တတဲ့ အနေအထား ရလာပြီ ဆိုမှသာလျှင် သူ့အတွက် သူ့နာမည်ကို အားရပါးရကြီး ခေါ်ပြီးတော့ ကျနော် အမျှဝေမယ်လို့ ဆုံးဖြတ်ထားပါတယ်။

မေး ။ ။ လွန်ခဲ့တဲ့ ၂၁ နှစ်က အဖြစ်အပျက်လေးကို ဦးမှတ်မိသလောက် ပြောပြပေးပါရှင်။

ဖြေ ။ ။ အဲဒါတွေက ဘယ်တော့မှ မမေ့ပါဘူး။ သူက မဟုတ်မခံစိတ် ရှိတယ်။ အဲဒီနေ့တုန်းက မနက်ပိုင်းက သူ့ကို ကျနော်တို့ မိဘတွေကလည်း တားတာပေါ့။ အဘိုးတွေ အဘွားတွေကလည်း တားတယ်။ သမီး ဒီနေ့က သိပ် အခြေအနေ ကောင်းမှာ မဟုတ်ဘူး၊ မသွားရင် ကောင်းမယ် ဆိုတော့ သူက ဘိုးဘိုးကြီး တဲ့ သမီးတို့က ကျောင်းမှာ ဆိုလို့ရှိရင် အမာခံတောင် မဟုတ်ဘူး တဲ့လေ၊ အသေခံပါ တဲ့။ အဲဒီတော့ သမီးတို့ မသွားလို့ မရဘူး၊ နောက်တော့လည်း သူက လူကြီးဖြစ်နေတဲ့ အတွက် မသွားလို့ မဖြစ်ဘူး။ သမီး သွားရမယ် တဲ့။ သွားရင်လည်း သမီး မျက်နှာပြရုံတင်ပါပဲ တဲ့။ ပြီးရင် သမီး ပြန်လာမယ် ဆိုပြီးတော့ ကျောင်းရောက်သွားတဲ့ အခါကျတော့ သူငယ်ချင်း အပေါင်းအသင်းတွေနဲ့ တွေ့တော့ ပြောကြ ဆိုကြရင်းနဲ့ သူလည်း စိတ်ဝင်စားပြီးတော့ ပါသွားတယ်ပေါ့။

ပါသွားတော့ အဲဒီအချိန်မှာ သူက ဗိုလ်ချုပ်ပုံ ကိုင်ထားတယ်။ အဲဒါနဲ့ သူပါသွားပြီး ချီတက်သွားကြတော့ အဲဒီက အပြန်၊ အပြန်မှာ မဟာဗန္ဓုလလမ်းအတိုင်း သူတို့ ၀င်တယ်။ ၀င်ပြီးတော့ ဘုရားလမ်းကျတော့ ပြန်ဆင်းတယ်။ ကုန်သည်လမ်းကနေ ပြန်ပတ်တဲ့အခါ အဲဒီ ထောင့်နားမှာ မီးပွိုင့်ရှိတယ်။ အဲဒီနားမှာ သူတို့ အပစ်ခံရတာ။

ပထမ သူတို့ စပစ်တဲ့ အချိန်တုန်းက အောက်ပိုင်းကို သူတို့ ပစ်တာပေါ့၊ ဒူးအောက်ပိုင်းကို သူတို့ ပစ်တာ။ အဲဒီမှာ သူက ဘယ်ခြေသလုံးကို အရင် ထိတယ်။ ပြီးတော့ နောက်တခါ ထပ်အပစ်မှာ ဘယ်ပေါင်ကိုပဲ ထပ်ထိတယ်။ ဒူးကိုထိတော့ သူက ဓာတ်ပုံနဲ့ ကိုင်ပြီးတော့ ခွေကျသွားတယ်။

သမီးနဲ့ အတူတူ ချီတက်တဲ့ ကလေးတွေက ပြောပြတယ်။ သူခွေကျသွားတော့ သူ့ဘေးနားက သူငယ်ချင်းက “ဟဲ့ ၀င်းမော်ဦး ၀ပ်၊ ၀င်းမော်ဦး ၀ပ်” ဆိုတော့ သူက ဗိုလ်ချုပ်ပုံ ကိုင်ထားတဲ့ အတွက် ငါ ၀ပ်လိုက်လို့ရှိရင် ဗိုလ်ချုပ်ပုံ ကျမယ်။ အဲဒီတော့ ဒို့အဖွဲ့ပါ ကျမယ် ဆိုပြီးတော့ သူက မ၀ပ်ဘဲနဲ့ နောက်တခါ ထပ်အပစ်မှာ ညာလက်မောင်းကို ၀င်ပြီးတော့ ဖောက်ပြီးတော့ ရင်ထဲကို ၀င်သွားတာ တဲ့။

နောက် ၁၂ နာရီ ခွဲလောက်တော့မှ လိုက်ကယ်တဲ့ ဆရာဝန်တွေက သူ့ကိုတွေ့တော့ “ဦး သမီးကို ကယ်ပါ” ဆိုပြီးတော့ သမီးက ပြောတယ်တဲ့။ ပြောတော့ အခု ဓာတ်ပုံထဲမှာ ပါလာတဲ့ မ နေတဲ့ ဆရာဝန်က ကျနော့်ဆီ ရောက်လာပြီးတော့ ပြောပြတာ။

သူ့ကို တွေ့တဲ့ အချိန်တုန်းက သူ အသက်ရှိသေးတယ်။ ဒီလိုဒီလိုပဲ ကျနော့်ကို ကယ်ပါ ဆိုပြီးတော့ ပြောတယ် ဆိုပြီးတော့ပေါ့။ အဲဒါနဲ့ ဆေးရုံရောက်တဲ့ အထိ သူတို့လည်း ပို့ပေးကြပါတယ်။ ဆေးရုံရောက်တော့လည်း ဆေးရုံက ကျနော့်ဆီ ဖုန်းဆက်တယ်။ ဖုန်းဆက်တော့ ဖုန်းနံပါတ်တွေ ဘာတွေကျတော့လည်း သူကိုယ်တိုင်ပဲ ပေးတာ တဲ့။ အဲဒီတော့ ကျနော့်ဆီ ဖုန်းရောက်တော့ နှစ်နာရီခွဲ၊ သုံးနာရီလောက်မှာ ကျနော်တို့လည်း ဘယ်လိုမှ သွားလို့ မရဘူး။ လမ်းတွေကလည်း အကုန်လုံး ပိတ်ကုန်တာ။ သံဆူးကြိုးတွေနဲ့ပိတ် ဘာညာနဲ့ အတားအဆီးတွေ ရှိနေတာ။

အဲဒါနဲ့ ကျနော်ရယ်၊ ကျနော့် ယောက်ဖရယ်၊ အကိုဝမ်းကွဲ တယောက်ရယ် ကျနော်တို့ သုံးယောက်က တယောက်က ဆိုင်ကယ်နဲ့ သွားတယ်။ ကျန်တဲ့ နှစ်ယောက်က စက်ဘီးနဲ့ သွားတယ်။ သံဆူးတွေ မ၊ တိုင်တွေဖယ်နဲ့ ဆေးရုံရောက်တော့ သုံးနာရီခွဲ၊ လေးနာရီ မတ်တင်းလောက် ရှိပြီ။ သူ့ကို လိုက်ရှာတော့ 3-4 ward မှာ တင်ထားတယ် ဆိုတော့ ကျနော်တို့က အဲဒီကို သွားရှာတာ မတွေ့ဘူး။ အဲဒီတော့ ဆေးရုံက ဒိပြင် ward တွေမှာ သွားရှာတော့ အဲဒီတွေမှာလည်း မရှိဘူး။ အဲဒီတော့ ဒါဆို အရေးပေါ်ဌာနကို ထပ်မေးဦးမယ် ဆိုပြီး သွားမေးတော့ သူ့ကို ခွဲစိတ်ပေးတဲ့ ဆရာဝန်နဲ့ သွားတွေ့တယ်။ သူက အသည်းအသန်အခန်းထဲမှာ ရှိပါတယ်၊ ကျနော် ကိုယ်တိုင် တင်ခဲ့တာပါ ဆိုတော့မှ ကျနော်က 3-4 ward ကို ပြန်သွားပြီးတော့ အသည်းအသန်အခန်းထဲကို သွားကြည့်တော့မှ သမီးကို ကျနော်တို့ တွေ့ရတယ်။

ရောက်သွားတဲ့အချိန်မှာ သမီးကို မြင်လိုက်ရတော့ စိတ်ထဲ တမျိုးကြီး၊ ဇဝေဇ၀ါဖြစ်သွားတယ်။ ပါးစပ်မှာလည်း အောက်စီဂျင်တွေ ပေးထားတယ်။ ခွဲစိတ်ထားတော့ သူ သတိမရသေးဘူး။ အဲလိုနဲ့ပဲ အဲဒီ ညနေမှာပဲ သူဆုံးသွားတာ။ ကျနော်တို့နဲ့လည်း စကား မပြောလိုက်ရဘူး။ သူဆုံးတဲ့အထိကို ကျနော်တို့ မိဘတွေ ဘယ်သူတွေ ဘယ်ဝါတွေ လာတယ် ဆိုတာ မသိသွားလိုက်ရရှာဘူး။ သူက ၁၉၇၂ ခု အောက်တိုဘာ ၁၅ ရက်နေ့မှာ မွေးတာ။ သူဆုံးတုန်းက ၁၆ နှစ်ပေါ့။ သူသာ ရှိနေသေးရင် အခု ၃၇ နှစ်ပေါ့။ အိမ်ရောက်တော့ သူ့မအေ သူ့အဘွားတွေက ၀ိုင်းမေးကြတာ။ မပြောရက်ပေမယ့် မပြောလည်း မဖြစ်ဆိုတော့ အကျိုးအကြောင်း ပြောရတာပေါ့။ စိတ်မကောင်းတာက လွဲလို့ ဘာတတ်နိုင်မလဲနော်။

သူ့ကျောင်း အလက (၄) ကြည့်မြင်တိုင်ကျောင်းက ချီတက်တဲ့သူတွေထဲက ၁၇ ယောက် ထိတယ်။ အဲဒီထဲမှာ ၃ ယောက်က သေသွားတယ်။ ယောင်္ကျားလေး နှစ်ယောက်ရယ် သမီးရယ်ပေါ့။ ယောင်္ကျားလေး နှစ်ယောက်မှာ တယောက်ဆိုရင် ၁၅ နှစ်ပဲ ရှိသေးတယ်။ သူတို့နှစ်ယောက်ကတော့ နေရာမှာတင် သေသွားကြတာ။ အဲဒီတုန်းက ဆေးရုံမှာ ဒဏ်ရာရတဲ့သူတွေ ဆိုတာလည်း အများကြီး ဖြစ်နေတာပေါ့။ ကလေးတွေ နာလို့ အော်ကြဘာကြနဲ့ ဒါပေမယ့် ကိုယ့်ဘာသာကိုယ် သမီးဇောက ရှိနေတော့ ကျန်တာတွေ ဘာမှ အလေးမထားမိတော့ဘူး။

မေး။ ။ ဒဏ်ရာရနေတဲ့ မ၀င်းမော်ဦးကို ဆရာဝန်နှစ်ယောက်က သယ်လာတဲ့ပုံကို မြင်လိုက်ရတော့ ဦး ဘယ်လိုခံစားရလဲဆိုတာလေး ပြောပြပေးပါလားရှင်။

ဖြေ။ ။ ဘယ်လိုပြောရမလဲ။ အဲဒီပုံလေးက … စိတ်မကောင်းဘူးဗျာ …။ သမီးကတော့ သူ့ကံကိုက ဒီလိုပဲ ပါလာတာ။ ဒီလောက်အသက်အရွယ်ပဲ နေရမယ်လို့ ဖြစ်လာတာပဲ ဆိုတော့လေ။ ကျနော်ကတော့ သမီးအတွက် ဂုဏ်ယူပါတယ်။ ကျနော့်အမေ၊ သမီးရဲ့အဘွား ဆိုရင်လည်း အခု ၈၆ နှစ်ရှိနေပြီ။ အမေက ဟိုးအရင်က ဖဆပလတို့ ပမညတ တို့မှာသူက လှုပ်ရှားခဲ့ဖူးပါတယ်။ သူ့ဘွားအေသွေး ပါလို့ပဲ ဒီလိုစိတ်ရှိလားတော့ မပြောတတ်ဘူး။ သူ့အဘွားကလေ ၂၀၀၇ တုန်းက သံဃာတွေနဲ့ လိုက်ပါသေးတယ်။ ကြည့်မြင်တိုင် ကမ်းနားဈေးကနေပြီးတော့ လမ်းလျှောက်လိုက်သွားတာ ကမ္ဘာအေး လမ်းဆုံအထိ လိုက်သွားသေးတာ။ အခုလည်း သမီးအတွက် သူပဲ ကမကထ လုပ်ပေးနေတာ။ ကျနော်တို့ကတော့ အခုအချိန်ထိ နိုင်ငံရေး ဘာညာလည်း နားလည်း မလည်ဘူး၊ ၀င်လည်း မပါခဲ့ဘူးပေါ့။

မေး။ ။ မ၀င်းမော်ဦးတို့ လက်ထက်ကတည်းက အခြေအနေတွေနဲ့ အခု လက်ရှိ ဖြစ်နေတဲ့ အခြေအနေတွေ အပေါ် ဘာများ ပြောချင်ပါသလဲရှင်။

ဖြေ။ ။ အခုလက်ရှိ မျိုးဆက်သစ်လေးတွေ ဆက်လက်ပြီးတော့လည်း သူတို့ တောင်းထားတဲ့၊ နောက်ပြီးတော့ ကျဆုံးသွားတဲ့သူတွေရဲ့ ဆန္ဒကို ဖြည့်ဆည်းပေးပါလို့ပဲ ကျနော်ပြောချင်ပါတယ်။

21 September, 2009

မြန်မာပြည်မှာ စစ်အာဏာရှင် သက်ဆိုးရှည်ရတဲ့ အကြောင်းရင်း

မြန်မာ ပြည်မှာ စစ်အာဏာသိမ်းတဲ့ ၁၉၆၂ က နေ ၁၉၇၄ အထိ ၁၂ နှစ်အတွင်း ကမ္ဘာပေါ်မှာ စစ်အာဏာ သိမ်းမှု ပေါင်း ၆၄ ခု ဖြစ်ပွါးခဲ့ပါတယ်။ အခုထက်ထိ သက်ဆိုးရှည်နေတာကတော့ ဗမာ စစ်အစိုးရtmPm/Sifနဲ့ လစ်ဗျားအာဏာရှင် အစိုးရတို့ ပါပဲ။ ဗမာစစ်တပ် အာဏာသိမ်းပုံဟာ ထိုင်း၊ အင်ဒိုနီးရှား၊ ဘင်္ဂလားဒေ့ရှ် ၊ပါကစ္စတန်၊ စစ်တပ် အာဏာသိမ်းပုံနဲ့ မတူပါဘူး။ဗမာ စစ်တပ်ဟာ အာဏာသိမ်းယုံသာ မဟုတ်ပါ စီးပွါးရေး ကိုပါ သိမ်းပိုက်ကာ အခွင့်ထူးခံ လူတန်းစားကို ဖန်တီးလိုိက်ပါတယ်။

