မလေးရှားသွား တောလား

လေဆိပ်မှာ တွေ့ရတဲ့ အလုပ်ရှင် လာအခေါ် စောင့်နေဆဲ အလုပ်သမားများ

ကျွန်တော့်ရဲ့ မလေးရှားနိုင်ငံ ကွာလာလမ်ပူ လေဆိပ်မှာ တွေ့ကြုံခဲ့ရတဲ့ အဖြစ်အပျက် လေးတစ်ချို့ပါ။ မလေးရှားနိုင်ငံကို လာ ရောက် အလုပ် လုပ်ကိုင်မဲ့ သူငယ်ချင်း တွေကို ပြောပြချင်လို့ပါ။
ကျွန်တော်က ၂၀၀၉ ၊ ဧပြီလ အတွင်းမှာ မလေးရှားကို ရောက်လာခဲ့တာပါ။ ကျွန်တော် စီးလာတဲ့ လေယာဉ်က KL လေဆိပ်ကို ညနေ ၅ နာရီခွဲလောက်မှာ ဆိုက်ပါတယ်။ လေယာဉ်ပေါ်က ဆင်းပြီး Immigration ကို ရောက်တဲ့အထိတော့ အားလုံး အိုကေပါပဲ။ Immigration ကို လွန်တာနဲ့ ဒုက္ခက စတွေ့တော့တာပဲ။ လေယာဉ်ပေါ်မှာ ပါလာသမျှ လူတွေထဲက အလုပ်လုပ်ဖို့ လာတဲ့လူတွေ အကုန်လုံးကို ကြမ်းပြင်ပေါ်မှာပဲ မိန်းမ၊ ယောက်ျား ခွဲပြီးထိုင်ခိုင်းထား ပြီးတော့ ရဲတွေကစောင့်ကြည့် နေပါတယ်။ ပတ်စပို့ စာအုပ်တွေကိုလည်း သိမ်းထားလိုက်ပါတော့တယ်။ အဲဒီအချိန်မှာ ဗီယက်နမ် ကောင်လေးတစ်ယောက်က ဖုန်းဆက်ချင်လို့ ရဲကိုလက်ဟန်ပြပြီး အကူအညီတောင်းမိတာ ရဲက ဘာမပြော ညာမပြောနဲ့ နားရင်းအုပ်လိုက်တာကို ထူးထူးဆန်းဆန်းပဲ စတွေ့လိုက်ရပါတယ်။ အားလုံးကလည်း ဒီအတိုင်း ဘာမှ ဝင်မပြောရဲဘဲ ကြည့်နေကြပါတယ်။
အဲဒီမှာ တစ်နာရီနီးပါးလောက် ကြာတယ်။ ပြီးမှ ခရီးဆောင်အိတ်တွေ စုပုံထားတဲ့နေရာကို တန်းစီသွားပြီး ကိုယ့်အိတ်ကိုယ် ရှာဖွေယူရပါတယ်။ ပြီးရင်တော့ ကိုယ့်အထုပ်ကိုယ်ဆွဲပြီးတန်းစီပြီး ချီတက်ပေတော့ပဲ။ အဲဒီမှာ ရဲတွေက ရပ်ဆိုရပ် သွားဆိုရင်သွား၊ ဘာမှလုပ်မနေနဲ့၊ မရဘူး။ ဒီကြားထဲ လှေခါးထစ် အတက်အဆင်းတွေမှာ ကြာနေရင် နောက်ကနေများ တုတ်နဲ့ရိုက်တော့မယ့်အတိုင်း အော်နေလိုက်တာများ မြန်မာပြည်မှာ စစ်တပ်နောက် လိုက်ရတဲ့ ပေါ်တာတွေကျနေတာပဲ။ ဒီကြားထဲ အထုပ်တွေ ဘေးချပြီး ဆောင့်ကြောင့်ထိုင်နေရတဲ့ နေရာတွေ ရှိသေးတယ်။
