ခေါင်းဆောင်များ မွေးနေ့

၂၀၀၇-ခုနှစ် ရွှေဝါရောင်တော်လှန်ရေး ခေါင်းဆောင် အရှင်ဂမ္ဘီရရဲ့ မွေးနေ့နဲ့ လူထုခေါင်းဆောင် ဒေါ်အောင်ဆန်းစုကြည်တို့ ရဲ့ မွေးနေ့ဟာ ရက် တူပါတယ် - ဇွန်လ ၁၉-ရက်နေ့  ဖြစ်ပါတယ်။ 

၂၀၀၇ ခုနှစ် ရွှေဝါရောင်တော်လှန်ရေးခေါင်းဆောင် အရှင်ဂမ္ဘီရ၏ (၃၁) နှစ်မြောက် မွေးနေ့အမှတ်တရ အထိမ်းအမှတ် သ၀ဏ်လွှာ။

ဇွန်လ (၁၉) ရက်နေ့ တွင် ကျရောက်မည့် ရွှေဝါရောင်တော်လှန်ရေးခေါင်းဆောင် အရှင်ဂမ္ဘီရ၏ မွေးနေ့  အတွက် -

အမှန်တရားအတွက် ရဲရဲဝံ့ဝံ့ ထောင်တွင်း၌ အကျဉ်းကျခံနေရသော အရှင်ဘုရားအား အရှင်ဘုရား၏ မွေးနေ့မင်္ဂလာ အခါသမယမှာ အရှင်ဘုရားနဲ့အတူ ထပ်တူထပ်မျှ ခံစားရပါကြောင်း၊ ဘုရားတပည့်တော်တို့ အဖွဲ့မှလည်း အရှင်ဘုရား၏ မွေးနေ့ပွဲ၌ အရှင်ဘုရားနှင့်အတူ ထောင်တွင်း၌ အကျဉ်းကျခံနေရသော ရဟန်းရှင်လူပြည်သူအပေါင်းတို့ စိတ်၏ချမ်းသာခြင်း ကိုယ်၏ကျန်းမာခြင်းနှင့် ပြည့်စုံကြ၍ အမြန်ဆုံး လွတ်မြောက် နိုင်ကြပါစေဟု ဆုမွန်ကောင်းတောင်းလိုက်ပါတယ်။