ပြည်သူလူထုက မကျေနပ်လို့ ၁၉၈၈ မှာ တပြည်လုံးး ကန့်ကွက်ဆန္ဒပြတာကို စစ်တပ်က ပစ်သတ်လိုက်ပြီး စစ်တပ်ကြီးစိုးတဲ့ ဆိုရှယ်လစ်စနစ်ကို ဖျက်သိမ်းလိုက်ပါတယ်။ နောက်တော့ စစ်တပ်ကြီးစိုးတဲ့ အရင်းရှင် ဈေးကွက်ကို ဖန်တီးလိုက်ပါတယ်။ ဈေးကွက်စီးပွါးရေးမှာ ရာထူးအာဏာ အလွဲသုံးစားလုပ်တဲ့ စစ်ဗိုလ်တွေ မှိုလိုပေါက်ဘာတာမိုလို့ တရားမျှတပြီး သန့်ရှင်းတဲ့ နိုင်ငံရေးစနစ်ဟာ စစ်ဗိုလ် လူတန်းစားအတွက် အကျိုးရှိမှာ မဟုတ်ပါဘူး။ ဒါကြောင့် ပြုပြင်ရေး လုပ်ရမယ့်အစား ဆန္ဒပြသူတွေကို ပစ်သတ်နေတာပါ။ စစ်တပ်စည်းလုံး ညီညွတ်နေသမျှ ကာလပတ်လုံး အခြေခံပြောင်းလဲမှု ဘာမှဖြစ်မှာ မဟုတ်ပါဘူး။
အတိုက်အခံလောကနဲ့ နိုင်ငံခြားမှာပြောနေကြတဲ့ တွေ့ဆုံဆွေးနွေးရေးဟာ စစ်တပ်အတွက် ဘာမှ အကျိုး ရှိတာ မဟုတ်ပါဘူး၊ စစ်ဗိုလ်အချင်းချင်း မညီညွတ်ရင် နွားကွဲ ကျားကိုက်ဖြစ်သွားပြီး အာဏာလက်လွတ် ဖြစ်သွားမှာကိုသာ တွက်ပုံရပါတယ်။ စစ်အာဏာရှင်စနစ် သက်ဆိုးရှည်နေတာကို နိဂုံးချုပ်အောင် နိုင်ငံခြားက မလုပ်နိုင်ပါဘူး။ အာစီယံရဲ့ ပြုပြင်ပြောင်းလဲရေးလမ်းစဉ် မအောင်မြင်တာ ထင်ရှားပါတယ်။ မတရားတဲ့ စစ်အာဏာရှင်စနစ်ကို လက်မခံဘဲ ပြည်သူနဲ့လက်တွဲပြီး ဒီမိုကရေစီ ပြုပြင်ရေးလုပ်ချင်တဲ့ မျိုးဆက်သစ် စစ်ဗိုလ်လူတန်းစား ပေါ်ထွက်လာမှသာ မြန်မာပြည်မှာ အခြေခံ အပြောင်းအလဲ ဖြစ်နိုင်ပါတယ်။

စစ်အစုိုးရအာဏာ တည်မြဲအောင် ပြုသူတွေထဲမှာ စစ်ထောက်လှမ်းရေးက အဓိကပါ။ အင်အား ၄ သိန်း ကျော်ရှိတဲ့ စစ်တပ်ကို ချယ်လှယ်ရာမှာ စစ်တပ်ဟာ အလွန်အရေး ကြီးပါတယ်။ထောက်လှမ်းရေး အားကိုးနဲ့ နှိပ်စက်ညှင်းပန်းရာမှာ ဗိုလ်ချုပ်နေ၀င်းက တည်ထောင်ခဲ့တာ ဖြစ်ပြီး သူ့နေရာ ဆက်ခံတဲ့ စစ်ဗိုလ်တွေက်လည်း ဒါကို ဆက်သုံးနေပါတယ်။သာမန် ပြည်သူလူထုကို စောင့်ကြည့်ရုံတင်မကဘဲ ခေတ်အမြင်ရှိတဲ့ စစ်ဗိုလ်တွေ ကိုလည်း စောင့်ကြည့်ပါတယ်။ အမ်အိုင်-သတင်းပေး အင်ဖော်မာ တွေကို ပြည်ပရောက် မြန်မာ အသိုင်းအ၀ိုင်း အထဲအထိ လွှတ်ထားပါတယ်။ ဒါပေမယ့် ဗိုလ်နေ၀င်းရဲ့ လူရင်းတစ်စုကို အမ်အိုင်-ကအန္တရာယ်ပေး လာနိုင်တယ်လို့ ယူဆလာတဲ့ အတွက် အမ်အိုင် တင်ဦး ခေါင်းဆောင်တဲ့ ထောက်လှမ်းရေး တစ်ဖွဲ့လုံး ကို ၁၉၈၃မှာ ဖြူတ်ပစ် လိုက်ပါတယ်။
ထောက်လှမ်းရေး ယန္တယားကို ဗိုလ်ချုပ်ခင်ညွန့်က ပြန်လည်တည်ဆောက်ပါတယ်။ ၁၉၈၈ ပြည်သူ့ အရေးတော်ပုံကို ဖျက်ဆီးဖို့ ဗိုလ်ချုပ် ခင်ညွန့် ထောက်လှမ်းရေးက နည်းမျိုးစုံသုံးပြီး ကြိုးစားပါတယ်။ မင်းဆိုး မင်းညစ်ကို ပြည်သူတရပ်လုံးက ကန့်ကွက် ဆန္ဒပြတာ တခြားနိုင်ငံမှာဆိုရင် အာဏာရှင်အစိုးရ ပြုတ်ကျပြီး ပြည်သူ့အစိုးရတက်လာမှာ သေချာပါတယ်။ ဒါပေမယ့် ပြည်သူ့ဒေါသကြောင့် အသက်ငင်နေတဲ့ အာဏာရှင် စနစ်ကို ကယ်တင်ဖို့အတွက် စစ်တပ်ကအာဏာ သိမ်းလိုက်ပါတယ်။ စစ်အစိုးရသစ် လက်အောက်မှာ ထောက်လှမ်းရေး ဌာနကို ချဲ့ထွင်လိုက်ပါတယ်။ ဒါပေမယ့် ဗိုလ်ချုပ်ခင်ညွန့် ထောက်လှမ်းရေးဟာ အာဏာ ပြိုင်နိုင်တယ်လို့ ယူဆလာတဲ့အတွက် ဗိုလ်ချုပ်မှူးကြီး သန်းရွှေက ၂၀၀၄ မှာ ဖျက်သိမ်းပြီး စစ်လုံခြုံရေး ဌာနကို ဖွဲ့ စည်း လိုက်ပါ တယ်။


ဗိုလ်ချုပ်ခင်ညွန့်ထောက်လှမ်းရေးသာ ရှိဦးမယ်ဆိုရင် ၂၀၀၇ ပြည်သူ့ဆန္ဒပြပွဲ ပေါ်ပေါက်လာဖို့ ခက်ခဲ နိုင်တယ်လို့ သုံးသပ်နိုင် ပါတယ်။ ကြံ့ ခိုင် ဖွံ့ဖြိုးရေး အသင်းဟာလည်း စစ်အာဏာရှင်စနစ် သက်ဆိုးရှည် အောင်လုပ်တဲ့အဖွဲ့ဖြစ်ပါတယ်။ ဒေါ်အောင်ဆန်းစုကြည်ကို ဖမ်းဆီး ထိန်းသိမ်းပြီး အင်အယ်လ်ဒီ ခေါင်းဆာင်ပိုင်းမှာ သက်ကြီးရွယ်အိုတွေချည်း ကျန်ရှိနေအောင် ဖန်တီးပြီးတဲ့အခါမှာ စစ်အုပ်စုဟာ ကြံ့ဖွံ့ အသင်းကို စတင် တည်ထောင်ပါတယ်။ စစ်အစိုးရ လုပ်သမျှထောက်ခံဖို့ ဖွဲ့လိုက်တဲ့ အရပ်သား အသင်း ဖြစ်ပါတယ်။ မ၀င်မနေရလုပ်တဲ့ အတွက် ၂၀၀၅ ခုနှစ်မှာ သန်း ၂၀ ကျော်ရှိကြောင်း သိရပါတယ်။ နိုင်ငံရေး ကင်းတဲ့ လူမှုရေး အသင်းလို ဟန်ဆောင်နေပါတယ်။ ဒါပေမယ့် အန္တရာယ်မပေးနိုင်တဲ့ လူမှုရေး အသင်းလို့ ယူဆလို့ မရပါဘူး။ အစိုးရ မကြိုက်တဲ့ အရပ်သား အသင်းအဖွဲ့ တွေကိုအကြမ်းဖက် ဖြိုခွင်းဖို့ ကြံစည်ဖွဲ့စည်း ထားတဲ့ နာဇီ ဂျာမဏီက ရှပ်ညိုအဖွဲ့ (လောင်းရှပ်အသင်း)နဲ့ တူတယ်လို့ ဒေါ်အောင်ဆန်းစုကြည်က မှတ်ချက်ချ ပြောဖူးပါတယ်။ အင်အယ်လ်ဒီပါတီတွေနဲ့ ပါတီမိတ်ဆွေတွေကို မလုပ်ရဲမကိုင်ရဲဖြစ်သွားရောင် ခြိမ်းခြာက် အကြမ်းဖက်တဲ့ အရပ်သား လူမိုက်အသင်း ပဲဖြစ်ပါတယ်။ ဒေါ်အောင်ဆန်းစုကြည်တို့အဖွဲ့ ကို မေလ ဒီပဲယင်းမှာ ၀ိုင်းရိုက်တာလဲ ကြံ့ဖွံ့ အဖွဲ့ ဝင်တွေပဲ ဖြစ်ပါတယ်။
ကြံ့ဖွံ့အသင်းတွေရဲ့ဦးတည်ချက်ထဲမှာ အတိုက်အခံတွေရဲ့ စီးပွါးရေး အခြေခံလုပ်ငန်းတွေကို လုံးပါးပါးပြီး ကွယ်ပျောက်သွား အောင်လုပ်ဖို့လဲ ပါပါတယ်။ဈေးကွက်စီးပွါးရေးမှာ ကြံ့ဖွံ့အသင်းက စီိးပွါးရေးတွေမှာ နေရာယူ ထားပါတယ်။ ကြံ့ဖွံ့ရဲ့စီးပွါးရေးလုပ်ငန်းကို ရန်ကုန်မြင့်ကုမ္ပဏီက တာဝန်ယူထားပါတယ်။ စီးပွါးရေး ဦိးပိုင်ကုမ္ပဏီက ချပေးတဲ့ လုပ်ငန်းတွေနဲ့ ကျောက်မျက်လုပ်ငန်းတွေကို အဓိက ထားပါတယ်။ ဘတ်စကားလိုင်း ၊ငါးလုပ်ငန်း၊ ဆန်စက်၊ အိမ်ခွန်၊မြေ အခွန် ကောက်ခံရေးတွေမှာလည်း ကြံ့ ဖွံ့ ပါဝင်ပါတယ်။ ကြံ့ ဖွံ့ထဲ ၀င်တဲ့ သူကသာ တိုးတက်ကြီးပွါးနိုင်သလို ဖြစ်နေပါတယ်။ ကြံ့ဖွံ့လူငယ်လဲရှိပါတယ်။ ပြည်သူတွေဟာ ဒေါ်အောင်ဆန်းစုကြည် တည်ထောင်တဲ့ပါတီကို ထောက်ခံချင်ပေမယ့် လောလောဆယ် ဘ၀ ရပ်တည်ရေး အတွက် ကြံ့ ဖွံ့ အသင်း နဲ့အဆင်ပြေအောင် ဆက်ဆံနေရပါတယ်။


ကြံ့ဖွံ့နာယက ကတော့ ဗိုလ်ချုပ်မှူးကြီး သန်းရွှေပါပဲ။ ကြံ့ဖွံ့ကို ပြည်သူ့စစ်အဖြစ်သုံးတာ ရှိသလို၊ ထောက်လှမ်းရေးအတွက် သုံးတာလဲ ရှိပါတယ်။ နိုင်ငံခြားနဲ့ ဆက်သွယ်တာလဲရှိပါတယ်။ ၂၀၀၀ ခုနှစ်မှာ ကြံ့ဖွံ့ အသင်းရဲ့ဥက္ကဌ ဗိုလ်ချုပ်ကြီးဝင်းမြင့်ကို တရုတ်ပြည်ကွန်မြူနစ်ပါတီက ဖိတ်ပါတယ်။ နောက် ၄နှစ် လောက်ကြာတော့ ဘေဂျင်းမှာ ကျင်းပတဲ့ ၃၅ နိုင်ငံက ၈၄ ပါတီ ညီလာခံကို ကြံ့ဖွံ့အသင်းတက်တာ တွေ့ရပါတယ်။ တိုကျိုနဲ့ အိန္ဒိယမှာကျင်းပတဲ့ အစီအစဉ်တွေမှာလည်း ကြံ့ဖွံ့ပါဝင်နေပါတယ်။ ဒေါ်အောင်ဆန်းစုကြည်ကို အနောက်တိုင်း ဒီမိုကရေစီ နိုင်ငံတွေက ထောက်ခံ အားပေး နေကြပေမယ့် အိန္ဒိယနဲ့ အရှေ့နိုင်ငံတွေကတော့ လက်ရှိအစိုးရနဲ့ပဲ စခန်းသွားချင် နေကြပါတယ်။ မြန်မာစစ် အစိုးရ ကလည်း တိုင်းရင်း သားတွေနဲ့ ပြန်လည်သင့်မြတ်ရေး ဆွေးနွေးဖို့ စိတ်ကူးနဲ့တောင်လက္ခဏာ မပြသေးပါဘူး။ စစ်တပ်ထဲမှာလည်း ဒီမိုကရေစီလိုလားတဲ့ အရိပ်လက္ခဏာ လည်းမတွေ့ ရသေးပါဘူး။ အာရှနိုင်ငံတွေမှာ ဒီမိုကရေစီ အရေးအတွက် အနစ်နာခံ လုပ်ကိုင်သွားကြတဲ့ ဒီမိုကရေစီမျိုးဆက်တွေ ရှိပါတယ်။
မြန်မာပြည်မှာ မျှော်လင့်နိုင်တာဟာ ၈၈ မျိုးဆက်ပါဘဲ။ မြန်မာ့အနာဂါတ်မှာ အင်အားစုတစ်စုအနေနဲ့ ပါဝင်မယ့် သူတွေဟာ ၈၈ မျိုးဆက်တွေပဲ ဖြစ်ပါတယ်။ သူတို့ အထဲက မျိုးဆက်ခေါင်းဆောင်တွေကို ဖမ်းဆီးလိုက်ရုံနဲ့ ဒီမိုကရေစီလှုပ်ရှားမှု ကွယ်ပျောက်သွားမှာ မဟုတ်ပါဘူး။ စစ်အစိုးရဟာ နိုင်ငံရေးပါတီတွေကို ဖျက်ဆီး နိုင်ပေမယ့် မျိုးဆက်တွေကိုတွေကိုတော့ ဘယ်လိုမှ ဖျက်ဆီးနိုင်မှာ မဟုတ်ပါကြောင်း တင်ပြလိုက်ပါတယ်။
ဘာတီး လင့်တနာ( ဆွီဒင် သတင်းစာ ဆရာ)
၁၅။၉။၀၉