နောက်ဆုံးမှာတော့ ကားပါကင်နေရာကို ပြင်ပြီး အခန်းဖွဲ့ထားတဲ့ ထိန်းသိမ်းရေးစခန်းလို နေရာမျိုးကို ရောက်မှပဲ ခရီးဆုံးတော့တယ်။ အဲဒီနေရာမှာ မြန်မာ၊ ဘင်္ဂလားဒေ့ရှ်၊ နီပေါ၊ ဗီယက်နမ် စသည်ဖြင့် အခန်းတွေခွဲပြီး ထားပါတယ်။ အမျိုးသမီးတွေက တစ်ခန်း သီးသန့်ပါ။ အခန်းဝမှာ ရဲတွေကစောင့်နေပါတယ်။ အခန်းထဲမှာက ခါးလောက်မြင့်တဲ့ စားပွဲကျယ်ကြီးတွေ ချထားပါတယ်။ လာကြိုမယ့်လူတွေမလာမချင်း အဲဒီမှာအိပ်ပြီး စောင့်ပေတော့။ လူအရမ်းများနေရင်တော့ ကြမ်းပြင်မှာ အိပ်ရပါလိမ့်မယ်။ အစားအသောက် ဝယ်ချင်ရင် အပေါက်ကျဉ်းကျဉ်းလေးကနေ လှမ်းဝယ်နိုင်တယ်။ ဖုံးဆက် ချင်ရင် အဲဒီကရဲတွေဆီကဖုန်းနဲ့ ဆက်လို့ရတယ်။ ပြည်တွင်း တစ်ခါဆက်ရင် 5.00 Rm (ရင်းဂစ်)တော့ ပေးရလိမ့်မယ်။ အချုပ်ကျနေတဲ့ လူတွေနဲ့ ဘာမှမထူးဘူး။ လေဆိပ်ကြီးတစ်ခုလုံး လေအေးပေးစက်တွေအပြည့်တပ်ထားပေမဲ့ အဲဒီ အခန်းတွေထဲမှာတော့ ပန်ကာတစ်လုံးစီပဲရှိတယ်။ မလေးရှားလေဆိပ် အကြောင်းကိုကြိုတင်သိမထားတဲ့ လူတွေကတော့ အိမ်ပြန်ချင်စိတ်ပေါက်သွားမှာ အသေအချာပါပဲ။ မြန်မာပြည်က အေးဂျင့်တွေကတော့ အဲဒီအကြောင်းတွေကို လုံးဝပြောပြလေ့မရှိတာ သေချာပါတယ်။
သူတို့ကတော့ဘာမှစိတ်မပူနဲ့၊ လေဆိပ်မှာလာကြိုနေမှာ ၊ ဘာညာပြောပြီး လေယာဉ်ပေါ် ထိုးတင်ပေးလိုက်ကြတာပဲများပါတယ်။ လေဆိပ်မှာလာမကြိုမချင်း ဒုက္ခရောက်ရတာတွေကိုတော့ တစ်ကွက် ချန်ထားကြတယ်။
တစ်ချို့ဆိုရင် ၃/၄ ရက်လောက်နေပြီးတာတောင် အေးဂျင့်တွေက လာမကြိုသေးလို့ အရမ်းဒုက္ခရောက် ကြတယ်။ တစ်ပတ်လောက်နေလို့မှ လာမကြိုရင်တော့ အချုပ်ထဲရောက်ဖို့ သေချာနေပြီ။ အဲဒီနေရာမှာပဲ လာကြိုမဲ့လူ မလာမချင်းစောင့်နေရတယ်။ အဲဒါကတော့ မလေးရှားနိုင်ငံ ကွာလာလမ်ပူလေဆိပ်ရဲ့ ထုံးစံတွေ ပါပဲ။ နောက်ဆုံးမှသိရတာ တစ်ခုကတော့ နိုင်ငံခြားသားတွေအနေနဲ့ မလေးရှားနိုင်ငံရဲ့ လေဆိပ်အ၀င်ကို ရောက်လာပေမယ့်လည်း နိုင်ငံအတွင်းဝင်ခွင့်ရရေး/ မရရေးဟာ မလေးရှားနိုင်ငံ လူဝင်မှုကြီးကြပ်ရေး အရာရှိ ရဲ့ ဆုံးဖြတ်ချက်ကသာ အရေးအကြီးဆုံးဖြစ်တယ်ဆိုတာ သိလိုက်ရလို့ပါပဲ ။
ဒါက ကျွန်တော် ကိုယ်တိုင်ကြုံခဲ့ရတဲ့ အတွေ့အကြုံဟာ နောက်လာမယ့်သူတွေအတွက် ကြိုတင်ပြင်ဆင် နိုင်အောင် သိထားသင့်တဲ့အချက်တွေပါ။ အစာပြေစားစရာ ပေါင်မုန့်၊ သောက်စရာရေဗူးနဲ့ အနွေးထည် တစ်ထည်လောက်လည်း ကြိုယူလာသင့်တာပေါ့။ ဒါ.. အစပဲရှိသေးတယ်။ ဒါပေမယ့် အခံရခက်ခက်ပါပဲ။

Posted by- မင်းမင်း