ဦးနေမိန္ဒ

ဦးထာဝရ

မြန်မာနိုင်ငံလုံးဆိုင်ရာ သံဃာ့ကိုယ်စားလှယ်အဖွဲ့။

ကားလ်မာက်စ်ရေးခဲ့တဲ့ မြန်မာနိုင်ငံအကြောင်း ဆောင်းပါး

( Freedom news group မှ ထပ်ဆင့်ဖော်ပြပါသည်။)
ဘုန်းသက်ပိုင်  ယခုအပတ်ထုတ် ပေါ်ပြူလာဂျာနယ် မှ ကူးယူဖော်ပြပါသည်။
၁၈ ရာစုမှာ စက်မှုထွန်းကား လာမှုနဲ့အတူ ပေါ်ပေါက် လာ ခဲ့တဲ့ အရင်းရှင်စနစ်ဟာ ၁၉ ရာစုအတွင်း မှာ အရှိန် အဟုန် နဲ့ တိုးတက်လာခဲ့ပါ တယ်။ စက်မှုထွန်းကား တဲ့အရင်းရှင် နိုင်ငံကြီးတွေဟာ သူတို့ရဲ့ ဈေးကွက် နဲ့ စား ကျက်မြေ တွေကို အပြိုင် အဆိုင် တစ်စတစ်စ ချဲ့ထွင်ခဲ့ကြ ရာမှာ ကမ္ဘာ့ နေရာ အနှံ့ အပြား က နယ်မြေတွေကို အလု အယက် နယ်ချဲ့သိမ်းပိုက်ခဲ့ကြပါတယ်။
နယ် ချဲ့ အရင်းရှင် စနစ်နဲ့ ပတ်သက်ပြီး လီနင်က အရင်းရှင်စနစ်ရဲ့ အမြင့် ဆုံးနဲ့ နောက်ဆုံး အဆင့်ဖြစ်တယ်လို့ ဆိုခဲ့သလိုပါပဲ။ အရင်းရှင် စနစ်ဟာ အရှိန်နဲ့ ဖွံ့ဖြိုးလာရာက လက်ဝါး ကြီးအုပ် အရင်း ရှင် စနစ်ဆီ ကူး ပြောင်းပြီး ကမ္ဘာ ကြီးကို အလု အယက် ခွဲဝေ သိမ်းပိုက်ခဲ့ပါတယ်။ ဒါကြောင့် ကမ္ဘာ့ဖွံ့ဖြိုးမှု နည်းပါး တဲ့၊ သယံဇာတ အရင်း အမြစ်တွေ ပေါကြွယ်လှတဲ့ နယ်မြေ အများ အပြားဟာ နယ်ချဲ့အရင်းရှင်နိုင်ငံ ကြီးတွေရဲ့ ကိုလို နီ နယ်တွေ ဖြစ် ကုန်ကြပါတယ်။ ဒီကမ္ဘာ့နယ်ချဲ့ စနစ် ရဲ့လှိုင်းကို မြန်မာနိုင်ငံဟာ လည်း ရှောင်လွှဲ မရနိုင် ခဲ့ပါဘူး။ မြန်မာနိုင်ငံဟာ ဗြိတိသျှရဲ့ သုံးကြိမ်တိုင် စစ်ပြုတာကို ခံခဲ့ရပြီး ၁၈၈၅ မှာ ဗြိတိသျှ ကိုလိုနီ ဘဝ ကို ကျရောက်ခဲ့ပါတယ်။ ဗြိတိသျှတွေ ဟာ ၁၈၂၆ မှာ ပထမအကြိမ်၊ ၁၈၅၂ မှာ ဒုတိယအကြိမ်နဲ့ ၁၈၈၅ မှာ တတိယနဲ့ နောက်ဆုံးအကြိမ်စစ်ပြုခဲ့ပြီး မြန်မာတစ်နိုင်ငံလုံးကို သိမ်းပိုက် ကိုလိုနီ ပြု ခဲ့ကြ ပါတယ်။ ဒါဟာ ကမ္ဘာ့အရင်းရှင်စနစ် အထိန်း အကွပ်မဲ့ ဖွံ့ဖြိုးလာမှုရဲ့ အကျိုးဆက် တွေပဲဖြစ်ပါတယ်။ ဒီလို အင်္ဂလိပ် – မြန်မာတတိယ စစ်ပွဲ ဆက်ဖြစ်ပြီး မြန်မာနိုင်ငံကို ကိုလိုနီပြုမယ့်အခြေ အနေကို ကမ္ဘာ ကျော်တွေးခေါ်ရှင် ကြီး ကားလ်မာ့က်စ်က ၁၈၅၂ အင်္ဂလိပ်-မြန်မာ ဒုတိယစစ်ပွဲ ပြီးဆုံး စဉ်ကတည်းက နောက်ခံအခြေ အနေအရပ်ရပ်ကို သုံးသပ်ပြီး အင်္ဂလိပ်-မြန်မာတတိယစစ်ပွဲဟာ ရှောင်လွဲ မရနိုင် တော့ဘူး လို့ ဟော ကိန်း ထုတ်ခဲ့ပါတယ်။
ဒီသုံးသပ်ချက်ကို ကားလ် မာ့ခ်စ်က ၁၈၅၃ ဇူလိုင်လ ၁၅ ရက်နေ့မှာ ရေးသားခဲ့ပြီး ၁၈၅၃ ဇူလိုင် ၂၅ ရက်နေ့ ထုတ် New York Daily Tribune မှာ ပထမ အကြိမ်အဖြစ် ပုံနှိပ်ဖော်ပြခဲ့ပါတယ်။ ဂျာမန်တွေးခေါ်ရှင် ကားလ်မာ့ခ်စ် ဟာ ၁၈၁၈ မေလ ၅ ရက်နေ့မှာ ဂျာမနီနိုင်ငံ တရိယာ (Trie) မှာ မွေး ဖွားခဲ့ပြီး အဲဒီမှာပဲ ကျောင်းတက်ခဲ့ပါ တယ်။ နောက် ဘွန်းတက္ကသိုလ်နဲ့ ဘာလင်တက္ကသိုလ်တို့ကို တက်ခဲ့ပြီး ဘာလင် တက္ကသိုလ်က ပါရဂူဘွဲ့ ရရှိခဲ့ပါတယ်။ ၁၈၄၂ မှာ Rheini-sehe Zeiturg သတင်းစဉ်ရဲ့ အယ် ဒီတာချုပ်အဖြစ် ဆောင်ရွက် ခဲ့ပြီး ၁၈၄၃ မှာ အဲဒီစာစောင်ဟာ အပိတ် ခံရပါတယ်။ အဲဒီနှစ်မှာပဲ အိန်ဂျယ်နဲ့ တွေ့ဆုံခဲ့ပြီး ပါရီကို ပြောင်းရွှေ့ခဲ့ပါ တယ်။ အဲဒီနောက် ဘရပ်ဆဲလ် မှာ နေထိုင်ခဲ့ပြီး ဘရပ်ဆဲလ် မှာပဲ မာက်စ် ဝါဒရဲ့ အခြေခံအကျဆုံးတွေ ဖြစ်ကြ တဲ့ The Germen Ideology နဲ့ Theses on Feuerbach တို့ကို သူတို့နှစ်ဦး ရေးသားခဲ့ကြတယ်။ ၁၈၄၈ မှာ ဥရောပတစ်ခွင် ဖြစ်ပွား ခဲ့တဲ့ တော်လှန်ရေးတွေကို လေ့လာ ရုံတင်မက ပါဝင်ခဲ့ကြပါတယ်။ ဒါကြောင့် ဘယ်လ်ဂျီယံ အစိုးရက နှင်ထုတ်ခဲ့ပြီး ဂျာမန်ကို ပြန်ရောက် ခဲ့ပါတယ်။ ဂျာမနီတော်လှန်ရေးမှာ လည်း ပါဝင်ခဲ့လို့ ၁၈၄၉ မှာ ပြည် နှင်ဒဏ် ပေးခံခဲ့ရ ပြန် ပါတယ်။ ၁၈၄၉ မှာ ပါရီ၊ အဲဒီနောက် လန်ဒန်မှာ နေထိုင်ခဲ့ပါတယ်။ မာ့ခ်စ်ဟာ ၁၈၈၅ မှာ လန်ဒန်မှာပဲ ကွယ်လွန်ခဲ့ပါ တယ်။ မာ့ခ်စ်ဟာ လန်ဒန်မှာ ရှိနေ စဉ် New York Daily Tribune မှာ ဆောင်းပါးတွေ ရေးသားခဲ့ရာမှာWar in Burma – The Russian Question Curious Diplomatic Correspondence လည်း ပါဝင် ပါတယ်။ အဲဒီဆောင်းပါးဟာ အင်္ဂလိပ်-မြန်မာ ဒုတိယစစ်ပွဲအပြီး မကွေးမင်းကြီး ဦးဆောင်တဲ့ သံ အဖွဲ့က စစ်ပြေ ငြိမ်းစာချုပ်ကို လက်မခံဘဲ ပြန်သွားတဲ့သတင်း ရောက်လာတဲ့အချိန်မှာ ရေးသားခဲ့ တာပါ။ မာ့ခ်စ် ဒီဆောင်းပါးရေးတဲ့ နေ့စွဲက ၁၈၅၃ ဇူလိုင် ၁၅ ရက်နေ့ ဖြစ်ပြီး ဇူလိုင် ၃ဝ နေ့ထုတ် New York Daily Tribune မှာ ပထမ အကြိမ် ပုံနှိပ်ဖော်ပြခဲ့ပါတယ်။ အခု အဲဒီ ဆောင်းပါးထဲက မြန်မာနိုင်ငံ နဲ့ ပတ်သက်တဲ့အပိုင်းကို ထုတ်နုတ် တင်ပြလိုက်ပါတယ်။ ရှားရှားပါးပါး ဆောင်းပါးတစ်ပုဒ်လည်း ဖြစ်တာ ကြောင့်ပါ။