ဦးအောင်ခင်၏စာအုပ်စင်ကဏ္ဍ ဗီအိုအေ သတင်းဌာနထုတ်လွှင့်ချက်မှ

19 September, 2009

ရွှေဝါရောင် တော်လှန်ရေးကို ဦးဆောင်သူ ဆရာတော် ဦးဂမ္ဘီရ (အသံဖိုင်)

အရှင်ဂမ္ဘီရ (ယပ်တောင်နှင့်)

ရွှေဝါရောင်တော်လှန်ရေးကို ပခုက္ကူမှသည် ကမ္ဘာ့သိဖြစ်အောင် ဦးဆောင်မှုပေးနိုင်ခဲ့သော ဆရာတော်ဦးဂမ္ဘီရက သံဃာထုကို ဘယ်လိုမှာကြားခဲ့ပါသလဲ။

ဆရာတော် ဦးဂမ္ဘီရ (အသံဖိုင်)



2nd Anniversary Saffron Revolution

Photobucket

ခွေးခေါင်း ပြောင်းပြန် ကပ်လိုက်သည်။



ရေးသူ- စစ်ငြိမ်းဒီရေ


ကိုလိုနီခေတ် မြန်မာ့လွတ်လပ်ရေး လှုပ်ရှားမှုသမိုင်းတွင် တို့ဗမာအစည်းအရုံးဝင် သခင်သိန်းမောင်ကြီး၏ “ခွေးခေါင်းပြောင်းပြန် ကပ်လိုက်သည်” ဟူသောဇာတ်လမ်းကို ပြန်ပြောင်း သတိရမိသည်။

ကိုလိုနီခေတ် မြန်မာပြည်၏ စာပို့စနစ်တွင် အင်္ဂလန်ပြည့်ရှင် ဂျော့ ဘုရင်၏ဓါတ်ပုံကို တံဆိပ်ခေါင်းအဖြစ် သုံးစွဲ ခဲ့ရဖူးသည်။ သခင်သိန်းမောင်ကြီးသည် စာအိတ် အမြောက်အများတွင် ဂျော့ ဘုရင်၏ ဓါတ်ပုံ တံဆိပ်ခေါင်းကို ပြောင်းပြန် ကပ်ပြီး စာအိတ် မျက်နှာပြင်ပေါ်၌ “ခွေးခေါင်း ပြောင်းပြန် ကပ်လိုက်သည်” ဟုဖော်ပြလျှက် သူ နေထိုင်ရာ နယ်မြို့လေး က စာတိုက်ပုံးထဲသို့ ထည့်ခဲ့ပါသည်။


စာတိုက်မှ ၀န်ထမ်းများသည် ထို စာအိတ်များကို မြင်တွေ့ရသော အခါ သက်ဆိုင်ရာ အာဏာပိုင်များထံ တင်ပြ ခဲ့ကြသည်။ ဂျော့ ဘုရင်မင်းမြတ်၏ ဓါတ်ပုံကိုလည်းစောက်ထိုး ကပ်ထားပြီး ပေးပို့ရမည့် လိပ်စာနေရာတွင် “ခွေးခေါင်း ပြောင်းပြန် ကပ်လိုက်သည်” ဟု ဖော်ပြထားသော စာပို့ တရားခံအား မည်သို့ ရှာဖွေရမည်ကို မစုံ စမ်းနိုင်ပဲ အကြီးအကျယ် အလုပ်ရှုပ်ကြတော့သည်။ ထိုအမှုသည် နယ်မြို့လေးမှ တဆင့် ဘုရင်ခံ ရုံးစိုက်ရာ ရန်ကုန်မြို့အထိ သတင်းပြန့်လေတော့သည်။
နေ့စဉ်ထုတ် သတင်းစာများ၊ ဂျာနယ်များတွင် ထိုသတင်းကို ဖော်ပြခဲ့သော အခါကိုလိုနီ အစိုးရသည် များစွာ အရှက်ကွဲပြီး ပြည်သူအပေါင်းတို့၏ ရယ်မောဟာသလုပ်ခြင်းကို ခံရတော့သည်။

ကိုလိုနီခေတ် ရန်ကုန် ပုလိပ်မင်းကြီးရုံးနှင့် စုံထောက်မင်းကြီး ဌာနတို့၏ အပြင်းအထန် ရှာဖွေ ထောက်လှမ်းမှု ကြောင့် နောက်ဆုံးတွင် သခင်သိန်းမောင်ကြီး၏ ကြိုးပမ်းမှုကို သိရှိသွားကြသည်။ သခင်သိန်းမောင်ကြီး တစ်ယောက် ဖမ်းဆီးထောင်ချခြင်းကို ခံခဲ့ရသော်လည်း ကိုလိုနီအစိုးရ၏ တရားရေးဌါနနှင့် ပြည်သူတို့၏ နူတ်ဖျား၌ “ခွေးခေါင်း ပြောင်းပြန် ကပ်လိုက်သည်” ဟူသော စကားလုံးသည်စွဲမြဲစွာ ကျန်ရစ်ခဲ့လေတော့သည်။
http://pyustate.com/မှကူးယူဖေါ်ပြသည်

17 September, 2009

မထင်ရှားတဲ့ မြန်မာရုပ်ရှင်မင်းသမီး


(The Purple Plain ဇာတ်ကားမှ “၀င်းမင်းသန်း” ၏ မြန်မာဆန်သည့် ဇာတ်ဝင်ခန်း)

အမှတ်တမဲ့ Youtube မှာတွေ့လိုက်ရတာကတော့ The Purple Plain ဆိုတဲ့ ရုပ်ရှင်ကားတစ်ကားရဲ့ ဇာတ်ဝင်ခန်းတစ်ခန်းပါ။
မင်းသား Gregory Peck-က ဒုတိယကမ္ဘာစစ်အတွင်း မြန်မာနိုင်ငံမှာ တာဝန်ကျနေတဲ့ တော်ဝင် လေတပ်မတော်က ကနေဒီယန်လူမျိုး လေယာဉ်မှူး Bill Forrester အဖြစ် သရုပ်ဆောင်ထားပြီး သူနဲ့မေတ္တာမျှမိတဲ့ မြန်မာလူမျိုး ဆရာမလေး Anna-အဖြစ် မြန်မာမင်းသမီး ၀င်းမင်းသန်းက သရုပ်ဆောင် ထားတာပါ။
Royal Air Force မှ တိုက်လေယာဉ်မှုး Bill Forrester (Gregory Peck ) က သူ၏ချစ်မြတ်နိုးလှစွာသော ဇနီးသည် သေဆုံးသွားတာကြောင့် အရူးတစ်ပိုင်း စိတ် ကယောက်ကယက်ဖြစ်နေရှာသူပါ။ ဘ၀မှာ သေဖို့စိတ်ကူးနဲ့ လူတစ်ယောက်ဟာ စစ်မြေပြင်ဖြစ်တဲ့ မြန်မာပြည်တွင်းကို သူ့လေယာဉ်ပျက်ကျပြီးနောက် ခရစ်ယာန် သူနာပြုဆရာမလေး Anna (၀င်းမင်းသန်း) နှင့်တွေ့ဆုံကြတဲ့ ပြန်လည်ရှင်သန်လာသော ချစ်ခြင်းမေတ္တာဖွဲ့ ဇာတ်လမ်းတစ်ပုဒ်ဖြစ်ပါတယ်။ ထူးခြားတာက နိုင်ငံခြား ဇာတ်ကားတစ်ကားမှာ မြန်မာဆန်ဆန် အမျိုးသမီးကို အင်္ဂလိပ်စကား လေယူလေသိမ်းကောင်းကောင်းနဲ့ သရုပ်ဆောင်ထားလို့ပါပဲ။

Hollywood ရုပ်ရှင်မင်းသမီးကြီး ၀င်းမင်းသန်းရဲ့ အကြောင်းကို wikimyanmar မှာလဲ ဖတ်ရှုလို့ရပါတယ်။

The Purple Plain (ခရမ်းရောင်လွင်ပြင်) အပိုင်း(၁)


The Purple Plain (ခရမ်းရောင်လွင်ပြင်) အပိုင်း(၂)


The Purple Plain (ခရမ်းရောင်လွင်ပြင်) အပိုင်း(၃)


The Purple Plain (ခရမ်းရောင်လွင်ပြင်) အပိုင်း(၄)


The Purple Plain (ခရမ်းရောင်လွင်ပြင်) အပိုင်း(၅)


The Purple Plain (ခရမ်းရောင်လွင်ပြင်) အပိုင်း(၆)


The Purple Plain (ခရမ်းရောင်လွင်ပြင်) အပိုင်း(၇)


The Purple Plain (ခရမ်းရောင်လွင်ပြင်) အပိုင်း(၈)


The Purple Plain (ခရမ်းရောင်လွင်ပြင်) အပိုင်း(၉)


The Purple Plain (ခရမ်းရောင်လွင်ပြင်) အပိုင်း(၁၀)



The Purple Plain (ခရမ်းရောင်လွင်ပြင်) (ဇာတ်သိမ်း)

15 September, 2009

နအဖ ဘာတွေ လုပ်နေလဲ ( သားဆွေ ရေးသည် )

( WE FIGHT WE WIN ဘလောဂ်မှ )
“ထို့ကြောင့်ဤသို့” ဆိုတဲ့ ဖြေရှင်းချက်တွေကို နအဖ စစ်အုပ်စု နေ့တိုင်းနီးပါး မရပ်မနား လုပ်ပေးနေရတယ်။တရုတ်ကို ဖားရတယ်၊ ကချင်ကို နားချရတယ်၊ ၀ ကို ကတိပေးရတယ်၊ ပြည်သူကို လိမ်နေရတယ်။ ကိုးကန့်ကို တိုက်လိုက်တာ လွယ်ပေမယ့် နောက်ပိုင်း ရှင်းရတာတွေက ပိုခက်နေတယ်။

- နအဖ စစ်ကောင်စီ ကြေညာချက် ၁/၂၀၀၉ ထုတ်ပြီး ရှင်းနေရတယ်။
Justify Full
- ကိုးကန့်ဒေသမှာ စိတ်ကြွဆေးပြားတွေ၊ စက်ရုံတွေ၊ လက်နက်မှောင်ခိုလုပ်ငန်းတွေ တွေ့ရှိရကြောင်း (အခုမှ) ထုတ်ပြောနေရတယ်။
ပီးခဲ့တဲ့လ အထိက အဲဒီဒေသမှာ ဘိန်းအစားထိုးလုပ်ငန်းတွေ အောင်မြင်နေကြောင်း မူးယစ်ဆေးဝါး ကင်းစင်ပပျောက်နေပြီဖြစ်ကြောင်း
ဒေသတည်ငြိမ်အေးချမ်းနေကြောင်း နအဖ ရေးခဲ့ပြောခဲ့သေးတယ်။ အခုမှ ဗြုန်းစားကြီး WY ဆေးပြားတွေ ဘိန်းတွေ ဆေးခြောက်တွေ M 21 - 22 တွေ ဘယ်ကထွက်လာလဲ။
- အခုလို ကိုးကန့်ဒေသမှာ မူးယစ်ဆေးဝါးကို အသည်းအသန်တိုက်ဖျက်နေပေမယ့် အိမ်နီးချင်းနိုင်ငံတွေ အနောက် အင်အားကြီးနိုင်ငံတွေက သတိမပြုမိတာ ပူးပေါင်းဆောင်ရွက်မှုမလုပ်ကြတဲ့အပေါ် နအဖ ၀မ်းနည်းနေကြောင်း လျှောက်ပြော လျှောက်ရေး လုပ်နေရတယ်။

- တရုတ်ပြည်ထဲပြေးဝင်သွားတဲ့ လူတွေကို ပြန်ပြီးလက်ခံဖို့နဲ့ နယ်စပ်ဒေသမှာ တည်ငြိမ်မှုရှိဖို့ တရုတ်အစိုးရကို ကတိတွေပေးနေရတယ်။
တရုတ်နွယ်ဖွား ကိုးကန့်တွေအပေါ် လူမျိုးတုံး စစ်ဆင်တာ မဟုတ်ကြောင်း တရုတ်ကြီး ကို ရှင်းပြတာ ရွှေနားတော်သွင်းတာ လုပ်နေရတယ်။
- ထွက်ပြေးသွားတဲ့ အရပ်သားတွေရဲ့ ပိုင်ဆိုင်မှုတွေကို စစ်တပ်က ယူငင်လုယက်နေလို့ ဖြေရှင်းချက်တွေ ထုတ်နေ ရတယ်။
ဘယ်တုန်းကဖမ်းထားမှန်းမသိ ဘယ်ကမှန်းမသိတဲ့ လူတွေက သူခိုးတံဆိပ် ကပ်ပေးပြီး တရားခံပြ လုပ် နေရတယ်။
ချင်းရွှေဟော်မှာ တရားခံတွေကိုဖမ်းချုပ်ထားကြောင်း ယခု ထောင်ဒဏ် ၂ နှစ်စီ ချလိုက်ကြောင်း စာလုံးမဲနဲ့ခေါင်းကြီးသတင်းတွေ ဖော်ပြနေရတယ်။
- အပစ်အခတ်ရပ်ဆဲထားတာ ကျိုးပေါက်သွားတာမဟုတ်ကြောင်းနဲ့ “၀” တွေ “ကချင်” တွေအပေါ် စစ်ရေးတိုက်ခိုက် ကျူးကျော်မှုတွေ လုပ်မှာမဟုတ်ကြောင်း ၃ ကြိမ်ထက်မနည်း ကတိတွေပေးနေရတယ်။ (၀ နယ်ကိုတော့ စစ်အင်အား ၃ သောင်းထက်မနည်း လက်နက်ကြီး လက်နက်ငယ်တွေနဲ့ ၀ိုင်းပတ်နေရာယူထားတယ်)

- သတင်းစာထဲမှာ “လောက်ကိုင်မှာသာတဲ့လ” လို “ကိုးကန့်ဒေသ ငြိမ်းချမ်းမြဲ - စိမ်းလန်းစိုပြည် စည်ကားဆဲ” လို ခေါင်းစဉ်မျိုးတွေနဲ့
အမြီးအမောက်မတည့်တဲ့ ဆောင်းပါးတွေ ရေးထည့်ပြီး တနိုင်ငံလုံးသိအောင် ၀ါဒဖြန့်နေရတယ်။

- နယ်ခြားစောင့်တပ်အသွင်ပြောင်းရေးလက်မခံလို့ အခုလို ဘိန်းပြပြီး စစ်ရေးအရ ဖြေရှင်းလိုက်တာ မဟုတ်ရ ပါကြောင်း မြောက်ပိုင်းက အပစ်အခတ် ရပ်ထားတဲ့အဖွဲ့ တွေကို လိုက်ရှင်းပြနေရတယ်။သူခိုးလူမိဖြစ်သွားလို့ ဘက်စုံ ရှင်း လင်းပွဲတွေ လုပ်နေရတယ်။
- မြန်မာပြည် တောင်ပိုင်းမှာ ကရင်တွေကို အပြုတ်တိုက်ဖို့ ငါးကြင်းဆီနဲ့ ငါးကြင်းကြော်နေတယ်။ ဒီကေဘီအေ ၀တ်စုံဝတ် သစ်ခုတ်သမား အယောင်ဆောင်ပြီး ကရင်တော်လှန်ရေးနယ်မြေထဲဝင် ကရင် ကရင် ခြင်း သတ်ခိုင်း နေတယ်။
ကရင် ကရင်ခြင်းသတ်ပြီး ပြန်လာတဲ့ ဒီကေဘီအေ တပ်မှုးကို သံလွင်မြစ်ထဲမှာဖျောင်ခဲ့ဘူးတယ်။

- လောလောဆယ် သတင်းပေါက်ကြားမှုဖြစ်ပွားသွားတဲ့အတွက် ထိုးစစ်ကို ခေတ္တရပ်ထားတယ်။ ကရင်အမျိုးသား အစည်းအရုံးဘက်က
ထိုးစစ်ဆင်လာတော့မယ့် သတင်းရလို့ ဖာပွန်-ကမာမောင်းလမ်းကို ဖြတ်တောက် ပိတ်ဆို့ ထားတယ်။ ဒီလမ်းက တပ်မဟာ ၅ ကို ထိုးစစ်ဆင်မယ်ဆိုရင် အရေးပါတဲ့လမ်းဖြစ်နေတယ် ဒီလမ်းကနေ ထောက်ပို့လုပ်ငန်းတွေသွားမယ်။ တိုက်မယ်ဆိုရင် တိုက်ပွဲကြီးတွေတော့ တိုက်မှာမဟုတ်။ မြောက်ပိုင်းအရေးက ပူပူနွေးနွေးရှိသေးတယ်။ မြောက်ပိုင်းမှာတပ်တွေ စုပုံအောထားရလို့ တိုက်မှာမဟုတ်ဘူးဆိုတဲ့ အမြင်မျိုးဖြစ်ပေါ် လာတဲ့ အချိန်ကို နအဖ စောင့်နေတယ်။ အလစ်အငိုက်မှာ တိုက်လိမ့်မယ်။

- ရှမ်းပြည်နယ် တောင်ပိုင်းမှာရှိတဲ့ တောင်ပိုင်း ၀ တပ်ဖွဲ့တွေကို ရန်စတာတွေလုပ်နေတယ်။ စစ်တပ်က လားဟူ ပြည်သူ့စစ် ယူနီဖောင်းဝတ်ပြီး ကင်းလှည့်တာ ရှာဖွေစစ်ဆေးတာတွေလုပ်နေတယ်။ ၀ တပ်ဖွဲ့တွေနဲ့ ပြဿနာ တက် ရင် စစ်တပ်က လားဟူ ဘက်ကနေ
ချက်ချင်းအားဖြည့်ပေးမယ်ပြောပြီး ၀ ကို တိုက်ဖို့ လားဟူကို မြှောက်ပေး နေ တယ်။ လားဟူ ပြည်သူ့စစ် တပ်ဖွဲ့မှာ လူအင်အာ ၄၀ ၀န်းကျင်ရှိတယ်။ စစ်တပ်က နောက်ထပ် လူအင်အား ၂၀ နဲ့ လက်နက်ခဲယမ်း တွေ ဖြည့် ထားတယ်။ လူ ၅၀ - ၆၀ လောက်နဲ့ ငါးစာ ချထားတာ ငါးမျှားချိတ်ကို ၀ တပ်ဖွဲ့ တွေ မမြင်ပါစေနဲ့လို့ နအဖ ဆုတောင်းနေတယ်။
- တောင်းပိုင်း ၀ တပ် ဖွဲ့ဟာ ၀ ပြည် တပ်မတော်ရဲ့ အသက်သွေးကြော တခုဖြစ်တယ်။ တရုတ်အစိုးရကို နအဖ က ကပ်နိုင်လို့ တရုတ်ပြည်က ၀ တွေ အပေါ် ဆေးဝါး ရိက္ခာ လက်နက်ခဲယမ်း မကူညီခဲ့ရင် တောင်ပိုင်းဝ နယ်က လိုအပ်ချက်တွေကို ထိုင်းနယ်ထဲကနေ ဖြည့်ဆည်းနိုင်တယ်။ တောင်ပိုင်း ၀ တပ်ဖွဲ့ဟာ ၀ အမျိုးသားတွေနဲ့ ၀ တပ်မတော် အတွက် Logistics ဖြစ်တယ်။ ဒါကြောင့် နအဖ က တောင်ပိုင်းဝ နယ် ထိုင်းနယ်စပ်တလျောက် မှာ အင်အားတိုးချဲ့ ချထားပြီး ဖြတ်တောက်ဖို့ ကြံနေတယ်။ ထိုးစစ်အရလဲ အရေးပါတယ်။ တောင်ပိုင်းဝနယ်က လှုပ်ရှားနယ်မြေအရ သေးငယ်တယ် အင်အားနည်းတယ်။ စစ်ဖြစ်ပြီဆိုတာနဲ့ မြောက်ပိုင်းဝနယ်ကို စစ်ရေး အရ ခြိမ်းခြောက်ထားမယ်၊ တောင်မြောက်အဆက်ဖြတ်မယ်၊ တောင်ပိုင်းဝ နယ်ကို သိမ်းမယ် ဆိုတဲ့ စစ်ရေး ကြံစည်ချက် ရှိနေနိုင်တယ်။

- ကိုးကန့် အရေးမှာ သင်ခန်းစာ ရသွားတဲ့ အပစ်အခတ်ရပ်ဆဲရေးအဖွဲ့တွေက ကြိုတင်ပြင်ဆင်မှုတွေ လုပ်ထားကြလို့
ထင်သလောက် လွယ်ကူမှာမဟုတ်မှန်း နအဖ တွက်ချက်မိနေတယ်။ နအဖ အင်အားတိုးချထားပြီး ဒုတ်ပြ ခဲပြ လုပ်နေတာ
ဝ လူထုက တအိမ်တယောက် စစ်ထဲလိုက်မယ်ဆိုတဲ့ ကတိပေးလိုက်သလို ၀ တပ်မတော် စစ်ဦးစီး အဖွဲ့ကလည်း အသက်ပေး ကာကွယ်မယ်ဆိုတဲ့အတွက် ရှေ့တလှမ်းတိုးရမလား - နောက် ပြန်ဆုတ်ရမလား ဖြစ်နေ တယ်။
- အပစ်အခတ်ရပ်ထားတဲ့အဖွဲ့တွေက မြွေမသေ ဒုတ်မကျိုးလုပ်နေတာ နအဖ အခံရခက်နေတယ်။ နအဖ လက် အောက်ခံ နယ်ခြားစောင့်တပ် လုပ်တာထက် ကချင့်လက်နက် ကချင့်လက်ထဲမှာထားပြီး ကချင်ဒေသ ကိုယ်ပိုင် အုပ်ချုပ်ရေးတပ်ဘဲ လုပ်မယ် ဆိုတဲ့ ကေအိုင်အိုရဲ့ သဘောထားနဲ့ ကေအိုင်အို မဖျက်ဘဲ ပါတီသစ်တခုဖွဲ့ပြီး ရွေးကောက်ပွဲဝယ်မယ်ဆိုတဲ့ ဆုံးဖြတ်ချက်ကြောင့် နအဖ အငိုက်မိသွားတယ်။ ဒါကို လတ်တလော ဖြေရှင်းဖို့ မရနိုင် သေးဘူး။ နည်းလမ်းမတွေ့ သေးဘူး။ လတ်တလော မဖြေရှင်းနိုင်ပေမယ့် မူ အရ နအဖ လုံးဝ လက်မခံနိုင်ဘူး ဆိုတာ သိသာထင်ရှားတယ်။ ကိုယ်ပိုင်အုပ်ချုပ်ရေး ကိုယ်ပိုင်အုပ်ချုပ်ခွင့်ဆိုတဲ့ အသုံးအနှုန်းမျိုး နအဖ ရေးဆွဲ ထားတဲ့ ဖွဲ့ စည်းပုံထဲမှာ မပါဘူး။ ၆၃ ငြိမ်းချမ်းရေး ဆွေးနွေးပွဲ ခေါ်တုန်းက နေ၀င်းစစ်အုပ်စုရဲ့ ကိုယ်စားလှယ် ဗိုလ်မှူးကြီးလှဟန်က ဗကပ ကိုယ်စားလှယ်တွေတင်တဲ့

တောင်းဆိုချက်တွေနဲ့ ပက်သက်ပြီး နှစ်လုံးထဲနဲ့ ဘောင်းဘီညပ်ခဲ့ဘူးတယ်။ ဗကပ တောင်းဆိုခဲ့တာက “တိုင်းရင်းသားလူမျိုးစုများအပေါ် စစ်ဆင်နေမှု ရပ်ဆိုင်းရန်” စစ်အုပ်စု ကိုယ်စားလှယ်က ဘာ တင်ပြလဲဆိုတော့ “တိုင်းရင်းသားလူမျိုးစုများအပေါ်“ လို့ မသုံးပါနဲ့
ဘာကြောင့်လဲ ဆိုတော့ သူတို့နဲ့ ဘတပြန်ကျားတပြန် တိုက်နေရလို့ပါတဲ့။အခုလည်း “ကချင်ဒေသ ကိုယ်ပိုင်အုပ်ချုပ်ရေးတပ်” ဆိုတာနဲ့ ပါတ်သက်ပြီး နအဖ ကိုယ်စားလှယ် ဘာတွေပြောရမယ်ဆိုတာ စဉ်းစားနေမှာဖြစ်တယ်။

- ရှေ့ တန်းစစ်မျက်နှာမှာ ပြဿနာသောင်းခြောက်ထောင် တက်နေချိန်မှာ - စစ်နောက်ပိုင်း ဒေသလို့ ပြောလို့ရတဲ့
ရန်ကုန် မန္တလေး ပဲခူး ပခုက္ကူ မုံရွာ မြင်းခြံ စစ်တွေ မော်လမြိုင်မြို့ တွေမှာ မြို့တွင်းလှုပ်ရှားမှုတွေဖြစ်ပေါ်လာနေတော့ နအဖ နောက်ကြောမလုံဖြစ်နေတယ်။- စက်တင်ဘာရွှေဝါရောင်တော်လှန်ရေး တကျော့ပြန်ဖြစ်လာဖို့ တာစူနေကြသလို၊ ဒေါ်အောင်ဆန်းစုကြည် လွတ်မြောက်ရေးလှုပ်ရှားမှုတွေကလည်း အရှိန်တက်လာနေတော့ စစ်နောက်ပိုင်းဒေသတွေမှာလည်း စစ်အင်အားတွေ တိုးချထားနေရတယ်။
- ဒေါ်အောင်ဆန်းစုကြည်ကိုထောင်ချလိုက်လို့ အနောက်နိုင်ငံတွေက နအဖ အပေါ် အရေးယူမှု မူလီ ထပ်ကြပ် လိုက်တာကို အခံရခက်နေတယ်။ဒါ့အပြင် ဒီအမှုက ဒီမှာတင် မပြီးဘဲ ဒေါ်အောင်ဆန်းစုကြည်က ပြန်ပြီး ခုခံ ချေပ ခွင့်တောင်းတာ အယူခံတင်တာ ရှေ့ နေတွေနဲ့ တွေ့ ဆုံခွင့်တောင်းတာတွေက သတင်းမီဒီယာတွေ ပေါ် တကျော့ ပြန်တက်လာတော့ နအဖ စိုးရိမ်နေတယ်။ အစကတော့ ကျေးဇူးရှင်ကြီး ယက်တော၊ ခုကျ ဂျိုမွှေတဲ့ ယက်တော တဲ့ နအဖ စစ်အုပ်စုပြောနေပြီ။
- နအဖ ဘက်က ရွေးကောက်ပွဲ ဥပဒေနဲ့ နိုင်ငံရေးပါတီ ဥပဒေတွေကို ခုချိန်ထိ မထုတ်ပြန်နိုင်သေးတဲ့အပေါ် အေးလွင့်တို့ အုပ်စုတွေကပါ စိတ်မရှည်တော့ဘူး။ ခပ်တည်တည်နဲ့ဆိုင်းဘုတ်ထောင် ရုံးဖွင့်ပြီး စည်းရုံးနေကြပြီ။ နအဖ ဘက်ကလည်း အနည်းဆုံးတော့ (ဒီချုပ် မပါရင်တောင်) အပစ်အခတ်ရပ်ထားတဲ့အဖွဲ့တွေတိုင်းရင်းသားတွေ ရွေးကောက်ပွဲဝင်မှ ဖြစ်မယ်ဆိုတဲ့ လျာထားချက်ရှိလေတော့ ငြိမ်းအဖွဲ့တွေကို အရင်ငြိမ်းအောင်လုပ်နေရတယ်။