x x x
အိန္ဒိယကနေ ကုန်းလမ်းက နောက်ဆုံးဝင်လာတဲ့စာအရ ဗမာ သံအဖွဲ့ဟာ ဗိုလ်ချုပ်ကြီး ဂေါ့ဒ်ဝင် အဆိုပြုထားတဲ့ စစ်ပြေငြိမ်းရေး စာချုပ်ကို လက်မခံဘဲ ငြင်းပယ်ခဲ့ တယ်လို့ သိခဲ့ရပါတယ်။ ဗိုလ်ချုပ် ကြီးဟာ သူတို့ကို ပြန်လည်သုံးသပ် ဖို့ ၂၄ နာရီကျော်ကြာ အချိန်ပေးခဲ့ ပါတယ်။ ဒါပေမဲ့ ဗမာတွေက ၁ဝ နာရီအတွင်းမှာပဲ ထွက်ခွာသွားခဲ့ပါ တယ်။ ရှည်လျားလှတဲ့ ဗမာပြည် စစ်ပွဲကြီးရဲ့ တတိယပိုင်းဟာ ရှောင် လွှဲမရတော့တဲ့ပုံပါပဲ။ အရှေ့ဘက်မှာ ဗြိတိသျှရဲ့ စစ်လိုလားတဲ့ စူးစမ်းရှာဖွေရေးအဖွဲ့ ဝင်တွေထဲက ဘယ်သူမှ ဗမာပြည် ကို တိုက်ခိုက်တာလောက် အကြောင်းပြချက် သိပ်မခိုင်လုံတဲ့ အခြေခံတွေအပေါ်မှာ တစ်ကြိမ် တစ်ခါမှ တာဝန်မယူခဲ့ဖူးပါဘူး။ အဲဒီ ဘက်ခြမ်းကနေ ကျူးကျော်မယ့် အန္တရာယ်ဆိုတာ ဖြစ်နိုင်ခြေ မရှိပါ ဘူး။ ဘာကြောင့်လဲဆိုတော့ အဲဒီ နေရာဟာ အနောက်မြောက်ဘက် ဘင်္ဂလားနယ်ဖြစ်ပြီး တောင်စဉ် တောင်တန်းတွေက ဗမာပြည် နဲ့ ပိုင်းခြား ထားလို့ ခြေလျင်တပ်တွေ ဖြတ်ကျော်ဝင်ရောက်နိုင်ခြင်းမရှိလို့ ပါပဲ။ ဗမာပြည်နဲ့ စစ်ဆင်ဖို့ဆိုရင် အိန္ဒိယအစိုးရဟာ ပင်လယ်ကို မလွဲမသွေ ဖြတ်ဖို့ လိုပါတယ်။ ဗမာ တွေက ရေကြောင်းကနေ ကျူး ကျော်ရန်စမှုတွေအကြောင်း ပြောရ တာ ရယ်စရာပါပဲ။ ဘာဖြစ်လို့လဲ ဆိုတော့ ကုမ္ပဏီ (အရှေ့အိန္ဒိယ ကုမ္ပဏီ)ရဲ့ စစ်သင်္ဘောတွေနဲ့ သူတို့ ရဲ့ ကမ်းခြေသွားလှေငယ်တွေကို ရင်ဆိုင်စေတဲ့စိတ်ကူးဟာ လုံးဝမဖြစ် နိုင်လို့ပါပဲ။ ယန်းကီး တွေ(အမေရိကန် တွေ)မှာ ပဲခူးကိုအသုံးချဖို့ သိမ်းယူ လိုစိတ်တွေ အပြင်းအထန်ရှိနေခဲ့ တယ်ဆိုတဲ့ ပြောဆိုမှုဟာ တကယ့် အခြေအနေ မှန်တွေ အပေါ် အခြေပြု မထားပါဘူး။ ဒါကြောင့် ဆင်းရဲချို့တဲ့ နေတဲ့ မှူးမတ်အနွှယ်(အထက်တန်း လွှာ)အတွက် အလုပ်အကိုင်လိုချင် မှု၊ ရာထူး အဆင့် အတန်းလိုအပ်မှု ကလွဲလို့ တခြားအကြောင်းအချက် မရှိတော့ပါဘူး။ အင်္ဂလိပ်စာရေး ဆရာတစ်ဦး ပြောသလို သမား ရိုးကျအရည်အချင်းရှိ အလုပ် ပေးတဲ့ ဂေဟာ၊ ဒါမှမဟုတ် အရှေ့က Hampton Court မျိုးပါပဲ။ Hampton Court ဟာ လန်ဒန် အနီး သိမ်းမြစ်ကမ်းနဖူးမှာရှိတဲ့ နန်းတော် တစ်ခုပါပဲ။ ၁၆ ရာစုကနေ ၁၈ ရာစုအထိ အင်္ဂလိပ်ဘုရင်တွေ နေထိုင်ခဲ့တဲ့နေရာပါပဲ။ မာ့ခ်စ်တို့ ခေတ် ရောက်တော့ အငြိမ်းစား တော်ဝင် မျိုးနွယ်တို့ နေထိုင်ရာ နေရာဖြစ်ခဲ့ပါတယ်။ ပထမ ဗမာ ပြည်စစ်ပွဲ(၁၈၂၄-၂၆)ဟာ လေထဲ တိုက်အိမ်ဆောက်နေတဲ့ လော့ဒ် အမ်းဟာ့စ်တ် ရဲ့ အစိုးရ လက် ထက် မှာ ဖြစ်ပွားခဲ့တာပါ။ ဒီစစ်ပွဲဟာ ၂ နှစ်ကျော်လောက်ပဲ ကြာခဲ့ပေမယ့် အိန္ဒိယကြွေးမြီတွေထဲ ပေါင် ၁၃ သန်း ထပ်တိုးသွား စေခဲ့ပါတယ်။ စင်ကာပူ၊ ပီနန်နဲ့ မလက္ကာတို့မှာ အခြေချနေထိုင်မှုတွေကို ဆက်ထိန်း ထားတာဟာ (တပ်ဖွဲ့ဝင်တွေကို ပေးတဲ့လစာမပါဘဲ) နှစ်စဉ် အသုံး စရိတ် ဝင်ငွေပမာဏထက် ပေါင် တစ်သိန်းအထိ ကျော်လွန်နေစေပါ တယ်။ ၁၈၂၆ ခုနှစ်က ဗမာတွေ ဆီက သိမ်းယူခဲ့တဲ့နယ်မြေတွေဟာ အများကြီး ကုန်ကျပါတယ်။ ပဲခူး နယ်မြေဟာ ပိုမိုပျက်စီးနေဆဲရှိပါ တယ်။ အခုတော့ ဒါဟာ အင်္ဂလန် က ဥရောပမှာ အလိုအပ်ဆုံးစစ်ပွဲကို (အခု ရုရှကို ရင်ဆိုင်နေ သလို) လက် တွန့်နေပြီး တစ်ချိန်တည်းမှာပဲ အင်္ဂလန်ဟာ တစ်နှစ်ပြီးတစ်နှစ် အာရှမှာ အဆင်အခြင်အမဲ့ဆုံးစစ်ပွဲ တွေထဲ ဘာကြောင့် လှိမ့်ဝင်နေ သလဲဆိုတဲ့ အကြောင်းပါပဲ။ တိုင်း ပြည်ရဲ့ကြွေးမြီဟာ အင်္ဂလန်ကို ဥရောပမှာ စိုးရိမ်တုန်လှုပ်လာစေခဲ့ ပါတယ်။ အာရှမှာ ဆင်နွှဲနေတဲ့ စစ်ပွဲတွေရဲ့ ကုန်ကျစရိတ်ကို ဟိန္ဒူ တွေနဲ့ ပခုံးတွေပေါ် တင်ပေးထား ပါတယ်။ ဒါပေမဲ့ နောက်ထပ် ဗမာ စစ်ပွဲရဲ့ကုန်ကျစရိတ်တွေ ပေါင်း ထည့် ထားပြီး ဘင်္ဂလားရဲ့ ဘိန်းနှစ် စဉ်ဝင်ငွေတွေ အခု ပျောက်ကွယ် လုနီးပါးဖြစ်မှုကနေ ကျွန်တော်တို့ မျှော်မှန်းနိုင်တာက အဲဒီအသုံးစရိတ် တွေဟာ အိန္ဒိယဘဏ္ဍာရေးထဲ အကျပ်အတည်းလိုမျိုးကို ဖြစ်ပေါ် စေမှာဖြစ်ပြီး အင်္ဂလန်က ပါလီမန် ပြုပြင်ပြောင်းလဲရေးသမားတွေရဲ့ ဟောပြော ချက်တွေ၊ စာတမ်းတွေ အားလုံးထက် အိန္ဒိယအင်ပါယာကြီး ရဲ့ လုံးဝပြောင်းလဲမှုကို ဖြစ်ပေါ်စေ လိမ့်မယ်ဆိုတာပါပဲ။
ဘုန်းသက်ပိုင်