- အခုလို အချိန်မှာ အမျိုးသားဒီမိုကရေစီ အဖွဲ့ချုပ်က တရားဝင် နိုင်ငံရေးပါတီတခုရဲ့ လွပ်လပ်စွာ စည်းရုံး လှုပ်ရှား ခွင့်တွေကို ခွင့်ပြုဖို့ တောင်းဆိုလိုက်တဲ့အခါမှာ နအဖအတော် မကြေမနပ်ဖြစ်သွားတယ်။ အရှိုက်အထိုးခံလိုက် ရတယ်။ ဒီချုပ်ဘက်က ဒီတောင်းဆိုမှုကို နိုင်ငံရေးတိုက်ကွက်တခုလို တိုးချဲ့လုပ်ကိုင်လာခဲ့ရင်ဆိုတဲ့စိုးရိမ်ချက် နအဖ မှာ ဖြစ်ပေါ်နေတယ်။ ဒီချုပ်ရဲ့တောင်းဆိုချက်ကို ဆူပူမှုတွေ လုပ်တော့မယ်။ လူထုအုံကြွမှုတွေ ဖြစ်တော့ မယ်ဆိုတဲ့ အကြောင်းပြချက်နဲ့ ပယ်ချဖို့ ကြံစည်နေတယ်။

- အုံကြွမှုတွေက တကယ်ဖြစ်လာတော့မယ့် အလားအလာတွေရှိနေပြီ။ ဖြစ်လာဖို့ တာစူနေပြီ။ အခုတခေါက်ဖြစ် လာရင် အရင်လို ထိမ်းနိုင်မှာမဟုတ်ဘူး။မဖြစ်ခင် ကြိုပြီး ရှင်းပစ်ဖို့ နအဖ အမိန့်ထုတ်ထားတယ်။ တပြည်လုံး စစ်မျက်နှာဖြစ်နေပြီ။ နေရာတိုင်း လက်နက်ကိုင်တွေချထားရတယ်။တပြည်လုံး လူဖမ်းပွဲတွေ လုပ်နေတယ်။ သံဃာတွေကို ဖမ်းနေတယ်။ ကျောင်းသားတွေကို ဖမ်းနေတယ်။ လောက်လေးဂွ တပ်တွေ ဖွဲ့နေတယ်။
- နအဖ အကြောက်ဆုံးက ရွှေဝါရောင်တော်လှန်ရေးအပြီးမှာ ခေတ်စားလာတဲ့ မြို့ပြပျောက်ကြား အယူအဆနဲ့ မြို့ပြ ပျောက်ကြား လှုပ်ရှားမှု။ မြို့ပြပျောက်ကြား မီးဒုတ် ကိုင်လိမ့်မယ်။ မြို့ ပြပျောက်ကြားရဲ့  အဓိက ရည်ရွယ်ချက်က ရန်သူ့နောက်ကျောမှာ လှုပ်ရှားတယ်။
ရန်သူ့စစ်နောက်ပိုင်းဒေသတွေမှာ အဖျက်လုပ်ငန်းတွေလုပ်တယ်။ ရန်သူ့ ပစ္စည်းတွေ ဖျက်ဆီးပစ်တယ်။
ဂိုထောင်တွေ မီးတိုက်ပစ်တယ်။ မော်တော်ယဉ်တွေ မီးရှို့ ပစ်တယ်။ ရန်သူ့ သတင်း ပေးတွေ သစ္စာဖောက်တွေကို ဆုံးမပစ်တယ်။
မြို့ ပြယဉ်ကျေးမှုထဲက မြို့ ပြပျောက်ကြားတွေ ပေါ်ထွက်လာမှာ နအဖ အစွမ်းကုန် ကြောက်နေတယ်။ တွေးလေလေ တစိမ့်စိမ့်ကြောက်လေလေဘဲ။

(သားဆွေ)

10 September, 2009

နှစ် (၇၀) ပြည့် ဆရာတော် ဦးဥတ္တမနေ့ အထိမ်းအမှတ် ဂုဏ်ပြုဆောင်းပါး



















ဦးဥတ္တမခေတ် သံဃာ့သမဂ္ဂီမှ ရွှေဝါရောင်ခေတ် သံဃာ့သမဂ္ဂီသို့
ဇင်လင်း
(ခေတ်ပြိုင်အင်တာနက်စာမျက်နှာမှ ...)

ရွှေဝါရောင်သံဃာ့အရေးတော်ပုံသည် ယခု ၂၀၀၉ စက်တင်ဘာတွင် (၂) နှစ်ပြည့်ပြီဖြစ်သည်။ စစ်အာဏာရှင် တို့က သံဃာတော်တို့အား နိုင်ငံရေးကိစ္စများတွင် ပါဝင်ပတ်သက်ခြင်းမရှိစေရဟု အမိန့်အာဏာဖြင့် တားမြစ် ကန့်သတ်ရုံမျှမက သာသနာ့နယ်မြေအတွင်း လက်နက်ကိုင်ကျူးကျော်ကာ ရဟန်းသံဃာတော်များအား သတ် ဖြတ် ညှဉ်းပန်းနှိပ်စက် ထောင်သွင်းအကျဉ်းချ စသည့် သာသနာဖျက်လုပ်ငန်းများကို အကြမ်းဖက်မှုမျိုးစုံသုံး၍ လူမဆန်စွာလုပ်ခဲ့ကြသည်။ ထိုသို့ ရက်ရက်စက်စက် သွေးထွက်သံယို သတ်ဖြတ်ပြလိုက်ရုံဖြင့် စစ်အာဏာကို အန်တုမှုများ ငြိမ်ကျသွားမည်ဟု စစ်အုပ်စုက ထင်ပုံရသည်။ မြန်မာနိုင်ငံတွင် ပြည်သူတို့ ဆင်းရဲဒုက္ခရောက်ရ သည့် အရေးကိစ္စရပ်တိုင်း၌ သံဃာတော်တို့ မားမားမတ်မတ် ရပ်ခဲ့ကြသည့် သမိုင်းအစဉ်အလာကို စစ်ဗိုလ်ချုပ် များ မေ့လျော့နေဟန်တူသည်။ ရွှေဝါရောင်သံဃာ့အရေးတော်ပုံ (၂) နှစ်ပြည့်သည့် ယခုနှစ်သည် “ဆရာတော် ဦးဥတ္တမ” ပျံလွန်တော်မူခြင်း နှစ်(၇၀) ပြည့်ချိန်နှင့်လည်း တိုက်ဆိုင်နေပေသည်။

ဆန်ရေစပါးနှင့် သယံဇာတမျိုးစုံ ပေါကြွယ်လှသော မြန်မာနိုင်ငံတွင် တိုင်းသူပြည်သားတို့ စားဝတ်နေရေး ခက် ခဲကျပ်တည်းကာ ဆင်းရဲဒုက္ခရောက်နေကြရခြင်းသည် “အစိုးရ ညံ့ဖျင်းလွန်း၍ဖြစ်သည်” ဟု ၁၉၂၁ ခုနှစ် မတ် လ (၂၃) ရက်နေ့ ဒေးဒရဲမြို့နယ် ဆုကလပ်ရွာ၌ တရားဟောခဲ့သဖြင့် ဗြိတိသျှစစ်ပုလိပ်တို့၏ ဖမ်းဆီးအကျဉ်း ချခံခဲ့ရသည့် သာသနာ့နယ်ပယ်မှ ထူးခြားသော ရဟန်းတော်ကို မြန်မာတို့မမေ့လောက်သေးဟု ထင်သည်။ ထိုရဟန်းတော်သည် မြန်မာ့နိုင်ငံရေးသမိုင်းတွင် ပထမဦးဆုံး ဖမ်းဆီးထောင်ချခံရသော ရဟန်းအာဇာနည် ဖြစ်သည်။ အထူးသဖြင့် “ကရက်ဒေါက် ဂက်ဒေါက်” (Craddock, Get Out!) ဟူသော ကြွေးကြော်သံကို အ ကြောင်းပြု၍ ထိုအာဇာနည်အရှင်ကား “ဆရာတော် ဦးဥတ္တမ” ဖြစ်လာသည်ကို မှတ်မိကြမည်ထင်ပါသည်။ “ကရက်ဒေါက်” (Sir Reginlad Henry Craddock) သည် ထိုစဉ်က ဗြိတိသျှကိုလိုနီ မြန်မာနိုင်ငံ၏ ဒုတိယဘု ရင်ခံဖြစ်သည်။
“ဘယ်လိုအင်အားကြီးပြီး ရက်စက်ကြမ်းကြုတ်တဲ့ အစိုးရဖြစ်ဖြစ် တိုင်းရင်းသားအပေါင်း စည်းလုံးညီညာစွာနဲ့ တွန်းလှန်နိုင်ကြရင် တာရှည်ခံနိုင်မယ်မဟုတ်ပါဘူး၊ ကိုယ့်ရည်မှန်းချက် အောင်စေချင်ရင် နောက်မတွန့်ကြနဲ့။ ကြောက်အားမပိုကြနဲ့၊ ဒုက္ခကို ပဓာနမထားကြနဲ့၊ ဟုမ္မရူးတို့ လွတ်လပ်ရေးတို့ဆိုတာ ကျုပ်တို့ရထိုက်တဲ့ ကမ္ဘာ့အမွေအနှစ်ကြီးများဖြစ်တယ်။ ဗျူရိုကရေစီဝါဒသမားတွေက ဘယ်လောက်ပဲ နှောင့်ယှက်နှောင့်ယှက် တကယ်ရအောင်လုပ်နိုင်တဲ့ သဘောမှန်ဟာ တိုင်းသူပြည်သားတို့ လက်ထဲမှာသာရှိတယ်”

ဆရာတော် ဦးဥတ္တမ၏ ဟောပြောချက်တခု၌ “ဒီတိုင်းပြည် သူတပါးလက်အောက်ခံ ကျွန်နိုင်ငံဖြစ်နေရင် ဒီ တိုင်းပြည်က လူမျိုးဟာလည်း ကျွန်လူမျိုး၊ ဒီလူမျိုးကိုးကွယ်တဲ့ ဘာသာဟာလည်း ကျွန်ဘာသာ ကျွန်သာသ နာဖြစ်မယ်။ ဒါကြောင့် ကျွန်ဘာသာ ကျွန်သာသနာအဖြစ်က လွတ်အောင် သံဃာတော်များ ကျောင်းတွင် ကျိန်းအိပ်မနေကြဘဲ သံဃာ့သမဂ္ဂီအဖွဲ့များ ဖွဲ့ပြီး ဒီတိုင်းပြည်ဒီလူမျိုး လွတ်လပ်အောင် ဆောင်ရွက်သင့်ကြ တယ်” စသည်ဖြင့် ပွင့်ပွင့်လင်းလင်း ဟောပြောခဲ့ပုံမှာ ကြက်သီးထလောက်သည်ဟု မှတ်တမ်းများရှိသည်။

ကိုယ်ကျိုးမငဲ့ တိုင်းပြည်နှင့်လူမျိုး လွတ်လပ်ရေးအတွက် ပင်ပန်းဆင်းရဲမှုအမျိုးမျိုးခံကာ ဆရာတော်သည် ကို လိုနီနယ်ချဲ့အင်္ဂလိပ်အစိုးရအား နှလုံးရည်တိုက်ပွဲဆင်ခဲ့သည်။ ဖိနှိပ်ချုပ်ချယ်မှုအမျိုးမျိုးကြားမှ မိမိနိုင်ငံသူနိုင်ငံ သားတို့ နိုင်ငံရေးအသိအမြင် ကျယ်ပြန့်တိုးတက်လာစေရန် ထောင်တန်းအကျခံကာ ဟောပြောခဲ့သည့် မျိုးချစ် ပုဂ္ဂိုလ်လည်းဖြစ်သည်။ ဆရာတော်သည် မြန်မာတို့အား အစောဆုံး နိုင်ငံရေးမျက်စိဖွင့်ပေးခဲ့သူတို့အနက် ရှေ့ ဆုံးတန်းမှ ပါဝင်ခဲ့သည်။ ‘ဆရာတော် ဦးဥတ္တမ’ သည် ဒုတိယကမ္ဘာစစ်ကြီး စတင်သည့် ၁၉၃၉ ခုနှစ် စက်တင် ဘာလ (၉) ရက်နေ့ သက်တော် (၆၀) ပြည့်ချိန်တွင် ပျံလွန်တော်မူခဲ့သဖြင့် ယခု ၂၀၀၉ စက်တင်ဘာတွင် နှစ် ပေါင်း (၇၀) ပြည့်ခဲ့ပေပြီ။ သို့သော် ဆရာတော်၏ သြ၀ါဒများကား ရှင်သန်နေဆဲရှိသည်။ ဆရာတော် အစပျိုးခဲ့ သည့် နိုင်ငံရေးနိုးကြားမှုကား ရဟန်းသံဃာတော်များအကြား၌ ယနေ့တိုင် ရှင်သန်နေဆဲ ဖြစ်ပေသည်။

ဆရာတော်၏ ငယ်နာမည်မှာ “ပေါ်ထွန်းအောင်” ဖြစ်၍ အဘ ဦးမြနှင့် အမိ ဒေါ်အောင်ကျော်သူတို့မှ ရခိုင်ပြည် နယ်၊ စစ်တွေမြို့၌ (၁၈၇၉ ခုနှစ် ဒီဇင်ဘာ ၁၄) တွင် ဖွားမြင်သည်။ အသက် (၁၅) နှစ်တွင် ကာလကတ္တားမှ တက္ကသိုလ်ဝင်ခွင့် ဆယ်တန်းအောင်သည်။ ထို့နောက် ပခုက္ကူမြို့ ရေစကြိုစာသင်တိုက်တွင် ဗုဒ္ဓဘာသာ စာ ပေကျမ်းဂန်များသင်ယူသည်။ ၁၉၀၀ ပြည့်နှစ်တွင် ရဟန်းဝတ်ဖြင့် အိန္ဒိယနိုင်ငံသို့ ကြွရောက်၍ ကာလကတ္တား ရှိ အိန္ဒိယအမျိုးသားကောလိပ်၌ ပါဠိ၊ သက္ကဋ၊ ဘင်္ဂါလီ၊ မာဂရီ၊ ရှေးဟောင်း ဟိန္ဒူစာပေများ သင်ယူခဲ့သည်။ ထို ကျောင်း၌ပင် ပါဠိပါမောက္ခအဖြစ် ဆောင်ရွက်ခဲ့ဖူးသည်။

၁၉၀၃ ခုနှစ်တွင် အိန္ဒိယနိုင်ငံမှတဆင့် ပြင်သစ်၊ အင်္ဂလန်၊ ဂျာမနီတို့သို့ ခရီးလှည့်၍ နိုင်ငံတကာအရေးအရာ များကို လေ့လာဆည်းပူးခဲ့သည်။ ဥရောပ၌ရှိနေစဉ် ၁၉၀၅ ခုနှစ် ရုရှ-ဂျပန်စစ်ဖြစ်ရာ ဂျပန်က အနိုင်ရသည့် သတင်းကို ကြားသိရ၍ အလျင်အမြန် ဖွံ့ဖြိုးတိုးတက်လာသော ဂျပန်နိုင်ငံအကြောင်းကို လေ့လာလိုစိတ်ဖြစ်ခဲ့ သည်။ သို့ဖြင့် ဆရာတော်သည် ၁၉၀၇ ခုနှစ်တွင် ဂျပန်နိုင်ငံသို့ သွားရောက်ကာ တိုကျိုဗုဒ္ဓဘာသာတက္ကသိုလ် တွင် ပါဠိနှင့်သက္ကဋဘာသာဆိုင်ရာ ပါမောက္ခအဖြစ် (၄) နှစ်နီးပါး ဆောင်ရွက်ခဲ့သည်။ မြန်မာနိုင်ငံအပြန်ခရီး တွင် ကိုရီးယား၊ မန်ချူးရီးယား၊ တရုတ်၊ ကမ္ဘောဒီးယားနှင့် ထိုင်းနိုင်ငံများသို့ ၀င်ရောက်လေ့လာခဲ့သည်။

၁၉၁၁ ခုနှစ် မြန်မာနိုင်ငံသို့ ပြန်ရောက်သောအခါ သူရိယသတင်းစာတွင် နိုင်ငံတကာ တိုးတက်မှုအခြေအနေ အထွေထွေကို နိုင်ငံသားများ ပညာဗဟုသုတရစေရန် ရေးသားတင်ပြခဲ့သည်။ “၀ိုင်အမ်ဘီအေ” ကို စတင်ထူ ထောင်ခဲ့ကြသော ဦးဘဘေ၊ ဦးမောင်ကြီး၊ ဦးဘရင်တို့နှင့်လည်းကောင်း၊ သူရိယသတင်းစာ စတင်တည် ထောင်ခဲ့ကြသည့် ဦးဘကလေး၊ ဦးလှဖေ အစရှိသော ထိုခေတ် လူငယ်လူလတ်များနှင့်လည်းကောင်း၊ အင်္ဂ လိပ်လက်အောက်မှလွတ်မြောက်ရန် မည်သို့ဆောင်ရွက်သင့်ကြကြောင်း နိုင်ငံရေးဆွေးနွေးမှုများလုပ်ခဲ့သည်။

ဆရာတော် ဦးဥတ္တမ၏ နိုင်ငံရေးအမြင်မှာ မြန်မာနိုင်ငံကို အင်္ဂလိပ်လက်အောက်မှ လွတ်မြောက်ရေးသို့ ဦး တည်သည်။ လွတ်လပ်ရေး မရနိုင်သေးမီစပ်ကြား ‘ဟုမ္မရူး’ ခေါ် ကိုယ့်တိုင်းပြည်ကို ကိုယ့်အမျိုးသားတို့ ကိုယ် တိုင်အုပ်ချုပ်ခွင့်ရရေး ကြိုးပမ်းအားထုတ်ကြဖို့ ရေးသားဟောပြောသည်။ ပညာတတ်လူငယ်လူလတ်များ ဟုမ္မ ရူးသဘောတရား စိတ်ဓာတ်များကို နားဝင်အောင် ဆွေးနွေးပြောဆိုသည်။ အထူးသဖြင့် အိန္ဒိယနိုင်ငံတွင်ရှိစဉ် က အိန္ဒိယ-မြန်မာ နှစ်နိုင်ငံလွတ်လပ်ရေး ရရှိရန်ကိစ္စများကို ကွန်ဂရက်ပါတီခေါင်းဆောင်များနှင့် ဆွေးနွေးတိုင် ပင်သည်။ ဆရာတော်ကိုယ်တိုင်မှာလည်း မြန်မာဒေသခွဲ ကွန်ဂရက်ပါတီအဖွဲ့ဝင်ဖြစ်သည်။

၁၉၁၂ ခုနှစ်တွင် ဆရာတော်သည် ဂျပန်နိုင်ငံသို့ ဒုတိယအကြိမ် သွားရောက်ခဲ့သည်။ ဂျပန်တွင် ဆရာတော် သည် ပါဠိနှင့် သက္ကဋဘာသာ ပါမောက္ခအဖြစ် ဆောင်ရွက်နေစဉ် မြန်မာနိုင်ငံရေးရာကိစ္စများကို ဂျပန်ရောက် တရုတ်ကျောင်းသားများနှင့် ဆွေးနွေးခဲ့သည်။ တရုတ်နိုင်ငံသို့လည်း သွားရောက်ခဲ့၍ တရုတ်အမျိုးသားခေါင်း ဆောင် ဒေါက်တာဆွန်ယက်ဆင်နှင့်လည်း တွေ့ဆုံသိကျွမ်းခဲ့သည်။

ဒေါက်တာဆွန်ယက်ဆင်နှင့် အာရှဒေသလွတ်လပ်ရေးကိစ္စများ ဆွေးနွေးခွင့်ရရှိခဲ့သည်။ ပထမကမ္ဘာစစ်ပြီး ကာနီးတွင် ဆရာတော် မြန်မာနိုင်ငံသို့ ပြန်ကြွလာသည်။ ထိုအချိန်မှစတင်၍ မြန်မာလူထု နားမျက်စိပွင့်စေရန် နိုင်ငံတကာမှရရှိခဲ့သော အသိပညာဗဟုသုတများနှင့် ယှဉ်တွဲ၍ နိုင်ငံရေးတရားများ ဟောပြောခဲ့သည်။ ဆရာ တော်၏ ဟောပြောချက်များမှာ စကားလုံးပြောင်ပြောင် ထိထိမိမိရှိလှသဖြင့် တရားပွဲတိုင်း ကြိတ်ကြိတ်တိုး စည်ကားသည်ဟု မှတ်တမ်းများရှိသည်။ ဆရာတော်၏ ဟောပြောချက်တရပ်မှာ ဤသို့ဖြစ်သည်။

“မြန်မာတိုင်းသူပြည်သားတို့ဟာ ကျိုးနွံတယ်ဆိုတဲ့ အောက်တန်းကျစိတ်များကို ဖယ်ရှားပစ်ကြရမယ်။ မြန်မာ တိုင်းသူပြည်သားတို့ဟာ စွမ်းရည်သတ္တိရှိကြောင်း၊ ပညာရှိကြောင်းနဲ့ မဟုတ်မခံစိတ်ဓာတ်ကို ပြရမယ်။ ဒီလိုပြ နိုင်ရင် ကျုပ်တို့ကို ဘယ်သူကမှ စော်ကားရဲ ဖိနှိပ်ရဲမှာ မဟုတ်တော့ဘူး။ ဘယ်လိုအင်အားကြီးပြီး ရက်စက် ကြမ်းကြုတ်တဲ့ အစိုးရဖြစ်ဖြစ် တိုင်းရင်းသားအပေါင်း စည်းလုံးညီညာစွာနဲ့ တွန်းလှန်နိုင်ကြရင် တာရှည်ခံနိုင် မယ် မဟုတ်ပါဘူး၊ ကိုယ့်ရည်မှန်းချက် အောင်စေချင်ရင် နောက်မတွန့်ကြနဲ့။ ကြောက်အားမပိုကြနဲ့၊ ဒုက္ခကို ပ ဓာနမထားကြနဲ့၊ ဟုမ္မရူးတို့ လွတ်လပ်ရေးတို့ဆိုတာ ကျုပ်တို့ရထိုက်တဲ့ ကမ္ဘာ့အမွေအနှစ်ကြီးများဖြစ်တယ်။ ဗျူ ရိုကရေစီဝါဒသမားတွေက ဘယ်လောက်ပဲ နှောင့်ယှက်နှောင့်ယှက် တကယ်ရအောင်လုပ်နိုင်တဲ့ သဘောမှန် ဟာ တိုင်းသူပြည်သားတို့ လက်ထဲမှာသာရှိတယ်။˝

ထို့ကြောင့်လည်း ဆရာတော်ဦးဥတ္တမအား ရှေးဟောင်းအတွေးအခေါ် အယူအဆတို့ကို ပယ်လှန်သူ၊ ၀ံသာနု စိတ်ဓာတ်တက်ကြွအောင် လှုံ့ဆော်သူအဖြစ် ထိုခေတ်လူထုက လက်ခံထားခဲ့သည်။ ထို့ပြင် မြန်မာနိုင်ငံ ၀ံသာ နုအမျိုးသားရေးလှုပ်ရှားမှု စတင်ဖော်ဆောင်ခဲ့သည့် ‘ဂျီစီဘီအေအသင်းကြီး’ ၏ နိုင်ငံရေးလှုပ်ရှားမှုများ အောင် မြင်စေရန်အတွက်လည်း ဆရာတော်က များစွာအထောက်အကူပြုခဲ့သည်။

ဆရာတော်၏ ဟောပြောမှုများကြောင့် အမျိုးသားရေးလှုပ်ရှားမှုလည်း ပိုမိုအရှိန်ရလာသည်။ လူထုအများ နိုင် ငံရေး နိုးကြားလာလျက် ၀ံသာနုအသင်းများလည်း တိုးတက်များပြားလာသည်။ သူရိယသတင်းစာကလည်း ဆရာတော်၏ ဟောပြောမိန့်ကြားချက်များကို ထောက်ခံရေးသားခဲ့သည်။ ဆရာတော်၏ အတွေးအမြင်သစ် ဆောင်းပါးများကိုလည်း သူရိယသတင်းစာက တခမ်းတနား ဖော်ပြခဲ့သည်။ သူရိယသတင်းစာတိုက်ကို ဆရာ တော်၏ ဌာနချုပ်ဟုပင် ထိုခေတ်က သတ်မှတ်ကြသည်။

ဗုဒ္ဓသာသနာစည်ပင်တိုးတက်စေရန် ဦးစွာပထမ ကျွန်ဘ၀က လွတ်အောင်လုပ်ရမည်ဟု ဆရာတော်က ဟော ပြောသည်။ ထို့ကြောင့် အမျိုး၊ ဘာသာ၊ သာသနာအကျိုးအတွက် ‘သံဃာ့သမဂ္ဂီများ’ ထူထောင်ဖွဲ့စည်း၍ လွတ် လပ်ရေးရအောင် ဆောင်ရွက်ကြရမည်ဟု ဦးဥတ္တမက မိန့်ကြားသဖြင့် နိုင်ငံအနှံ့တွင် သံဃာ့သမဂ္ဂီများ ပေါ် ထွန်းလာကာ နိုင်ငံရေးတရားဟောသည့် သံဃာတော်များ တိုးပွားလာခဲ့သည်။

ဤသို့ ဆရာတော်၏ ၀ါယမစိုက်ထုတ်မှုကြောင့် ၁၉၂၁ ခုနှစ် ဇူလိုင် (၁) ရက် (၂) ရက်တွင် သံဃာ့သမဂ္ဂီအဖွဲ့ ပေါင်း (၃၀) ကျော်မှ ကိုယ်စားလှယ်များအစည်းအဝေးကို ရန်ကုန်မြို့၌ ကျင်းပနိုင်ခဲ့သည်။ ဆရာတော် သံဃာ တော်များ ဂျီစီဘီအေအသင်း ခေါင်းဆောင်များ အပါအ၀င် ရဟန်းရှင်လူ ပရိသတ် (၅၀၀) ကျော် တက်ရောက် ခဲ့သည်။ ဒေးဒရဲမြို့နယ် ဆုကလပ်ရွာ တရားပွဲအပြီး ဆရာတော် ဦးဥတ္တမအား နိုင်ငံရေးလုပ်မှုဖြင့် ထောင်ဒဏ် အပြစ်ပေးလိုက်သောအခါ ရဟန်းရှင်လူ ပြည်သူအများ မခံမရပ်နိုင်ဖြစ်ကြရသည်။ ဆရာတော်ကို အကြောင်း ပြု၍ ‘ဂျီစီဘီအေ’ အသင်းကြီးကို လူထုက ပိုမိုထောက်ခံအားပေးခဲ့သည်။

ဆရာတော်သည် ပထမအကြိမ်ထောင်ကျရာမှ ပြန်လွတ်လာပြီးနောက် တပြည်လုံးလှည့်လည်၍ နိုင်ငံရေးတ ရားများ ဟောကြားခဲ့ပြန်သည်။ “အင်္ဂလိပ်ပစ္စည်းကို သပိတ်မှောက်ကြ” “အင်္ဂလိပ်ဆိုင်တွေကို သပိတ်မှောက် ကြ” “တိုင်းရင်းဖြစ် ပစ္စည်းကို ၀ယ်ယူအားပေးကြ” “တိုင်းရင်းသားဆိုင်တွေမှာ ၀ယ်ယူအားပေးကြ” “ဒို့လူမျိုး တွေ ညီညွတ်မှ လွတ်လပ်ချမ်းသာမယ်” “ဟုမ္မရူး ကိုယ်ပိုင်အုပ်ချုပ်ရေးရအောင် တောင်းဆိုကြိုးပမ်းကြ” “က ရက်ဒေါက် ဂက်ဒေါက်” (Craddock,Get Out!) စသော ကြွေးကြော်သံများကြောင့် ၁၉၂၄ ခုနှစ် ရန်ကုန် ကျုံး ကြီးလမ်း နန်းတော် ရုပ်ရှင်ရုံတရားပွဲအပြီး ဒုတိယအကြိမ် အဖမ်းခံရပြန်သည်။ အင်္ဂလိပ်အစိုးရကို အကြည်ညို ပျက်အောင် ဟောပြောကြောင်း ပြစ်မှုထင်ရှားသည်ဆိုကာ အလုပ်ကြမ်းနှင့် ထောင်ဒဏ် (၃) နှစ် အပြစ်ပေးခံရ သည်။

မြန်မာ့နိုင်ငံရေးသမိုင်းကို ပြန်လှန်လေ့လာသည့်အခါတိုင်း ၀ိုင်အမ်ဘီအေခေါ် ဗုဒ္ဓဘာသာကလျာဏယုဝအ သင်း၊ နောင် ဂျီစီဘီအေခေါ် မြန်မာအသင်းချုပ်ကြီး၏ ကြိုးပမ်းအားထုတ်မှုများကို ချန်လှပ်ထား၍ မရနိုင်ပေ။ ထိုမြန်မာအသင်းချုပ်ကြီး တိုးတက်ကျယ်ပြန့်လာအောင် အထောက်အကူပြုပေးခဲ့ရာတွင် သံဃာတော်များနှင့် သံဃာ့သမဂ္ဂီအဖွဲ့များ၏ ထောက်ခံအားပေးမှုများမှာ အဓိကနေရာမှပါဝင်ပေသည်။