မျက်ဝန်းများနှင့် နားလည်မိခြင်း

ရွှေအိမ်စည် | သောကြာနေ့၊ ဇွန်လ ၁၁ ရက် ၂၀၁၀ ခုနှစ် ၁၆ နာရီ ၅၁ မိနစ်

(မဇျွိမ သတင်းဌာနမှ ဖော်ပြသည်။)

“မျက်ဝန်းများနဲ့ပြောပါ

ဒါ အလှဆုံးစကားထက်
ပိုပြီးလှနေမယ်
ဒီမျက်ဝန်းများနဲ့ နားလည် ….”
(ထူးအိမ်သင်၏ ‘စကာလုံးမရှိတဲ့ ကောင်းကင်’ တေးစီးရီးမှ သီချင်း)

(က)

တပါးသူများကဲ့သို့ပင် ကျနော့်တွင်လည်း မျက်ဝန်းတစုံရှိ၏။ မျက်ဝန်းက နက်နက်မှောင်မှောင်၊ သူငယ်အိမ် ကျဉ်းခြင်း၊ ကျယ်ခြင်း၊ စွေခြင်း၊ စောင်းခြင်း၊ မရှိသည့်အတွက် ကျနော့် မျက်ဝန်းတစုံက သာမန်အားဖြင့် ကောင်းမွန်သည့် မျက်လုံးများဟု ဆိုရမည်။

ကျနော့် မျက်ဝန်းတစုံဖြင့် တပါးသူတို့၏ မျက်ဝန်းများအား ကြည့်မိ၏။ ဤတွင် ကျနော်သည် တပါးသူတို့၏ မျက်လုံးများအား ကျနော့် မျက်လုံးများဖြင့် မြင်ရ၏၊ တွေ့ရ၏။

ကျနော် ပထမဦးစွာ ကြည့်မိ၍ မြင်တွေ့ရသည့် မျက်ဝန်းတစုံက ကျနော့်မိခင်၏ မျက်လုံးများဖြစ်မည်။ မိခင်၏ ရင်ခွင်အတွင်း နို့ချိုစို့သောက်ရင်း ကျနော်သည် မိခင်၏ မျက်ဝန်းတစုံအား ငေးမော၍ မမှိတ်မသုန်နှင့် ကြည့်နေမိခဲ့မည်။ မိခင်သည်လည်း သားငယ်အား ရင်ခွင်တွင် ထွေးပွေ့၍ နို့ချိုတိုက်ကျွေးရင်း သားငယ်အားငုံ့၍ တရှိုက်မက်မက် ကြည့်နေမည်ပင်။