ထိုကြောင့် သံဃာတော်များ တိုင်းကျိုးပြည်ကျိုးဆောင်ရာ၌ ရှေ့တန်းမှ တက်တက်ကြွကြွပါလာအောင် အဦး ဆုံး ဟောပြောခဲ့သော ဆရာတော်ကား ဦးဥတ္တမပင်ဖြစ်သည်။ ဗုဒ္ဓ၏ စာပေကျမ်းဂန်များကိုသာ သင်အံလေ့လာ လျက် တရားဘာဝနာပွားများနေကြကုန်သော သံဃာတော်တို့အနေဖြင့် ဆရာတော် ဦးဥတ္တမ၏ နိုင်ငံတကာ အတွေ့အကြုံများ၊ နိုင်ငံရေး၊ စီးပွားရေး၊ လူမှုရေးဟောပြောချက်များကို လက်ဦးတွင် နားမ၀င်နိုင်ခဲ့ကြပေ။ နောင်နှစ်အတန်ငယ်ကြာသောအခါ ဆရာတော် ဦးဥတ္တမ၏ နိုင်ငံရေးတရားများမှာ စကားဝေါဟာရအရ မာ ကြောသော်လည်း လက်တွေ့အနှစ်သာရအရ အမျိုး၊ ဘာသာ၊ သာသနာအတွက် အမှန်ပင်အကျိုးပြုကြာင်း သိ မြင်လာကြ၍ ၀န်းရံထောက်ခံလာကြသည်။

ထိုစဉ်က ဆရာတော်ဦးဥတ္တမနှင့် သူရိယသတင်းစာတို့သည် ၀ိုင်အမ်ဘီအေအသင်းကို ပြည်သူတရပ်လုံး ထောက်ခံအားပေးလာအောင် စိုက်လိုက်မတ်တတ် လှုံ့ဆော်ရေးသားခဲ့သဖြင့် အမျိုးသားရေးစိတ်ဓာတ်များ တက်ကြွလာခဲ့သည်။ ဦးဥတ္တမ၏ ရိုးသားမှု၊ ကိုယ်ကျိုးမငဲ့မှု၊ တိုင်းပြည်နှင့် လူထုအကျိုးကိုသာ ရှေးရှုမှုတို့ ကြောင့် ဆရာတော်ကို စံထားကာ သံဃာအများ မြန်မာအသင်းချုပ်ကြီး၏ လှုပ်ရှားမှုများတွင် ပါဝင်လာကြ သည်။ အစည်းအဝေးများ၊ ကွန်ဖရင့်များတွင် သံဃာတော်များ ပါဝင်ဆွေးနွေး ဟောပြောလာကြသည်။ သံဃာ့ သမဂ္ဂီအဖွဲ့များ ဖွဲ့စည်းကာ နိုင်ငံ့အရေးအရာများ၌ ပါဝင်ဆောင်ရွက်လာကြသည်။

ဆရာတော် ဦးဥတ္တမသည် မြန်မာနိုင်ငံ ဒုတိယဘုရင်ခံ ကရက်ဒေါက်၏ ဒိုင်အာခီအုပ်ချုပ်ရေးစနစ်ကို ဆန့်ကျင် ကာ ၀ိုင်အမ်ဘီအေကို ထောက်ခံလျက် ဟုမ္မရူးကို တောင်းဆိုဟောပြောခဲ့သည်။ ဒိုင်အာခီအုပ်ချုပ်ရေးစနစ် တွင် အမတ် (၁၀၃) နေရာ လျာထားသော်လည်း (၇၉) ဦးသာ ရွေးကောက်ခံဖြစ်သည်။ ကျန်သူတို့မှာ ဘုရင်ခံ ခန့် ဗျူရိုကရက်များဖြစ်သည်။ ပြည်သူ့ကိုယ်စားလှယ်နှင့် ဗျူရိုကရက်တို့ တွဲဖက်အုပ်ချုပ်ရေးစနစ်ဖြစ်သည်။ ဥပ ဒေပြုကောင်စီတွင် အဆိုတခုတင်ရာ၌ ပြည်သူ့ကိုယ်စားလှယ်တို့ မဲအများစုရ၍ နိုင်သော်လည်း ဘုရင်ခံသ ဘောမတူလျှင် (ဗီတို) ဖြင့် ပယ်ချခံရတတ်သည်။

ထို့ကြောင့် ၁၉၂၂ ဇူလိုင် (၁၅) (၁၆) ဂျူဗလီဟောအစည်းအဝေးတွင် ဆရာတော်ဦးဥတ္တမက “ဒိုင်အာခီအုပ် ချုပ်ရေးစနစ်သည် ဗျူရိုကရေစီအုပ်ချုပ်ရေးဖြစ်သဖြင့် ပြည်သူကိုမတိုင်ပင်ဘဲ ဗျူရိုကရက်တို့က စီမံအုပ်ချုပ် သော စနစ်ဖြစ်သည်ဟု ထောက်ပြခဲ့သည်။ ပြည်သူ့ကိုယ်စားလှယ် (၇၉) ဦးသည် အာဏာပါဝါမရှိသော ရုပ်ပြ လှည့်စားမှုသာဖြစ်သည်။ ပြည်သူက သဘောတူ၍ ဆောင်ရွက်လေဟန် ပရိယာယ်ဆောင်သော အုပ်ချုပ်ရေး စနစ်ဖြစ်သည်။ ထို့ကြောင့် ဒိုင်အာခီရွေးပွဲ မ၀င်သင့်။ ဒိုင်အာခီကောင်စီ၌ မပါသင့်။ ဒိုင်အာခီကောင်စီဝင်၍ ပူး သတ်ရေးလုပ်ရန် မဖြစ်နိုင်။ ဗျူရိုကရက်တို့၏ သြဇာကို မလွန်ဆန်နိုင်” စသည်ဖြင့် ဆရာတော်က ရှင်းပြခဲ့ သည်။ ဆရာတော်၏ မိန့်ခွန်းမှ ကောက်နုတ်ချက်တခုမှာ ဤသို့ဖြစ်သည်။

“ဟုမ္မရူးအတွက် ကြိုးစားကြရာမှာ ကြောက်လန့်စိတ်တွေ မထားကြနဲ့၊ ကြောက်မွှေးပါရင် ဇာဂနာနဲ့ နုတ်ပစ်ကြ ရမယ်။ ခိုးရမှာ၊ ဒိုင်အာခီကောင်စီဝင်ရမှာသာ ကြောက်၊ ကျေးလက်က ဒကာတွေ သူကြီးကို မကြောက်ကြနဲ့၊ သူကြီးတင်မက မြို့အုပ်ဝန်ထောက်လည်း ကြောက်ဖို့မလိုဘူး။ သူတို့ထက်ကြီးတဲ့ ဘုရင်ခံဆိုတာလည်း ကြောက်စရာမရှိပါဘူး။ ကိုယ့်တိုင်းပြည်ကို ကိုယ့်လူမျိုး အုပ်ချုပ်ရအောင် ဘုရင်ခံနဲ့ ဗျူရိုကရက်တွေကို နှင် ထုတ်ကြရမယ်။ ကရက်ဒေါက် ထွက်သွားလို့ ဥတ္တမက ဂျူဗလီမှ ထပ်ပြီး အမိန့်ပေးနေတယ်။”

ဆရာတော်ဦးဥတ္တမနှင့် ဂျီစီဘီအေခေါင်းဆောင်များက ဟုမ္မရူး ကိုယ်ပိုင်အုပ်ချုပ်ရေးပေးရန်၊ သဿမေဓ လူ ခွန် ဖျက်သိမ်းပေးရန်၊ လယ်ယာမြေ အခွန်အကောက်များ လျှော့ချပေးရန်၊ အဓိကထား၍ ဟောပြောတောင်း ဆိုခဲ့ကြသည်။ အင်္ဂလိပ်အစိုးရက ၁၉၃၀ ဆရာစံသူပုန် ဖြစ်ပေါ်ရခြင်းကိစ္စကို ပြန်လှန်သုံးသပ်ရာ၌ ဆရာတော် ဦးဥတ္တမ၏ ဟောပြောချက်များကို အကြောင်းရင်းတချက်အဖြစ် ထည့်သွင်းထားသည်ကို တွေ့ရသည်။

၁၉၅၆ ခုနှစ် မြန်မာနိုင်ငံဘာသာပြန်စာပေအသင်းမှထုတ်ဝေသော “နှစ်ငါးဆယ် ကမ္ဘာ့ရေးရာ စာအုပ်” တွင် “ဆရာတော်၏ ကြိုးပမ်းမှုကြောင့် မြန်မာနိုင်ငံသားတို့သည် ‘အိပ်သောယောက်ျား နိုးသောလားသို့’ လွတ်လပ် ရေးလမ်းစကို မြင်ကြရ၏။ ဆရာတော်ကား ယခု မြန်မာနိုင်ငံတော်သူ မြန်မာနိုင်ငံတော်သားတို့ လက်ဆုပ် လက်ကိုင် အပိုင်ရှု ခံစား စံစားနေရသော လွတ်လပ်ရေးဗိမာန်ကြီးကို အစဦးစွာ ပန္နက်ချခဲ့သော အာဇာနည်မျိုး ချစ်ပုဂ္ဂိုလ်ကြီးပေတည်း” ဟု ဖော်ပြခဲ့သည်။ သို့ဖြစ်၍လည်း ဆရာတော်ဦးဥတ္တမ၏ သမိုင်းနှင့်အာဇာနည်ဂုဏ် ပုဒ်တို့ကို စစ်အာဏာရှင်အဆက်ဆက်က မပျက်ပျက်အောင် ဖျက်နေကြသော်လည်း ပယ်ဖျက်၍မရဘဲ ရှိနေ ခြင်းဖြစ်ပေသည်။

ယနေ့ စစ်အာဏာရှင်စနစ်ဖျက်သိမ်းရေးတိုက်ပွဲတွင် ပါဝင်ဆင်နွှဲနေကြသော ရဟန်းပျိုမျိုးဆက်သစ်၊ လူငယ် မျိုးဆက်သစ်တို့သည် ဆရာတော်ဦးဥတ္တမ၏ ဂုဏ်ကျေးဇူးနှင့် အာဇာနည်စိတ်ဓာတ်ကို စံနမူယူ၍ မကြာမီ ဆင်နွှဲတော့မည့် တတိယအကြိမ် ပတ္တနိက္ကုဇ္ဇနကံဆောင်သပိတ်တွင် တက်တက်ကြွကြွ ပါဝင်ရန် ပြင်ဆင်နေ ကြပေပြီ။ ၂၀၀၉ အောက်တိုဘာလ (၃) ရက်နေ့တွင် သံဃာတော်များ၏ တတိယအကြိမ် သံဃာ့သပိတ်တိုက် ပွဲတရပ် ဆင်နွှဲမည်ဖြစ်၍ သံဃာတော်များနှင့်အတူ တပြည်လုံး အတိုင်းအတာဖြင့် ပါဝင်ကြရန် မြန်မာနိုင်ငံလုံး ဆိုင်ရာ သံဃာ့တပ်ပေါင်းစုအဖွဲ့ကြီးက သြဂုတ်လ (၂၈) ရက်စွဲဖြင့် နှိုးဆော်ထားပေသည်။ စစ်အစိုးရအနေဖြင့် အောက်တိုဘာလ (၂) ရက်နေ့ မွန်းတည့်ချိန် နောက်ဆုံးထား၍ သံဃာထုအား တောင်းပန်ရန် နှိုးဆော်ထား သည်။ မလိုက်နာပါက လာမည့်သီတင်းကျွတ်လပြည့် (၁၅) ရက်၊ (၃-၁၀-၂၀၀၉)၊ သံဃာပ၀ါရဏာပွဲနေ့တွင် သံဃာထုကြီးက တတိယအကြိမ် ပတ္တနိက္ကုဇ္ဇနကံဆောင်သပိတ် ဆင်နွှဲမည်ဟု မြန်မာနိုင်ငံလုံးဆိုင်ရာ သံဃာ့ တပ်ပေါင်းစုအဖွဲ့ကြီးက ထုတ်ပြန်ကြေညာထားသည်။

သံဃာ့တပ်ပေါင်းစု နိုင်ငံခြားရေးရာတာဝန်ခံ အရှင်ဣဿရိယ၏ ရှင်းပြချက်အရ တတိယအကြိမ် သပိတ် မှောက်ကံဆောင်ရာတွင် ထူးခြားချက်မှာ အပြည်ပြည်ဆိုင်ရာသာသနာ့ဥသျှောင်အဖွဲ့၊ ပြည်တွင်းပြည်ပ သံဃာ့ သမဂ္ဂီအဖွဲ့များက မြတ်စွာဘုရား၏ ၀ိနည်းဥပဒေကို လိုက်နာရန် ပျက်ကွက်သော သံဃာတော်များ၊ စစ်တပ်နှင့် ပေါင်းသော သံဃာတော်များအား သာသနာတော်မှ ကျဉ်ပယ်ကာ ပကာသနီယ ကံဆောင်မည်ဖြစ်ပါသည်။ “ဦးဥတ္တမခေတ်” ၁၉၂၀ ခန့်တွင် အစပျိုးခဲ့သော သံဃာ့သမဂ္ဂီ စိတ်ဓာတ်ဝိညာဉ်ကား နှစ်ပေါင်း (၉၀) မျှ သက် တမ်းရင့်ရှည်ခဲ့ပြီးနောက် “ရွှေဝါရောင်ခေတ်” သံဃာ့သမဂ္ဂီအဖွဲ့များထံသို့ ဆက်လက်ကူးလူး ထွန်းလင်းလျက် ရှိပေသည်။ ဓမ္မနှင့် အဓမ္မ အားပြိုင်ပွဲ၌ ဓမ္မသည် အဓမ္မအပေါ် အောင်ပွဲဆင်မြဲ ဆင်ပေလိမ့်မည်။