မိခင်၏ မျက်ဝန်းက ကျနော့် မျက်ဝန်းကဲ့သို့ပင် နက်နက်မှောင်မှောင်၊ ကြည်လင်ရွှန်းလဲ့သည့် မိခင်၏ မျက်ဝန်းတစုံအတွင်း၌ နွေးထွေးမှု အကြင်နာတရားနှင့် အနန္တမေတ္တာတို့အား ကျနော် မြင်ရ၏။ ကျနော် မြင်နေရသည့် မိခင်၏ မျက်ဝန်းတစုံက ကျနော့်အတွက်မူ တုနှိုင်း၍ မရနိုင်သည့် မျက်ဝန်း၊ ပြီးလျှင် ကျနော့်အတွက် အလိုအပ်ဆုံးသော မျက်လုံးများဟု ဆိုရမည့် အမေ့မျက်ဝန်း။

(ခ)

ကျနော် စတုတ္ထတန်းနှစ်တွင် မျက်ဝန်းနှစ်စုံအား ထပ်မံ၍ တွေ့ရှိမိ၏။ ကျနော် ပညာသင်ကြားနေခဲ့သည့် အခြေခံပညာ မူလတန်းကျောင်း၏ ကျောင်းအုပ်ဆရာကြီးနှင့် ကျောင်းအုပ်ဆရာမကြီးတို့၏ မျက်ဝန်းများဖြစ်၏။

ဦးရွှေသောင်းက ဤမူလတန်းကျောင်းလေးတွင် ကျောင်းအုပ်ကြီးအဖြစ် အမှုထမ်းခဲ့သည်မှာ ကြာပြီဖြစ်သည်။ ကျနော် သူငယ်တန်းလေး၊ သူငယ်တန်းကြီးမှ စတုတ္ထတန်းရောက်သည်အထိ ဆရာကြီးဦးရွှေသောင်းသည် ကျနော်တို့ကျောင်း၏ ကျောင်းအုပ်ကြီး။ ကျနော့်အကိုများ၊ အမများ လက်ထပ်တွင်လည်း ဆရာကြီးသည်ပင် ဤကျောင်းလေးတွင် ကျောင်းအုပ်ကြီးပင် ဖြစ်ခဲ့၏။ အနေအထိုင် ရိုးကုတ်၍ အလုပ်တာဝန်အား လေးစားပြီး စည်းစနစ်တွင် တိကျသည့် ဆရာကြီးကို၊ တပည့်သစ်များက ချစ်ကြောက်၍ တပည့်ဟောင်းများက ရိုသေပြီး ကျောင်းသားမိဘများက လေးစားခြင်းခံရသည့်  အနန္တဂိုဏ်းဝင် ဆရာတဦးအဖြစ် အသိအမှတ်ပြုခံရ၏။

ပထမအစမ်းစာမေးပွဲများ ဖြေဆိုရန်ပြင်ဆင်နေသည့် ကာလအတွင်းမှာပင် ဆရာကြီး၏ ပြောင်းရွှေ့မိန့်ကျသည် ဟူသည့် သတင်းအား ရုတ်ချည်းကြားရ၏။ ဆရာကြီး ပြောင်းရွှေ့ရမည့်ဒေသက ‘အမဲရောင်နယ်မြေ’ ဟု သတ်မှတ်ထားသော မြို့လေး၏ အရှေ့တောင်ဘက်တွင် ရှိသည့် တောင်တန်းကြီးများပေါ်က တောင်ပေါ် ကရင်ရွာငယ်လေးတရွာဆီသို့။

ပြောင်းရွေှ့မည့် ဆရာဦးရွှေသောင်း၏ နှုတ်ဆက်ပွဲအား ကျနော်တို့ ကျောင်းလေးတွင် ပြုလုပ်ကြ၏။ ဆရာ၊ ဆရာမများနှင့် ကျောင်းသားအားလုံးက ဆရာကြီးအား လက်အုပ်ချီ၍ ရှိခိုးကြ၏။ ဆရာဦးရွှေသောင်းက ကျနော်တို့ ကျောင်းသားများအား ဆုံးမစကားဆို၏၊ သြဝါဒစကားပြော၏။ ဆရာကြီး၏ အသံက တည်တည်ငြိမ်ငြိမ်၊ ငြိမ့်ငြိမ့်အေးအေး။ ကျနော် လက်အုပ်ချီထားရင်းမှ ဆရာကြီး၏ မျက်ဝန်းတစုံအား ကြည့်မိ၏။ ဆရာကြီး၏ မျက်ဝန်းက ရွှန်းရွှန်းလဲ့လဲ့၊ ကြည်ကြည်လင်လင်။ ကြည်လင်ရွှန်းလဲ့သော မျက်ဝန်းအတွင်း ရီဝေမှုက စွတ်၍နေ၏။ နှုတ်မှ ဖွင့်ဟမိန့်ဆိုခြင်း မရှိသည့် စကားများအား ဆရာကြီး၏ မျက်ဝန်းအတွင်း၌ ကျနော်မြင်မိ၏။ ပြီးလျှင် ကျနော်မြင်နေမိသည့် ဆရာကြီး၏ မျက်ဝန်းများက ကျနော့်မိခင်၏ မျက်ဝန်းအစုံကဲ့သို့ပင်။

(ခး ၁)

ဆရာဦးရွှေသောင်း ပြောင်းရွှေ့သွားပြီးသည့်နောက်တွင် ကျနော်တို့၏ မူလတန်းကျောင်းလေးသို့ ကျောင်းအုပ်ဆရာမကြီး တဦးရောက်လာ၏၊ ဆရာမ ဒေါ်ခင်ဖုန်းညွှန့်။

ကျောင်းအုပ်ဆရာမကြီးအသစ် ဒေါ်ခင်ဖုန်းညွှန့်က ကျနော်တို့မြို့လေး၏ မြန်မာ့ဆိုရှယ်လစ်လမ်းစဉ်ပါတီ ပါတီယူနစ် အတွင်းရေးမှူး၏ ဇနီးဖြစ်သည်။ ပြီးလျှင် ဆရာမ ဒေါ်ခင်ဖုန်းညွှန့်၏ ဖခင်သည်လည်း တခေတ်တခါက ကျနော်တို့ မြို့လေး၏ ပျူစောထီးတပ်များ၏ တပ်မင်း ဗိုလ်မှူးဖေညွှန့် ဖြစ်သည်။ ပျူစောထီးတို့၏ လက်ဇောင်းထက်မှုကြောင့် ဗိုလ်မှူးဖေညွှန့် ဟူသည့် အမည်က ခန့်ငြားခဲ့၏။

‘ဒီနေရာပေါ့ သေနတ်ထိပြီး ဗိုလ်ဖေညွှန့် ကျသွားတာ’ ဟူ၍ ဗိုလ်မှူးဖေညွှန့်၏ ‘ဗျူးပက်’အား သိမီလိုက်သည့် သူများထံမှ သက်ကြီးစကား ကြားနာရ၏။ ကျောင်းအုပ်ဆရာမကြီးအသစ် ဒေါ်ခင်ဖုန်းညွှန့်က ကျောင်းသို့လာရာ၌ ခင်ပွန်းသည်၏ အဆောင်အယောင် အာဏာစက်၊ ဖခင်ဖြစ်သူ၏ ရာဇမာန်တို့အား ပခုံးထက်၌ ခြုံ၍ လာတတ်၏။

ကျနော်တို့က ကျောင်းပိတ်ရက်များတွင် ကျောင်းရှေ့ရှိ ကွက်လပ်ငယ်လေး၌ ဘောလုံးကစားကြ၏။ ကစားကွင်းက ကျဉ်း၏။ တဖက်အနားသတ်က ကျောင်း၏ အရှေ့စာမျက်နှာ၊ ဤကျဉ်းကြပ်သော ကစားကွင်းလေးမှာပင် ကျနော်တို့ ကျောင်းပိတ်ရက်များ၌ ‘W’ ဘောလုံးငယ်လေးနှင့် ဂိုးကျဉ်းကန်ကြ၏။ ဘောလုံးက တခါတရံ ကျောင်းနံရံကိုလည်း ထိ၏၊ တခါတရံတွင်လည်း ကျောင်း၏ ခေါင်မိုးထက်သို့ ရောက်၏။ ဤသို့ ကစားခဲ့ကြသည်မှာလည်း ကြာပြီ။ ‘W’ ဘောလုံးငယ် ထိမှန်မှုကြောင့် ကျနော်တို့၏ ကျောင်းငယ်လေးသည်လည်း မည်သည့်ပျက်စီးမှုမျှ မရှိခဲ့။ ဤအတွက်ကြောင့်ပင် ဤကွင်းလေး၌ ကျောင်းပိတ်ရက်တိုင်း ကျနော်တို့ ဘောလုံးကန်မြဲ။

ကျောင်းအုပ်ဆရာမကြီး ဒေါ်ခင်ဖုန်းညွှန့်သည် ကျနော်တို့ ဘောလုံးကစားနေရာသို့ ရောက်လာပြီး၊ ဘောလုံးကစားနေသည်အား ရပ်ခိုင်း၏၊ ပြီးလျှင် ကျနော်တို့အားလုံးအား ရပ်ကွက်ကောင်စီရုံးသို့ ခေါ်သွားပြီး၊ အရေးယူပေးပါရန် ရပ်ကွက်ကောင်စီ ဥက္ကဠ အား တိုင်ကြား၏။

ရပ်ကွက်ကောင်စီ ဥက္ကဋ္ဌက ‘ဆရာမကြီးရယ်၊ ဆရာမကြီးရဲ့ တပည့်တွေပဲ ဆရာမကြီးပဲ ရိုက်နှက်ပြီး ဆုံးမလိုက်လည်း ရပါတယ်’ ဟု အမှု၏ အတိမ်အနက်အား ချင့်တွက်၍ ဖျောင်းဖျရှာ၏၊ မရ။ ကျနော်တို့၏ ကျောင်းအုပ်ဆရာမကြီးက မရ။

“ကျောင်းချိန်မှာသာ သူတို့ဟာ ကျမရဲ့ တပည့်၊ ကျောင်းချိန် မဟုတ်ရင်တော့ သူတို့ဟာ ကျမ တပည့်တွေ မဟုတ်ဘူး၊ ရပ်ကွက်နဲ့သာ ဆိုင်တယ်။ ဒါကြောင့် ရပ်ကွက်ကောင်စီက အရေးယူပေးပါ။ ပြီးတော့ သူတို့ဟာ ပြည်သူပိုင်ပစ္စည်း ဖျက်ဆီးဖို့ ကြံရွယ်တာဖြစ်တယ်”

ကျနော်တို့၏ မူလတန်းကျောင်းအုပ်ဆရာမကြီးသည် မူလတန်းကျောင်းသား ကျနော်တို့အား စွဲချက်များတင်နေ၏၊ အသံက မာ၏၊ အသံက စွာ၏။ ပျူစောထီးဗိုလ်၏ သမီး၊ ယူနစ်ကော်မတီ အတွင်းရေးမှူး၏ ဇနီး ဟူသည့် သွေးတို့က ဆရာမကြီး၏ ခန္ဓာအတွင်း ဆူပွက်နေသည့်ဟန်ကြောင့် ဆရာမကြီးသည် နတ်ဝင်သည်တဦးကဲ့သို့။

ကျနော်က နတ်ဝင်သည်တဦးကဲ့သို့ ဖြစ်နေသည့် ဆရာမ ဒေါ်ခင်ဖုန်းညွှန့်၏ မျက်ဝန်းတစုံအား ကြည့်မိ၏။ မီးကျည်ခဲအလား။ ဒေါသ၊ မာန်မာန၊ အတ္တ တို့က ဆရာမကြီး၏ မျက်ဝန်းအစုံ၌ ပန်းစကြာမှန်ပြောင်း လှည့်သကဲ့သို့ တလှည့်စီ၊ လှည့်ပြောင်းလျက်။

(ဂ)