-“ဆရာတော် ဦးဥတ္တမ” ပျံလွန်တော်မူခြင်း နှစ်(၇၀) အထိမ်းအမှတ် ကျမ်းကိုးစာရင်း
(၁) ၀ံသာနုအရေးတော်ပုံသမိုင်း (၁၉၀၆ - ၁၉၃၆)၊ သခင်ဘမောင်၊ တသက်တာစာပေ၊ ၁၉၇၅ ဇန်န၀ါရီ။
(၂) ဂျူဗလီဟောမြင်ကွင်း၊ တိုက်စိုး၊ ချင်းတွင်းစာပေ၊ ၁၉၇၈ သြဂုတ်လ။
(၃) မြန်မာနိုင်ငံအလုပ်သမားလှုပ်ရှားမှုသမိုင်း၊ သခင်လွင်၊ ပုဂံစာအုပ်တိုက်၊ ၁၉၆၈ မေလ။
(၄) ကိုလိုနီခေတ် မြန်မာ့သမိုင်းအဘိဓာန်၊ မြဟန်၊ မိုးမင်းစာပေ၊ ၁၉၈၁။
(၅) သာသနာ့ဝန်ထမ်းဆိုတာ သာသနာကို ကာကွယ်ဖို့ပဲ၊ ၂၅ သြဂုတ် ၂၀၀၉၊ ခေတ်ပြိုင်။
ဒေါက်တာလွဏ်းဆွေ ဘလော့ဂ်မှ ထပ်ဆင့်ဖော်ပြသည်။

04 September, 2009

"ဗမာ့စောင်း"



ဤနေရာတွင် ကြည့်ရှုနိုင်ပါသည်။
မူရင်းဂျပန် ဂျပန်ဘာသာဖြင့် (ビルマの竪琴 Biruma no tategoto)ကိုမြန်မာ ဘာသာဖြင့် "ဗမာ့စောင်း" ဟာ ဒါရိုက်တာ Kon Ichikawa ရိုက်ကူးသော စစ်ဆန့်ကျင်ရေး အဖြူအမဲ ရုပ်ရှင် ဇာတ်ကား ဖြစ်သည်။ ဒုတိယကမ္ဘာစစ် မြန်မာပြည်ရောက် ဂျပန်စစ်သား တစ်စုကို ဇာတ်အိမ်တည်ထားကာ မြန်မာပြည်တွင် လာရောက် ရိုက်ကူးခဲ့ခြင်း ဖြစ်သည်။ မြန်မာပြည် ရိုက်ကွင်းများအတွက် အေဝမ်း ရုပ်ရှင်မှ ကူညီပေး ခဲ့သည်။ဒါရိုက်တာ Kon Ichikawa အား ကမ္ဘာကသိစေခဲ့သော အော်စကာဆု နောက်ဆုံး စကာတင် စာရင်းဝင်ခဲ့သည့် ဇာတ်ကားတစ်ကားလည်း ဖြစ်သည်။
ကမ္ဘာ့စစ်ကြီး တွေ ရဲ့ ရူးသွပ် ကြောက်မက်ဘွယ် ကောင်းမူ တွေ ကြား ထဲ က.. လူတယောက် ချင်း စီမှာ ရှိ နေ နိုင် တဲ့ လူသားစိတ် ကလေး ကို၊ အနု ပညာ မြောက် အောင် ဖော် ပြ ထား တာတွေ့ရသည်။
အရာခံဗိုလ် Mizushimaသည် ဗိုလ်ကြီး Inouye၏ တပ်စိတ်မှ ဖြစ်ပြီး မြန်မာစကားအား ကျွမ်းကျင်စွာ ပြောဆိုနိုင် သည်သာမက မြန်မာလူမျိုး နှင့်ပါ ရုပ်ချင်းတူ သူဖြစ်သည်။ ထို့အပြင် မြန်မာ့စောင်းကောက်ကို ကျွမ်းကျင်စွာ တီးခတ်နိုင်သူ လည်းဖြစ်သည်။ Mizushima သည် မြန်မာ စစ်မြေပြင် တွင် တိုက်ခိုက်ရင်း တပ်စု စိတ်ဓာတ် မြှင့်တင်းရေး အတွက် သာမက အမိမြေကိုလွမ်းသည့် အကြောင်းများကို စောင်း ကောက်တီးကာ သီချင်းဆို လေ့ရှိသည်။ တပ်စု တစ်စုလုံး ရွာတစ်ရွာ အရောက်တွင် ဂျပန်တို့ ချွင်းချက် မရှိ လက်နက်ချကြောင်း ကြားသိ ရသည်။ ထို့ကြောင့် ထိုသတင်းကို မသိသေးပဲ တောင်ပေါ်တွင် ဆက် လက်တိုက်ပွဲ ဝင်နေသည့် ဂျပန်တပ်စိတ် တစ်စိတ် ကို သတင်းပေးရန် Mizushima ဆုံးဖြတ်ခဲ့သည်။
ဗြိတိသျှတို့ဘက်မှ မိနစ်၃၀ အပစ်အခတ်ရပ်ပေး ချိန်တွင် ထိုတပ်စိတ် ခိုအောင်းရာ ဂူတွင်းသို့ ဝင်၍ လက်နက် ချရန် ဖျောင်းဖျခဲ့ရာ လက်မခံ ကြပေ။ သို့ဖြစ်၍ Mizushimaမှ တိုတပ်စိတ် အစား အလံဖြူတက်ပြ ရာတွင် အထင်အမြင်လွဲကာ မေ့မျောအောင် ဝိုင်းဝန်း ထိုးကြိတ် ပြီး ဂူထဲတွင် ပစ်ထားခဲ့ကြသည်။ မိနစ်၃၀ပြည့်၍ ဗြိတိသျှတို့က လက်နက် ကြီးဖြင့် ပစ်ခတ်ရာ ထိုတပ်စိတ် တစ်စိတ်လုံး သေဆုံးသွား ခဲ့ပြီးဂူထဲ တွင်မေ့မျော ကျန်ခဲ့သူ Mizushima သာ အသက်ရှင် ကျန်ရစ် ခဲ့သည်။
ဗိုလ်ကြီး Inouyeနှင့် တပ်စိတ်လည်း Mizushima သေဆုံးပြီ အထင်နှင့် မုဒုံရှိ စစ်သုံ့ပန်း စခန်းသို့ လိုက်ပါသွား သည်။ Mizushima သည်မုဒုံရောက် သူ၏တပ်စိတ်နှင့် ပြန်လည်တွေ့ဆုံ နိုင်ရန် ရဟန်း အရောင်ဆောင်ကာ ခြေလျင်ခရီး နှင်လေသည်။ လမ်းတစ်လျှောက် နေရာအနှံအပြား တွင် အစုလိုက် အပြုံလိုက်သေဆုံး နေကြသော ဂျပန်စစ်သား အလောင်းများကို မြင်တွေ့ရာမှ ကောင်းမွန်စွာ သင်္ဂြုလ်ပေးရန် သူ့တာဝန်သာ ဖြစ်ကြောင်း စဉ်းစား မိသည်။ ထို့ကြောင့် Mizushima သည်လမ်း တစ်လျှောက် မြင်မကောင်းအောင် သေဆုံးနေကြသော ဂျပန်စစ်သား အလောင်းများကို တစ်ဦးတည်း လိုက်လံမြုပ်နှံ သင်္ဂြုလ်ရင်း မုဒုံသို့ ရောက်ရှိ လာခဲ့သည်။ သို့သော် မုဒုံအရောက် တွင် ၎င်း၏တပ်နှင့် အတူဂျပန် မပြန်လိုတော့ပဲ ကျန်ရှိနေသေးသော အလောင်းများကို လိုက်လံ မြုပ်နှံရင်း ငြိမ်းချမ်းသော ဗုဒ္ဓဘာသာ ရဟန်းအဖြစ်ဖြင့် မြန်မာပြည်တွင် နေရစ် ခဲ့တော့သည်။

Burma VJ ကြည့်ပြီ်းပြီလား

မြန်မာပြည်မှာနေဖူးတဲ့ ပြည်သူတွေက ဘယ်လိုဖိနှပ် သတင်းတွေ ဘယ်လိုအမှောင်ချထားတယ်ဆိုတာ ပိုပြီး သိနားလည်ကြမှာပါ..သတင်းသမားများရဲ့ အသက်နဲ့ကြေးထပ်ရင်း ရိုက်ကူးခဲ့ရတဲ့ ဒီမှတ်တမ်းတင် ရုပ်ရှင်ကားကို ယခုအခါ youtube တွင် အပိုင်းလိုက်ကြည့်ရှုနိုင်ပါတယ်။



Burma VJ : Reporting from a Closed Country မြန်မာဗွီဒီယိုသတင်းသမား ဖိနှိပ်ခံနိုင်ငံက သတင်းပေးပို့ခြင်းလို့ခေါ်တဲ့ မှတ်တမ်းတင် ရုပ်ရှင်ကားဟာ မကြာခင်က အမေရိကန်ပြည်ထောင်စုမှာ ကျင်းပပြီးစီးသွားတဲ့ မှတ်တမ်းတင်ရုပ်ရှင်ပွဲတော် တခုမှာ ဆု ၃ ခု ဆွတ်ခူးရရှိခဲ့ပါတယ်။ ဒီကားဟာ ၂၀၀၇ ခုနှစ် ရဟန်းရှင်လူ ပြည်သူ့လှုပ်ရှားမှုအကြောင်း မှတ်တမ်းတင် ရိုက်ကူးထားတဲ့ ၈၅ မိနစ်ကြာ ရုပ်ရှင်ဖြစ်ပါတယ်။ ဒီ Burma VJ မှတ်တမ်းတင်ကားကို အမေရိကန်ပြည်ထောင်စု မြောက်ကာရိုလိုင်းနားပြည်နယ်က ဒါရမ် (Durham) မြို့မှာ ကျင်းပခဲ့တဲ့ Full Frame မှတ်တမ်းတင် ရုပ်ရှင်ပွဲတော်မှာ ဆု ၃ ခု ချီးမြှင့်ခြင်းခံခဲ့ရတာပါ။ ဒီပွဲတော်ကို လွန်ခဲ့တဲ့ ၁၂ နှစ်က စလို့ နှစ်စဉ် ဧပြီလမှာ ကျင်းပပြီး တကယ့်အဖြစ်အပျက် အကြောင်းအရာတွေကို မှတ်တမ်းတင် ရိုက်ကူးထားတဲ့ ကားတွေ ကို ဆုချီးမြှင့်တာ ဖြစ်ပါတယ်။

ဧပြီလ ၄ ရက်ကနေ ၇ ရက်အထိ ကျင်းပခဲ့တဲ့ ဒီပွဲတော်မှာ ရုပ်ရှင်ရိုက်ကူးထုတ်လုပ်သူတွေ အပါအ၀င် လာရောက်အားပေး သူပေါင်း ၇,၀၀၀ ကနေ ၁၀,၀၀၀ လောက်အထိ ရှိတယ်လို့ ဆိုပါတယ်။ Burma VJ ကားရဲ့ ဗွီဒီယိုရုပ်ပုံတွေကို နော်ဝေး အခြေစိုက် Democratic Voice of Burma (DVB) က ဗွီဒီယိုသတင်းသမားတွေဆီက ရယူပြီး ဒိန်းမတ်နိုင်ငံသား အန်ဒါစ် အော့စ်တာဂါ့ဒ် (Anders Ostergaard) က ဒါရိုက်တာအဖြစ် စီမံပြီး ထုတ်လုပ်ဖြန့်ချိခဲ့တာ ဖြစ်ပါတယ်။

ဒီပွဲတော်မှာ ကမ္ဘာ့နိုင်ငံအသီးသီးက အကြောင်းအရာ အမျိုးမျိုးကို မှတ်တမ်းတင်ထားတဲ့ ရုပ်ရှင်ပေါင်း ၁,၂၀၀ လောက် ပါဝင်ယှဉ်ပြိုင်ခဲ့ရာမှာ Burma VJ ဟာ ဆုရရှိခဲ့တဲ့ မှတ်တမ်းတင်ရုပ်ရှင်ပေါင်း ၁၀ ခုထဲက တခုဖြစ်ပါတယ်။ ဆုပိုင်ရှင်တွေ ကို ဘယ်လို ရွေးချယ်သလဲဆိုတာနဲ့ ပတ်သက်ပြီး ဒီပွဲတော် စီမံကျင်းပရေး ညွှန်ကြားရေးမှူး မစ္စ စေဒီတေလာရီ (Ms. Sadir Tillery) က အခုလို ရှင်းပြပါတယ်။

“ကျမတို့ဆီမှာ ပါဝင်ယှဉ်ပြိုင်လိုတဲ့အတွက် လျှောက်လွှာတင်သွင်းလာတဲ့ ရုပ်ရှင် ၁,၂၀၀ လုံးကို အကဲဖြတ်တဲ့အဖွဲ့ဝင် အယောက် ၂၀ ပါ ကော်မတီတခု ရှိပါတယ်။ အဲဒီထဲကမှ ၁၀၀ ကိုရွေးတယ်၊ အဲဒီနောက် လက်ရွေးစင် ၁၀ ကားကို နောက်ဆုံး ရွေးတာပါ။”

Burma VJ ကား ရရှိခဲ့တဲ့ ဆု ၃ ခုကတော့ Anne Dellinger Grand Jury Award လို့ ခေါ်တဲ့ အနုပညာ လက်ရာမြောက်မှု အတွက် ပေးတဲ့ဆု၊ နောက်တခါ မြောက်ကာရိုလိုင်းနားပြည်နယ် ဒုခ် (Duke) တက္ကသိုလ် မှတ်တမ်းတင်ရုပ်ရှင်လေ့လာရေး ဌာနကနေပြီး ပညာရေးနဲ့ အပြောင်းအလဲ ဖော်ဆောင်ရေးအတွက် တွန်းအားဖြစ်စေတဲ့အတွက်ကြောင့် ပေးတဲ့ဆု၊ နောက် Full Frame / Working Films Award လို့ခေါ်တဲ့ ပြည်သူလူထုကို လူ့ဘောင်ပြောင်းလဲတိုးတက်ရေးအတွက် စုစည်း လုပ်ဆောင် ချင်စိတ်ဖြစ်အောင် လှုံ့ဆော်မှုတွေကြောင့် ပေးတဲ့ဆုတို့ပဲ ဖြစ်ပါတယ်။

Burma VJ မှတ်တမ်းတင်ကားဟာ Full Frame ဆုအပြင် တခြားအဖွဲ့တွေက ပေးအပ်တဲ့ မှတ်တမ်းတင် ရုပ်ရှင်ဆုတွေကို လည်း ရရှိခဲ့ပြီးဖြစ်ပါတယ်။ ဒီ Burma VJ မှတ်တမ်းတင်ကားကို လာမယ့် မေလ ၈ ရက် နယူးယောက်ခ်မြို့မှာ သတင်းစာ ရှင်းလင်းပွဲနဲ့အပြီး ရုံတင်ပြသခဲ့ ပါတယ်။

Followers