၁၉၉၈ ခုနှစ်၊ ပွင့်လင်းရာသီ၏ တနေ့။

ရေးမြို့နယ်အတွင်းရှိ ‘လိပ်ပုတ်’ ရွာလေးသို့ ကျနော်တို့စစ်ကြောင်း ရောက်နေ၏။ စစ်ကြောင်းက ဗိုလ်မှူးစောဂျိုးဇက်၏ KNLA တပ်ရင်း ၁၆ ၊ ကျောင်းသားတပ်မတော်၊ ပြည်သူ့ကာကွယ်ရေးတပ်ဖွဲ့၊ လူဘောင်သစ် ဒီမိုကရက်တစ်ပါတီနှင့် အမျိုးသား ဒီမိုကရေစီအဖွဲ့ချုပ် (လွတ်မြောက်နယ်မြေ) တို့ စုဖွဲ့ထားသည့် နိုင်ငံရေး၊ စစ်ရေး၊ စည်းရုံးရေး စစ်ကြောင်းဖြစ်သည်။ အင်အားက ၂ဝဝ ခန့် ရှိမည်။ ၆ဝ မီလီမီတာနှင့် ၈၂ မီလီမီတာ လက်နက်ကြီးများလည်း ပါ၏။ ရည်ရွယ်ချက်က လိပ်ပုတ်ရွာလေးတွင် လူထုစည်းဝေးပွဲ ပြုလုပ်မည်။ လက်ရှိနိုင်ငံရေး အခြေအနေအား ရှင်းပြမည်။ စစ်အုပ်စုနှင့် မပူးပေါင်း၊ မဆောင်ရွက်ရေး (Non Co-operation) လှုပ်ရှားမှုအား လူထုအနေနှင့် ဆောင်ရွက်ရန် ဟောပြောမည်။ ပြီးလျှင် နိုင်ငံရေးအံတုမှုတိုက်ပွဲ နည်းနာများအား လူထုအား ဆွေးနွေးမည်။ တဖက်တွင်က စစ်ကြောင်းနှင့်အတူ ပါလာသည့် ‘နယ်လှည့်ကျောပိုးအိတ် ဆေးအဖွဲ့’ (Mobil Medical Back Pack Team) က လိပ်ပုတ်ရွာ၏ စာသင်ကျောင်းငယ်အတွင်း ယာယီဆေးခန်းဖွင့်၍ လူထုကျန်းမာရေးအား ပြုစုကုသစောင့်ရှောက်ကြမည်။

လိပ်ပုတ်ရွာ၏ အနောက်တောင်ဘက် ၄ မိုင်မျှ အကွာတွင်က ‘ကျောင်းရွာ’ရှိ၏။ ကျောင်းရွာတွင် ရန်သူ၏ လှုပ်ရှားစစ်ကြောင်းတကြောင်းနှင့် စခန်းထိုင်တပ်ခွဲ တခွဲရှိ၏။

ကျောင်းရွာနှင့် ရေးက မော်တော်ကားလမ်း ပေါက်သည်ဖြစ်၍ ရေးရှိ တပ်ရင်းသည် ကျောင်းရွာသို့ အချိန်နှင့်အမျှ စစ်ကူအင်အား ဖြည့်လာနိုင်၏။ ကျနော်တို့အဖွဲ့ လိပ်ပုတ်သို့ဝင်ခြင်းက စစ်ရေး၊ ရည်မှန်းချက်မပါ။ သို့သော် ရန်သူနှင့် နီးကပ်လွန်းသည့် ဒေသဖြစ်၍ တပ်အင်အားနှင့် တိုးဝင်လာကြရ၏။ လူထုဆွေးနွေးပွဲနှင့် လူထုအား ကျန်းမာရေးစောင့်ရှောက်မှု ပေးနိုင်ရန် ကင်းတို၊ ကင်းရှည် အထပ်ထပ်ကာရံ၍ လုပ်ဆောင်ကြရခြင်း ဖြစ်၏။

ကျနော်တို့ လိပ်ပုတ်တွင် ရောက်နေသည့်သတင်းအား ကျောင်းရွာမှလည်း ရမည်၊ ‘ရေး’ မှလည်း သိမည်ပင် ရေးမှ စစ်ကူအချို့ ကျောင်းရွာသို့ ရောက်လာ၏။

လိပ်ပုတ်ရွာ၏ ဘုန်းတော်ကြီးကျောင်းအတွင်း လူထုစည်းဝေးပွဲအား ပြုလုပ်၏။ နဝတ ၏ ပညာရေး ဝန်ထမ်းများနှင့် ကျန်းမာရေးလုပ်သားများလည်း တက်ရောက်ကြ၏။ ဆွေးနွေးပွဲက အားရကျေနပ်စွာနှင့်ပင် ပြီးဆုံးခဲ့၏။ ကျောင်းရွာရှိ စစ်ကြောင်းက ရေးမှ စစ်ကူလာသည့် တပ်ဖွဲ့နှင့် ပူးပေါင်းပြီး ကျောင်းရွာမှ ထွက်ရန် ပြင်နေသည့်သတင်းအား ကျနော်တို့ ရ၏။ ရန်သူ၏ ဦးတည်ရာက ကျနော်တို့ရှိရာ လိပ်ပုတ်ရွာသို့။

စစ်ကြောင်းမှူးက လိပ်ပုတ်မှ ပြန်လည်ဆုတ်ခွာရန် အမိန့်ပေး၏။ ကျန်းမာရေးစောင့်ရှောက်မှု ပေးနေသည့် ‘နယ်လှည့်ကျောပိုးအိတ်ဆေးအဖွဲ့’ (Mobil Medical Back Pack Team) ကိုလည်း ကုသမှု့များအား လက်စသတ်၍ သိမ်းဆည်းရန် ညွှန်ကြား၏။ ဤတွင် လိပ်ပုတ်ရွာ စာသင်ကျောင်းအတွင်း ကျန်းမာရေး ကုသမှုပေးနေသည့် (Mobil Medical Back Pack Team) မှ အရေးကြီးလူနာတဦးအား ကုသမှု ပေးနေရသည်ဖြစ်၍ အချိန် ၃ နာရီခန့် ပေးပါရန် တင်ပြလာ၏၊ ခက်ပြီ။

ကျောင်းရွာက ရန်သူသည် တနာရီအတွင်း လိပ်ပုတ်သို့ ရောက်လာနိုင်၏။ ရန်သူက မိုက်မိုက်ကန်းကန်း တိုးဝင်လာပါက လိပ်ပုတ်ရွာအတွင်း၌ပင် တိုက်ပွဲဖြစ်နိုင်မည်။

ကျနော်တို့ လူနာအခြေအနေအား သိရန် စာသင်ကျောင်းလေးဆီသို့ ထွက်လာခဲ့ကြ၏။ စာသင်ခုံတန်းရှည်များအား ဆက်ထားသည့် ယာယီကုတင်ပေါ်၌ အသက် ၁၂ နှစ်ခန့်ရှိမည့် ကလေးမလေးသည် မေ့မြော၍နေ၏။ လူနာ၏ လက်နှစ်ဖက်မှ ဆေးရည် ၂ ပုလင်းအား အစက်ချ၍ သွင်းပေးထား၏။ နှလုံးခုန်နှုန်းက မမှန်။ ခက်ခက်ခဲခဲ အသက်ရှူ နေရသည့်အတွက် လူနာ၏ ရင်ဘတ်လေးသည် နိမ့်ချည်၊ မြင့်ချည်နှင့်၊ ကလေးမလေး၏ အခြေအနေက ၅ဝ ၊ ၅ဝ ၊ အခြေအနေ။ အရာအားလုံးသည် ငြိမ်သက်၍နေ၏၊ ဆေးမှူးများက သူတို့၏ ပြုစုကုသမှုအား တိတ်ဆိတ်စွာနှင့်ပင် ဆောင်ရွက်၍နေကြသည်။

လူနာ၏ ဘေး၌ ကလေးမလေ၏ မိခင်သည် ကျုံ့ကျုံ့လေးထိုင်ရင်း သမီး၏ နဖူးပြင်ပေါ်သို့ ရေဖတ်အုပ်ပေး၍ နေ၏။ ရေဖတ်အုပ်ပေးရင်း သူမသည် မေ့မျောနေသည့် သမီးငယ်၏ မျက်နှာလေးအား ကြည့်၏၊ ကျနော်တို့အား ကြည့်၏။ ကုသမှုပေးနေသည့် ဆေးမှူးလေး ၂ ဦးအား ကြည့်၏။ ပြီးလျှင် ကျောင်းရွာမှ စစ်ချီလာမည့် ရန်သူ့စစ်ကြောင်းဆီသို့ စိတ်ရောက်သွားဟန် တူသည်။ ကျောင်းဝင်း၏ အဝင်လမ်းဆီသို့ တွေ၍ကြည့်နေပြန်သည်။

ကျနော်က သူမ၏ မျက်ဝန်းအစုံအား ကြည့်မိ၏။ မျက်ဝန်းအစုံက စိုစိုစွတ်စွတ်၊ အရည်လဲ့၍နေသည်၊ ပြိုမည့်မိုးပမာ။ ပူပင်သောကသည် လူနာရှင်မိခင်၏ မျက်ဝန်းအစုံ၌ အရောင်းအသွေးစုံစွာနှင့် ဖျက်ကနဲ၊ ဖျက်ကနဲ ပြောင်း၍နေ၏။

ကျောင်းရွာမှ စစ်ကြောင်းရောက်လာပြီး ရွာအတွင်း တိုက်ပွဲဖြစ်မည်ကို ပူပန်သည့်သောက၊ သမီးလေးအား ကုသပေးနေသည့် ဆေးမှူးလေးများ သမီးငယ်လေးအား ထားခဲ့ပြီး ထွက်ခွာသွားမည်ကို စိုးရိမ်သည့် ပူပင်သောက၊ ပြီးလျှင် သမီးလေးအပေါ် ပူပင်သည့်သောက။

ကျနော်တို့စစ်ကြောင်းမှူးနှင့် တိုင်ပင်ပြီး ဆုံးဖြတ်လိုက်ကြ၏။ လူနာအား ထမ်းစင်နှင့်ထမ်း၍ စစ်ကြောင်းနှင့်အတူ ခေါ်သွားမည်။ ရွာအပြင် စိတ်ချရသည့် နေရာတွင် စစ်ကြောင်းနားပြီး လူနာအား ဆက်၍ကုသမှုပေးမည်။ ကျနော်တို့၏ အစီအစဉ်အား လူနာရှင်၏ မိခင်အား ပြောပြ၏။ လူနာရှင်မိခင်၏ မျက်ဝန်းအတွင်းမှ လျှပ်လက်သကဲ့သို့ ဖျတ်ကနဲ ဝင်းလဲ့သွားသည်ကို ကျနော် မြင်လိုက်မိ၏။

(ဃ)

တပါးသူများကဲ့သို့ပင် ကျနော့်တွင် မျက်ဝန်းတစ်စုံရှိ၏။ အမြင်အာရုံတွင် သာမာန်အားဖြင့် ကောင်းမွန်သည့် မျက်ဝန်းတစုံ။ ဤမျက်ဝန်းနှင့် ကျနော်သည် တပါးသူတို့၏ မျက်ဝန်းများအား ရှာဖွေ၍ ကြည့်ရှုပြီး စကားလုံးမရှိသည့် အကြောင်းအရာများအား အဓိပ္ပာယ်ဖော်နေမိခဲ့၏၊ ကျနော် မြင်မိ၏၊ ကျနော် တွေ့မိ၏၊ ကျနော် နားလည်ခဲ့မိသည်ဟု ထင်ခဲ့၏။

ဤသို့ပင် ကျနော့်မျက်ဝန်းအစုံနှင့် ဆုံတွေ့ခဲ့ကြရသည့် မျက်ဝန်းများသည်လည်း ကျနော့်မျက်ဝန်းအတွင်းမှ စကားလုံးမရှိသည့် မည်သည့်အကြောင်းအရာများအား အဓိပ္ပာယ်ဖော်ခဲ့ကြလေးသနည်း ကျနော် သိချင်နေမိ၏။